بعض المفارقات المضحكة في منتدياتنا العربية

بسم الله الرحمن الرحيم

السلام عليكم ورحمة الله وبركاته

من بعض المفارقات المضحكة في منتدياتنا العربية ألي من خلال تجربتي وكتاباتي لما يقارب العامين في اغلب المنتديات العربية وجدت بعض المفارقات العجيبة والغريبة والمضحكة في نفس الوقت وليس معنى أنني كتبت هذا الموضوع بأن منتدانا هذا هو المقصود بل قصدت منتديات أغلب أعضائها من الأطفال وكبار السن من ذوي صغار العقل


1/ تحصل أسماء بنات من حلاوة الأسم بصراحة تتخيل انك جالس قدام وحدة شعرها يسحب معها في الأرض من جمالهاو ( با سكال بنت المشعلاني ) ما تأكل معها عيش وملكة جمال لبنان يا دوب تشتغل عندها شيالة شنطة ( شغالة ) او لبيسة
وفي الأخير يطلع ما شاء الله من ها الشباب الي شنبة رايح مثل دريكسون الدراجة وطويل وهبيل من بركات حليب النيدو ( يكبرو يكبرو ) لا وساقط في الكفاءة 3 مرات وما يكتب في المنتديات الا عن المنطق والفلسفة وماعندة مانع يتطرق للسياسة 000
طيب يا كابتن ليش ما تكتب بصفتك الحقيقية انك شاب واختار الأسم الي تحبة ما فية مشكلة ليش تصر وتستكبر انك تكتب بأسم بنت علشان تلفت نظر بعض المراهقين والمتراهقين ليش ماهو كتاباتك وادبك هم الي يلفتون نظر الأخرين عليك

2/ فيه مواضيع لبعض الشباب و من الجنسين وبكل أمانة روعة في الأسلوب وفي السرد والطرح والتنقل بين السطور وبكل حرفنه ونحصل عدد القراء ( 2 ) عدد الردود ( صفر ) ويمكن يجاملك واحد طفشان ويكتب مشكور على الموضوع الرهيب وهو اصلاً ما قرأة ولا يدري انت ايش كاتب 0
وفية واحد فاضي في نفس الصفحة والوقت بس انة من المقربين ومن الأسماء المهمة يكتب موضوع اتفه منة ما شفت وكلام ما تعرف اولة من اخرة ولا يهدف لشيء أو ممكن نستخلص منة أي فايدة والغريب في الأمر عدد القراء ( 200 ) عدد الردود ( 150 ) وحاجة غريبة وترفع الظغط وتجيب السكر

3/ فيه أعضاء ما شاء الله عليهم هواية عنده نسخ المواضيع يعني كل يوم في ها القوايل ( الظهاري ) لمن يبداء أعضاء المنتديات يقيلون ويرتاحون تحصله هو ومقصه يختخت بين المنتديات مرة طاب من على صور المنتدى مرة كاسر شباك المنتدى ألين يدخل ويقوم يفتش في ها الصفحات ويتنقى الحبيب كأنة في سوبر ماركت يملي كيسة من المواضيع حقت الناس وعلى اولة للمنتدى إلي هو مشارك فيه ويبداء (قص + لصق ) وإذا عاتبته على تصرفه رد عليك بكل دلاخة (( والله انا مشترك في قروب و لقيت الموضوع هذا في بريدي وأنا مادري إنها لك))
عذر اقبح من ذنب لأنة قبل ما تواجهة وتفضحة كان بيرد على الأعضاء على اساس انة كاتب الموضوع وما قال ان هذا الموضوع منقول او ملطوش
وان كان ولابد أنة شاف موضوع وعجبه على الأقل ينوة بأسم كاتب الموضوع

4/ مساكين بعض الأعضاء الشباب وخاصة من خريجي الثانوية الي الكليات والجامعات في وطني الحبيب ما أعطتهم وجه واعطتهم شلوت وأنا ادري إن بعضهم مجموعة فوق 90% بس ويش العمل نايم ألين بعد الظهر وفي العصرية تلاقية متنقل من قهوة الى قهوة قاله عقلة خلني أتسلى وأسجل في المنتديات يجيك هو وسنونة الى كأنها حبوب كيرم كل وحدة في جهة ويسجل ( مشترك جديد هل اجد وجهة يعبرنا )
عدد القراء ( 2 ) عدد الردود ( 1 ) طبعا مشرف الصفحة ما غيرة احد
وفي نفس الصفحة ونفس اللحظة ( شوفوا الأقدار كيف ) تجي وحدة من ها البنات حاطه في فمها علكة ( لبانة ) وشايلة شنطتها على كتفها وما تكتب غير سطر واحد (( عضوه جديدة مين يا شطار يرحب فية ))
عدد القراء ( 300 ) عدد الردود ( 299 )

5/ فية مجموعة من الأعضاء بنات وشباب ودك تتوطى فوق بطنه بدباب من ردودهم على بعض المواضيع لا يعرف يرد ولا هم يحزنون لا ومسوي فيها فيلسوف ومثقف يكون موضوعك في الشرق ويرد عليك في الغرب وليتها تتم على كذة الا بعد يخلون موضوعك شات بينهم بين وسواليف بايخة والا الحبيب مسوي فيها ناقد وخفيف دم ينكت يعني يدردب عليك كلام والله مثل وجهة الي كله حب شباب تقول فقع ما هو حب شباب لا ويزعل اذا ما رديت علية 00

وسامحونا
عنترنيت