بشرتي وجسمي .. الحقو علي يا ينات ويا حريم

اخواتي وحبيباتي في الله
في قطر وفي كل دول الخليج ..
يا مشرفات يا بنات يا حريم

اسمحو لي على موضوعي بس والله اني معجبه فيكم كلكم ونشاطكم وحماسكم وحبكم لنفسكم
الله يزيدكم من هالنشاط وهالجمال ويبارك فيكم

ماشاءالله عليكم احس فيه بنات قمة في الجمال والنظافة والرقي والشطاره في شغلات الحريم .. يارب اكون مثلكم
بس العجز والكسل وقلة الحيله والتدبير مايخلوني اسوي شي
حتى والله ماعندي حد اقدر اقول له روح جيب لي الاغراض

باقول لكم قصة حياتي عل وعسى وحده تحن علي وتتعطف على اختها في الاسلام
شوفي حبيباتي

انا تزوجت وعمري 20 سنة بس والله ما كنت افهم في شي كنت وايد وايد استحي ولا لي في شغلات الجمال والحريم .. ولا الحركات او غيره ..
الحين عمري 33 سنة ..
ومن ذاك الوقت لي الحين اختكم غافله فاشله في فن المكياج وشغلات الحريم قطة مغمضة كله مستحيه ولا اسال احد عن شي ، مالي غير البيت والعيال وبس
الزمن ما يخلي الواحد في حاله الله ماكتب لي ابقى معاه وانفصلت
عندي 3 عيال والحين صار لي خمس سنوات منفصلة
ولا اهتميت في حالي كلششش لا ايام الزواج ولا بعد الانفصال ..

واحس ان الله عوضني ..

تصدقون يا بنات تقدم لي عريس ..
مع اني كنت رافضة هالفكره و رديت قبله ناس .. كنت ابي عيالي وبس

بس العمر مايعطي الوحده مجال وبعد ما استخرت ربي وافقت
وين المشكله يا بنات ؟؟؟
ان متقدم لي عريس وانا بهالسن وعندي هالعيال
والاشكل انه اصغر مني ....!! تخيلي اصغر بخمس سنوات ..

جسمي و بشرتي رايحين فيها بشره وشعري خفيف ولا له حجم و وباهت
المشششششكله ويييييين

احس ان بشرتي وايد تعبانه ومبين علي الكبر واحس التجاعيد بدأت تزحف على بشره وجهي ، غير السليوليت على الارداف وشوية الكرش المتهدل  ..


والله باصيييييييييح .. خواتي حبيباتي :06: :06:
ماعرف شي تصدقون عاد في حد بهالدنيا وبهالزمان وبهالعمر مايفهم شي ؟
الله راحمني بهالانترنت
قمت ادش مواقع الجمال وادور ...
ولا لقيت احلى من هالمنتدى الرائع
صار لي اسبوع اتفرر واتصفح واخزن من هالمواضيع القيمة ..

والله محتاجتكم .. ابيكم معاي مثل خواتي ..
اعتبروني اختكم .. بنتكم .. أي شي بس دلوني نوروني دبروني
انصحوووووووووني .. شدو علي ايدي
قولووووووووولي شاسوي في حالي .. :06:

1) في وجههي اهم شي .. ابي اصير حلوة وصغيره
لو مسموح احط وجههي تشوفون كيف البشره التعبانه والذبول 
وشوية التجاعيد عند مفرق العين الخارجي والارهاق والهالات السود
وين اروح شاسوي دلوني .. الله يفرج عنكم همومكم كلها
اروح لصالونات او عيادات دكتور جلديه .. اسافر لبنان اسوي سنفره وتشقير
او اسوي خلطات من هالمنتدى ..

