كوبونات الراقية تسجيل الدخول

باقي فرح
باقي فرح •
๑۩۞۩๑الحلقـــــــــة الثــــــــانيـــــة عشــــــــــــــــر ๑۩۞۩๑

حطيت يدي على جبهتي..
قبل شهر..
قبل شهر..
قبل شهر..
وطعنة بالظهر

ايييييييييييييييه

واخيراً لقيتها....

لاتكون تقصد زواج اختها نجوووووووووود...

صرخت ..
بفرررررررررح..وضحكت بجنووووووون
وحسيت بطعم الانتصااااااااار
الا اكيد خطوبة نجود هي اللي كانت قبل شهر
اهااااا...يعني حزن ودموووع باقي فرح
لان اختها الصغيرة تزوجت قبلهااا


صحيح..الامر شوي صعب..وحساس
بس مايستاهل..كل هالعذاب بكرى يجيها نصيبها
اللي ينسيها..كل هالحزن والالم..
وحسيت بقلبي ..يخفق بجنون!!!

تبون الصدق ..حقدت على اخوي فهد..
ليش يخطب نجود..وماخطب خلود!!
وشوووووووو
يخطب خلود!!!
كان ذبحته..ماباقي الا فهد..يتزوج باقي فرح
زين سوى انه خطب نجود!!!!
بس ليته صبر لما تنخطب خلود!!!
تنخطب!!!
..
معقول يافارس..تبي احد يخطب خلود!!!!
هزيت راسي...وغمضت عيوني..
وانا خااااااايف من هالاحاسيس
اللي بدت تغزو قلبي و تخدر جسمي

فجأة
حسيت بطعنة قووووووووية بصدري

لا
لا
لا

مستحيل!!!!!!!!!
وش الغبااااااااء يافارس

وش دخل خطبة نجود ...بحبيب خلوووووود!!!!
لا...هي ماجابت طاري عرس اختها...
كل خواطرها..حول..حبيبها الغاااااااااادر

ااااااااااااخ يالغادر
من تكون..والله لاشرب من دمك..
بس من يكون..ووشلون تعارفوا ومتى!!!
مستحيل خلود..تصير زي هالنوعية من البنات
بس..هي تقولها..حبيبي..واحبك..
مين يكون!!!!مين!!!ووينه الحين!!!
تعبت من التفكير..وجدعت راسي..على الدركسون..
ادفع عمري..بس اعرف منهووووووووو
بس وشلووووووووووون!!!!
مالي الا هيفاااااااااااااء...
متاكد مليون بالمية انها تعرفه.....
ومتاكد مليونين بالمية ان هيفاء..ماراح تقولي..وبلعكس
لو درت اني اكتشفت منهي باقي فرح
بيوصل خلود الخبر..ويمكن تتوقف عن الكتااااااااابة!!!
حسيت بخوووووف...لهالقرار
لا ..الا باقي فرح..
بس ابي اعرف من اللي خان بنت عمي..
ابنتقم لها ولي!!!
وعقب بنتقم منها!!!


رفعت راسي..وابتسمت وكأن لمبة فوق راسي واشتغلت!!!
ايه عرفت وشلوووون اوصل
لحبيبها!!!


مالي الا .........


سمعت صوت باب امي لولوة ينفتح..
التفت ..وشفت نواف..طالع..وحالته..تروووووووووووع
نزلت من سيارتي بسرعة ولحقته..نواااااااااااااااف..نوااااااااف...
بس نواف ركب سيارته وشخط بسرعة..
وعقبها طلع..عمي فيصل..وسلمان..
وكل واحد ركب سيارته ولحقه..
طلعت جوالي ودقيت على سلمان..وقال لي..باختصار عن السالفة
تبون الصراحة
"كســـــــــــــر خاطــــــــري هالنوااااااااااااااف"
باقي فرح
باقي فرح •


**************

نواف
الخميس
10.00 مساءاً

**************

جلست بالصالة مع عماتي وعمي علي..وسواليف..وضحك
وانا بس اناظرالدرج
اتمنى المحهااااااااااا!!!!
يمكنها هالحين تسمع صوتي..وضحكاتي!!!
ياقلبي قلباااااااااااه...

للحظة حسيت قلبي وقف..
حسيت بالدم جمد بعروقي..وببرودة باطرافي..
ليه..من اللي جاء!!!!!!لاتكون اريج!!!!

