بعد كل سنين العذاب يبينا نسامحه ... ماااااقدر

السلام عليكم
بنااااات في قلبي حرقه وحسره ونااااااار
مقهوووووووووووره
بقولكم قصتي وبفضفض اللي بقلبي والله احسها تنفع لمسلسل

أنا من فتحت عيني عالدنيا وامي وأبي في هواش وسب وضرب
أبوي كان مايصلي وبخيل وعصبي ويضرب أمي على أسباب تافه ويسبها قدامنا ويلعنها ويسب جدي وجدتي وخوالي
وحتى احنا ماسلمنا من الضرب والشتائم
ولما دخلت الثانوي صار ينام في غرفه لحاله

وأما أمي انسانه ملتزمه طيبه وعلى نياتها تزوجت أبوي وهي صغيره وصراحه أهل أمي ماينشد الظهر فيهم يعني كانت غاسله يدها أنها ترجع لهم وماكان عندها لا شهاده ولا وظيفه تغنيها عن أبوي والناس :(
وللأمانه في أمور كثيره لما كبرت عرفت انه أمي كانت الغلط فيها من حيث التصرف وردة الفعل

وخلال هالسنين من العذاب زارنا خال أمي وهو انسان طيب وملتزم بس محروم من الإنجاب
مره تعلقنا فيه وهو نفس الشي صااار يزورنا كثير
وبعدها حس علينا وحس انه احنا مو مرتاحين بحياتنا ولاحظ تصرفات أبوي

وبعد مده امي صارت تقوله عن مشاكلنا مع ابوي
وصار يساعدنا بمصروف البيت والمدرسه
يعني هو عوض فينا العيال اللي محروم منهم وحنا عوضنا فيه الأب

وفي يوم ابوي وأمي تهاوشو وابوي ضربها ضرب مبرح واختي الكبيره ماتحملت تشوف المنظر ودقت على الشرطه و وصلت السالفه للمخفر
وبعدها امي طلبت الطلاق وطبعاً ساعدنا خالي كثير في الموضوع

سكنا في شقه وللعلم احنا 3 بنات وولد واخوي هو اصغر واحد
واحنا عندنا في الكويت يمشي للمطلقه راتب شهري مع بدل ايجار تقريباً يطلع 400 دينار + النفقه اللي يصرفها علينا ابوي عن طريق المحكمه وكان خالي يساعدنا كثير ومازال
وأهل الخير توسطو لأمي و توظفت في مستوصف والحمدلله اوضاعنا تغيرت كثير وللأفضل

هالكلام من من كم سنه
وألحين كبرنا وتزوجنا ثلاثتنا وباقي اخوي الصغيرألحين عمره 15 سنه مع امي
وكلنا ساكنين قراب جنب أمي
وأبوي متزوج وعنده عيال ومدري كم عددهم وما اعرف عنهم اي شي


من كم شهر ابوي الله بلاه بسرطان في الدم وسافر للعلاج
كنا نسمع بس ماعمرنا فكرنا نزوره او نسأل
اصلن مانعرف لا عنوانه ولا أرقامه
وبعد مده من العلاج قالو له جسدياً عمرك قصير ما راح يتحمل اكثر الا بمعجزه من رب العالمين

ومن كم أسبوع عمي اتصل على أمي يقولها أبوي يسأل عنا ويبي يشوفنا
!!!!!!!!!!!!!!!!!!!!!!!!!!!!!!!!!!!!!!!!!!

أمي حلفتنا نروح وبعد إلحاح أختي الوسطيه راحت له
ومن كم يوم عمي كلم أختي الكبيره يقولها أنه أبوي صارت حالته أحسن من شاف أختي وصار ياكل

أدري بتقولون روحي له وأحس في عيون الناس كلها يلوموني
بس والله ما أقدر ما أتخيل أشوفه
تدرون ما اجى في عرسي ولا عرس خواتي
كان يجي بس يوقع على العقد وياخذ صوره منه عشان يوديها المحكمه وتطيح النفقه!!!

دعيت واستخرت واحس مو مرتاحه وقلبي مقبوض

مااااأدري شسوي
الله أعلم بحاااااااااالي