2) نخلص من الوجهه .. يجيكم الشعر الفاقد حيويه والباهت والخفيف شعري لين كتفي بس خفيف ومقدمة الراس بدات تخف غير الشعر الابيض اللي طالع لي

3) الجسم .. طبعا لون الوجهه والرقبه غير عن جسمي
والمرفقين والركبه لون ثاني .. ابي اوحد لون جسمي .. ابي اصير بيضاء وجسمي مشدود .. تدرون مره قريت عن خلطة الدلوج او الدروج اعتقد جذيه اسمها خلطه للعرايس في السعوديه
هذي شنهي حد يعرف عنها ومن وين اقدر احصل عليها ..
او دلوني على كريمات تبيييض او خلطات والله
قريت شكثر خلطات وخزنت شكثر بس ماني قادره احط لنفسي جدول صج يناسبني

4) وبحكم اني عندي عيال لي كرش متهدل  وخواصر رايحه فيها وشويه سليوليت على الارداف ..شلون اوديييييييهم ..
مع ان وزني 64 وطولي 163 بس احس جسمي مب متناسق مع هالكرش وهالفضايح اللي بتظهر جدام الرجال .. سليوليت

انا سمعت وقريت عن جهاز الاندرمولوجي الخاص بالسليوليت وبتهدل منطقه البطن بس غالي الجلسه عندنا بالدوحه 200 ريال والجسم يبغي له على الاقل من 10 لين 20 جلسة لين يحس ويطلع عليه تغيير ..
يارب فرج عني وعن جميع المسلمين كل مشاكلنا

6)تدرون شاللي معور قلبي اكثثثثثثثر شي ..
المنطقه الحساسسسسسة وشلون اتعامل معاها .. هذي بروحها بلوى
ياحريم يا متزوجات ...
واالله اني يوم كنت متزوجه استحي اطالع نفسي .. بسرعه اغسل هالمنطقه واقوم
وحتى الحين .. الحلاوة ما احبها وماقدر اخلي أي حد يشيل ذيك المنطقه ..
فشوفو شسويت .. قمت شريت كريم مزيل للشعر من ذيج السنين يعني صار لي سبع سنين استخدمته يمكن اكثر .. الله لا يوريكم .. اللون بالمره غامق عن لون الجسم .. فضيحة واذا حاولت اشيل بالموس يطلع لي حبووووووب اكره نفسي فيها ..
شالحل مع الشعر ومع هالسواد  اللله يخلي لكم عيالكم وازواجكم يا حريم دلوني
تر والله ماعندي حد اتكلم معاه بهالطريقه ,,
خواتي استحي اكلمهم في هالسوالف حتى صديقاتي ماقدر ، قلت ماكو غير حبيباتي بالنت ..
وهذاني جيتكم ..
افيدوني والله جاي براسي اسوي ليزر لهالمنطقه وللشعر بكل جسمي ..
وعقب ما قريت انه يصير انا اسوي الليزر لنفسي في هالمنطقه ارتحت .. بس غااااااااااالي الليزر في الدوحه انا سألت وقالت لي الممرضة اذا تبين تسوين ليزر لكل جسمج بس جلسة وحده يطله بعد الخصم 10.000 ريال قطري عشرة الآف ريال قطري للجلسة الوحده ؟؟ مب نهبه صج انهم مستغلين ابشع استغلال ..

حتى فكرة الزواج مب قادره اتخيلها شلون باوقف وبنام مع زوجي وجذيه جسمي

7)انا كنت اتصفح واخذ خلطات في هالمنتدى
بس اللي صج خلاني اكتب مشكلتي كاملة هو زوجي ..
اليوم شافني الصبح وبدون ميك اب او حتى أي كريم .. مر يبقي ياخذ شي
يوم طالع بوجههي تدرون شقال لي ..
قالي لي مبين عليج الكبر  
دارت فيني الدنيا ، :06: :06: :06:
والله انه لو مب جدامي كان انفجرت في وجهه من البكاء بس مسكت نفسي ..

ابي ارجع شباب بشرتي ..
ابي اصير عروس حلوة وجسمي نظيف ومتناسق ومشدود مابي زوجي يحس اني ناقصه او قاصره  او اني عيوووووز وما اصلح له ..اخاف يهون  وارجع اتم بروحي ..

8) المصيبة الاعظم ان زواجي بعد رمضان باذن الله يعني ماكو الا جم شهر بسسسسسسسس
الحقو علي اخواتي الله لا يهيييييينكمواسمحو لي على الاطالة
بس والله من قلبي ومن همي كتبت كل هالكلام .
وانشاءالله كل اللي تكتبونه الله يجعله في ميزان حسناتكم
وانا وغيري بنستفيد من تجاربكم وآرائكم ..

اسمحو لي على الاطاله