رفعت راسي
وطاحت عيني على ابوووووووي ينزل من الدرج..

التفت شفت عماتي شيخة وهدى وفاطمة
وعمي علي يسولفون لاهين…

يوم وصل ابوووي نهاية الدرج…
وقف وتعلقت نظراتنا…

عجزت اقرى لغة عيونه..
بس حسيت بالخوووووووف
يرعد بقلبي..
حسيت بابوي.. الهدوء اللي يسبق العاصفة..
مدري كم من الوقت وحنا على هالوضع…
فاجاني ابوي..بصمته القاتل...

تحرك..واقبل على الصالة
وخفقات قلبي تتسارع بجنون..
تاملته حتى استقر على الكنب اللي قبالي…
وهو ماشال نظراته عني..

سكن الكون من حولي..
الا من خفقات قلبي المرعوبة..حد الموووت..
وكانه ينتظر..ردة فعل ابوووي المرتقبة

رمشت بعيوني..ولفيت جهة عماتي..
شكلهم حسوا بالجو المشحون بالتوتر بيني وبين ابوي..
وكلما طاحت عيني على واحد..شال عينه عني بسرعة
وكانه يقووووووول


جاك الموت ياتارك الصلاة..

حتى استقرت على ابوووي..اخيراً

اخذت نفس طوووووويل..
نزلت عيوني..للارض
مقدر ..اواجهه..اكثر
احس بالخووووف..
ويديني ترتجف رعبا ..
انا ادري اني غلطان
بطلعتي امس!!!وهو رافض!!!
بس صدقوني..
ماكانت الا هروب من جحيم ابوووي..

رفعت راسي..بكل صعوبة
واجبرت عيني المذعورة
انها تسأله..نظرة استعطاف..وطلب للعفو
وكاني..محكوم عليه بالاعدام
يرجو اهل القتيل..العفو!!!

ايه..انا ارجو العفوووو
وللاسف من اقرب الناااااااااااااس!!!
سامحني يابوووووي…
يبه..ضمني بحضنك..
يبه عطشان لحنانك..
يبه.. محتاجك حيل يابوووووي..
بس..للاسف مالقيتك..كل مابغيتك ..عني اختفيت

نواف..قم وسلم عليه وحب راسه
واستسمح منه..
اكيد ماراح يردك قدام عمانك وعماتك..

ناظرت امي لولوة اللي نايمة بفراشها بكل هدوء
وذكرت وصيتها!!!!
ااااااه يايمه..حسيت بيد تعصر قلبي المرعوب..

حاولت اتقدم خطوة ..
بس حسيت رجليني انشلت
وبكل صعوبة حركتهاااااا..

واخيرا وصلت..
والسكوووون يملاْ المكان..
الا من انفاسي المتقطعة اللاهثة
و انات قلبي الخائفة الراجية…
والعيون ترقبني..وترقب ..
شفاتي ماذا عساها ان تقول..

قربت من الغالي..ودنقت بحب راسه..
واطلب رضاااااااااه عني..

نواف: يبه..طلبتك سامحنـــــــــ………

حسيت بالمكان..يدوربي..بسرعة..والم..
وابوي يدفني عنه بكل قسوة وعنف..
دزني بذراعه..هذا الذراع..اللي ياما تمنيت يحضني!!
ولكنه الان..يرفضني…يرميني..بعيدا عنه..
حتى طار جسمي..الضعيف الخائف المصدوم..
ضرب راسي بقوووة على حد طاولة الرخام..
لدرجة ان الفناجيل..والكاسات كلها تطايرت بالفضاء..
واستقرت علىّ..

شعرت بالم فضييييع بمؤخرة راسي..
وحسيت برطوبة..من ورى..شكلي بديت انزف..
ولكني انزف الم..وحسرة.
وعذااااااب ابوووي..
انزف ماساتي..
وعذابااااااااتي..

استندت بكل ضعف على كفوفي..
الدامية من شظايا القزاز اللي انتشر بكل مكان..
ودماءي ..تملا المكان..والمشاعر والوجدان..
حسيت بوقع خطوات..تقترب مني..
رفعت راسي ..بشوف..
من اللي للحين يحس تجاهي بذرة رحمة..
والا جاي يشمت بي!!!!

بس..دمعي حرمني..
اشوف من يكون!!!

