السلام عليكم
اهلا ذكرى والله يسلمك على هالمعلومات ويا ليت تكتبي لي كل نوع وفائدته للوحدة منا
هلا بالبنات الحلوات مزن الله يخليك ويرزقك بابن الحلال ويعطيك الذريه الصالحه وبصراحه الي انت قلتي لي اول مرة سمع عنه وان شاء الله راح اجربه اذا ولدت مرة ثانيه علشان ازيل كرش الولادتين السابقتين
:26:

الاخت الغالية امة الله سلامتك الف سلامة من الضغط وبالنسبة لكلام الاخت ذكرى صحيح ان الحوايج مالها دخل مباشر في الكرش بس تنظف وتساعد على تخليص النفاس من الشغلات الداخلية وانا مثل ما قلت سابقا اهم شي ربط البطن بعد الولادة اما الحوايج فهي للتقوية وشد الجسم ولمه واهم شي ترجع الوحده كأنها بنت وذلك حسب طبيعة جسمها ومثل ما قلت هي لها انواع كثير والحريم يقولونلك انواعها وكيفية استخدامها وعني انا ما اعرف انواعها الوالده تعرفها وتجمع بعض انواعها بس الاكيد ان فيه حريم متخصصات في صنعها وبما ان الاخت الغالية ذكرى عندها خبرة ياليت تقولنا وش مكونات الانواع اللي تعرفها وكل وحده تسويها ببيتها وفعلا حنا مالنا غنى عن امهاتنا لأن عندهم الخبرة والمعرفه اكثر منا .... وبالنسبة لهالاشياء انا سألت وين توجد بالرياض وقالولي انها توجد عند الحريم بسوق حجاب وفيه حريم معروفات هناك هم احسن من يسويها وانشالله اجيبلك اسم وحده معروفه بس انتظريني لأن اللي سألتها ناسية اسم الحرمة انشالله اليوم راح تتصل باختها اللي بالرياض وتسألها عن اسمها وانا اول ما يجيني الرد راح ارسلك انشالله ....
تحياتي ،،،،،،،،،،،،،،،،

مرحبا بنات
وش كل هالدوشه
اخت/ ذكري /md22
اتمنى انكم تسالين الوالدةعن افضل الحوايج وقت الدورة خصوصا الي ظهرها تعبان
وبعد اساليها عن علاج الخوا
وماهي اضرار الخوا جوا
اسفه على الازعاج
تحياتي

الاخت امة الله انا سألت عن اسم الحرمة وهي اسمها ام نايف بسوق الحريم بسوق حجاب وفيه وحده اسمها ام سعود بس انتي اسألي عنهم وراح تلاقينهم وهم راح يشرحون لك كل نوع وكيفية استخدامه .... اتمنى اني افدتكم جميعا ...
الغالية sali2002 فيه حوايج لأيام الدورة وتختلف فيه للبنات وفيه للمتزوجات وانتي اسألي عند الحريم اللي يسوونها وانشالله اسأل الوالده اذا تعرف شي بقولك عليه ... واذا كنتي من الرياض روحي لعند ام نايف بسوق حجاب بسوق الحريم يمدحونها مرة وعندها حوايج لكل شي .... اما علاج الخوا فأعتقد انه لازم تروحين لحرمة تعالج والخوا انواع اي واحد تبيني اسأل عنه وانا انشالله اسأل ....اما الخوا جوا هذا انا اللي سمعته انه يخرب الوحده اذا استخدمته ووقفت عنه اعتقد انك فاهمتني ؟ وهو للمتزوجات بس ابدا ما ينصحون فيه لهذا السبب ... هذا اللي اعرفه ...وانا حاضرة لأي استفسار بقدر ما اعرف وبالعكس مافيه اي ازعاج ابدا كلنا خوات ونساعد بعض ... تحياتي ،،،،،،،،،،،،،

اخواتي العزيزات ان عندي خلطه اذا استمريتي عليها راح اترجعك بنت با اذن الله المقادير
اولا" المقياس بيكون بلفنجال
فنجال محلب مطحون
فنجال حلبه مطحونه
فنجال عنزروت مطحون
نص فنجال حبه سوده مطحونه
نص فنجال مره مطحونه
قليل من الصبره قد حبت القهوه
تخلط المقادير وتوضع في زجاجه
طريقه الاستخدام
اذا جتك الدوره خذي ست ملاعق من العسل مع ملعقه من الخلطه بعد ذلك ضعي الخليط في زجاجه وكل يوم الصباح تاخذين ملعقه مع كاس حليب فيه قليل من الفلفل الاسود وقبل النوم تاخذين بعد
اما اذا كنتي لا تقبلينه مع العسل فخذي ملعقه من الخلطه وخلطيها مع الحليب في الصباح وفي المساء ويكون اكلك طوال فترت الدوره او النفاس
دافي وبتعدي قدر المستطاع عن المشروبات الغازيه والبارده
اما فيما يخص الكرش فمغلي المرميه على الريق وبعد الوجبات كفيل باذن الله باذابت الشحوم في البطن
ادعولي اخواتي ان زوجي ميفكر يتزوج علي