وصلني صوت ابوي..قريب مني..
ابوي:اسمعني زين…لاعمرك تطري كلمة يبه على لسانك…
لاانا ابوك..ولانت ولدي..قل امين الله..يريحن منك..

وصلني صوت بس ماميزته..من هول ماسمعته من ابووي
……: سعود ..تعوذ بالله من الشيطان..استغفر الله ياسعود..
ولدك ماسوى شئ..على هالكلام..الله يهديك..
ابووي: لالالاء..هذا موب ولدي ولايشرفن اصير ابوه..
مايشرفن ولد يكسر كلمتي..
ويطلع عن شوووووووري…لاانا ابوه ولااعرفه..

ااااااااه بس خلاص..
جمعت شظايا القزاز بكفوفي النازفة..
ورصيت عليها بكل قووووووووة
والدم يتدفق من بين اصابعي...
وانا اهز راسي..
ليه..ليه تسوي بي كذا يبه!!!
ليه وقداااام الناااااااس
ليه عذبتني واهنتني..وبالاخير ذبحتني...

http://www.alamuae.com/up/Folder-002/1147262837_yoba.rm



بس يا يبه..
تكفى..يكفي ذبحتني بلا سكين..
حرااااااااام عليك..
واجهشت بالبكاااااااااء..واحساس العذاب..والاهانة..
والكرامة المجروحة
غطى روحي..ونزف جروحي..
صعب ,,جدا صعب اوصفه ..وش اقول!!
قصة اوجاعي والامي تطول!!

نزلت راسي وشفت بقعة دم ..لا بحيرة دم..
تاملت دمعاتي وقطرات دمي..وهي تتسابق على السقوط..
حتى دموعي..وقطرات دمي..عافتني زي ماعافني ابووووي!!!

حسيت بيد …ترص على راسي بمنديل
هدى: نواف..ارفع راسك ..خلن اشوف مكان النزيف..يوووه
شكل الجرح عميق..بالحيل..فيصل..تعال..

ااااااه ياعمتي..هذا موب جرح!!!
الجرح ..ابوووووي وكلامه..

هدى: نواف..ياقلبي انت..قم..خل نشوف احد يوديك..للمستشفى

ناظرتها..شفت الرحمة بعيونها..
التفت على الباقين وشفت
عيونهم..تحمل الشفقة والرحمة لحالي..
وينها الرحمة عن عيون ابوووووووي!!!
ليه توزعت الرحمة على قلوب البشر
الاقلب ابوي..ضاق بها والا ضاقت به…؟؟

دفنت وجهي بيديني..
يارب موتني وريح ابوووووووي مني..
ريح هالعالم مني!!!

هدى: نواف .. قم معي..هذا فيصل جاي يوديك..نواف تسمعني..

اسمع ايه اسمع
بس ماقدر..انطق..
ومن متى الميت ينطق!!!!
ابوي ذبحني..وذبح احساسي..
خليني ياعمتي انزف لين اموت..لاتسعفوني
خلو ابوي يرتاح مني..

ياليتني اغيب ..و انتهي من هالعالم..

وقفت بكل صعوبة..ومشيت خطوة بترنح
والدنيا تدووووووور بي…
وعمتي هدى تجرني..
هدى: تعال وين رايح..فيصل..الحقنا يافيصل..
الولد بيقضي دمه..

شلت يدها عن راسي..
طاحت المناديل..على الرخام
وهي غرقانة دم..
هدى وهي تترجاني: نوااااااااف..تكفى..طلبتك..
نواف: عمتي هدى خليني ..الله يرحم والديك..

ومشيت..والدنيا خطوط قدامي..احس بدوخة..
احس بالم..بعذاااااب..
وش اوصف لكم من اوجاعي..وش اقول..
هدى: نواف.. وين رااااااايح..نواف اصبر هذا فيصل جاي..
حط شئ على مكان الجرح..والا بيقضي دمك..
التفت عليها وقلت: احسن..ياليته!!!

مدري وشلون وصلت سيااااااااارتي..
شغلتها..ودموووعي تملا عيوني..
وظليت اسووووووق بلاهدف…

لما ارتخت يديني عن الدركسوووووون..
وقفت السيارة
جدعت راسي عليه..
وانا اصيييييييييييييح…

ليه!!!
ليه يايبـــــــــــــــه!!
ماسويت شئ يستاااااااااااهل كل هذا!!!!

رفعت راسي..وحسيت الصداع بيفجر راسي..
اسندته على المرتبة..
ودموعي تسح على خدودي..
صحيح يقولون الرجال ماتصيح!!!
بس انا اعزي نفسي ..وقلبي الذبيح!!!

طاحت عيني على ولد جالس عند عتبة بابهم ويدخن..

الدخان!!!
ايه الدخان!!!
ممكن ينسيني همي وعذابي!!
ممكن ينسيني الي سواه بي !!
فتحت باب السيارة ..وشفت بقالة مهيب بعيدة..
مشيت..بترنح..احس بدوووخه..وغثيان..
وكاني اسبح
واصارع امواج..الالم ..
احس اني غريق بدموووووعي..

دخلت البقالة..وطلبت من الهندي باكت سجاير..
نظرات الهندي ..اجبرتني..اناظر ثوبي..
وارتعت..من الدم..اللي حول بياضه لاحمر قاااااااني..
سحبت الباكت..
ورجعت..لسيارتي..توي انتبهت اني خليتها شغالة ..
جدعت روحي..وسحبت سيجارة..ولعتها

وبها اعلنت دخولي لعالم المدخنين!!!
لا لشئ..الا لاهرب من جحيم
كان اسمه ابوووي..والحين مدري وش يبيني اسميه!!!
نفثت الدخان من جوفي
وانا انفث روحي..وسعادتي..وصحتي وكل شئ حلو بحياتي
غمضت عيوني..وغبت عن هالكون
باقي فرح
باقي فرح •
*******************
هــــدى
الجمعة

*******************

مرعلينا الخميس..ككابوس كئيب..
نواف..طلع ملطخ بدمائه..واخوي سعود..
جلس بالخيمة وكانه بعزااااااااء
وفيصل وسلمان وفارس..طلعوا يدورون نواااااااااف
بس ماله اثر..وجواله ناسيه بالخيمة..


وبدرية ياقلبي عليها ..تغطت بجلالها..
وصياحها يقطع القلب
وكلنا حولها نهديها..بس..مهيب معنااااااااا..
وشلون نطمنها وحنا خائفين على نواف ...
جبت لها قران منقع بكاس ماء.مديت لها الكاس
..بس .عييت تشربه..
بدرية وهي تصيح: مابي مابي ياهدى..
ابي نواف..جيبوا لي وليدي..
خلود..من شافت الدم..اغمى عليها..وبلشنا بها..
وخيم الحزن والتوتر على البيت..

ذكرت شكل بدرية..كلما سمعت جوال يرن..
والا..تلفوووووون..
توقف على حيلها..وتمد يدينها..
بدرية: وينه ..نوااااااااف .....عطوني اكلمه.. وينك يايمه
هدى: اذكري الله يابدرية...الولد..اكيد بخير..
بدرية وصياحها يتردد صداه باركان البيت: اااااااه عليك ياوليدي..
ااااااااه عليك ياضناااااي..

شيخة: وسعي صدرك يابدرية لايلعب بك ابليس..ان شاء الله نواف طيب...
وصلنا صوت امي اللي صحت
من نومها: نواااااف..وش بوه نواف؟؟..
محد رد عليهاااااااااا..بس شكلها فهمت من صياح بدرية..
جلست على حيلها..وفركت وجهها بيدينها..وشفايفها تهتز
ناظرت بدرية وقالت..بصوتها التعبان..
امي:..قولي لي..وش سويتوا بوليدي..
حرام عليكم يا بدرية ماعندكم الا هالولد
ترى ان جاءه شئ..والله مااسامحكم..
بدرية..من سمعت كلام امي..
طاحت علينا من جديد..صيااااااااح وشهااااااااق..

طبعا الناس تفرقوا بدري..وعلى الساعة 2 الفجر..
دخل علي فيصل..
هدى: هلا فيصل..وين الولد!!
جدع فيصل روحه على الكنب: مالقيناااااااااااااه
ضربت صدري بقووووووة: ياويلــــــــــــــــــــــي عليك يانواف..
وطحت على ركبتي..مستحيل..ياربيه الطف بناااااااا يارب..
هدى: وشلووووووون مالقيتوه..فيصل حرام عليك..ارجع دوره..
فيصل: ماخلينا مستشفى ولامركز شرطة ماسالنا عنه..لعله عند زملاءه..
الله يسامحك يا سعود..
رفعت التلفون..ودقيت على جوال خلود..
رن ورن ورن..معقول تكون نامت!!!
ياقلبي عليك ياخلود..منين تلاقينها والا منين..
وبالاخير ردت بصوت مبحوح..من الصياااااااح

هدى:هلا خلود..هاه بشريني..ماجاكم خبر عنه..
خلود: لا..
هدى: ياويليه..الله يستر عليك يانواف..طيب وابوك..وينه..
خلود:بغرفته..شكله نااااااااااايم
هدى: ناااااااايم..حرام عليه..وش هالقلب..وامك..وشلونها
انفجرت خلود تصيح:الله يعينهااااااااا...
هدى: تبيني اجيك ياخلود!!!
خلود: ابي نواف يجي!! ابي اشوف اخوووووي!!!
وزادت شهقاتها..وصيااااااااحهااااا
خلود: والله اني حذرته..قبل لايكشت..
هدى: لاتنسين انه مكتوب..طيب ..
سألتك بالله اول مايوصلكم عنه خبر بشريني..
خلود: ان شاء الله ..بامان الله...
باقي فرح
باقي فرح •
******************

خلـــــــود

*******************


ااااه..مدري ليه تضيع مني الحروف..وتهرب مني المعاني
لما يتعلق الامر..بنوااااااااف
اااااااااااه عليك ياخوووووووووي
وينــــــــــــــــــــــك!!!


طول ذيك الليلة ماذاقت عيوننا غير الدمع..والاهااااات..
امي..قطعت قلبي بصيااااااحها..وزفراتهااااااااا..
وابوووووووي..مكتم..مررررة وشايل الدنيا فوق راسه..
وبعيونه الف معنى ومعنى
اقرى الالم وطعون الندم..

ناظرني وقال..اذا وصلكم خبر عنه بلغوني..وراح لغرفته..
ونجود ومشاعل وبشاير..ماتحملن يشوفن دموع امي واناتها..
وكل وحدة راحت تعبر عن حزنها وخوفها على اخوها بطريقتها الخاصة...
ولكن خلف ابواب الغرف المظلمة ..

امي..تعبت من الصياح..قامت وفرشت سجادتها
وصلت وصوت صياحها يتردد صداه بارجاء البيت
"يامن رديت يوسف لابيه..رد علي نواااااااف..سالم معافى"

يوووووووه ...بعمري مامرت علي ليلة اطول من ذيك الليلة
ودم نواااااااف يتراءى بين عيوني
وصوت صراخ عمتي هدى..
وهي تقول فيصل الحق علي..نواف طلع..بيقضي دمه الحق عليه...

ماصدقت اللي سمعته وطليت مع الدريشة..
وياليتني انعميت ولاشفت نواف بذيك الحالة...

شفت اخوووي يركض..واثر خطاه ملطخ بالدمااااء..
ااااااااااااه..عجزت القى لغة تترجم احساسي ذيك اللحظة..

طال الليـــــــــــــــــل
ونوااااااااااااااااااااااف غااااااااااااااايب

اذن الفجر..ووصلني صوت امي..المتقطع التعبان
امي: خلود..دقي على شاكر يجهز السيارة..وقومي جيبي عبايتي..
خلود: على وين يايمه!!!
امي لفت الجلال وحطته على اثمها وكانها بتكتم عبراتها
امي: ابدوووووووور وليدي..ابدوووور نواااااااااف..
خلود: وش تدورين عليه..بهالليل..يايمه
هزت راسها وكانها مهيب مصدقتني..
امي: بدور عليه..قلبي.."واشرت على صدرها"..قلبي ناغزني..
انا حاسة ان..وليدي ..بوه شئ..ااااااااه ياوليدي عليك..
جلست جنبها..وحضنتها ..
خلود: تعوذي بالله من الشيطان ..يايمه..
هالحين ان شاء الله يدخل عليك..مابوه الا العافية...
رصتني على صدرها..وصياحها يتردد بين ضلوعي..
ياااااااربيه..وشلون اوصف لكم دموعي ودموع امي!!!
خميتها وكل وحدة تواسي الثانية وهي تبي من يواسيهاااااااااا
^
^
^
^
اذن الظهر وحنا لانزال على انتظارنا
وكل دقيقية تمر تزيد نيران قلوبنا حطب
وتاكد ان نواااااااف..ضاااااع من يدينا!!!!
ااااااه مااقسى الوجع
وعذاب الانتظااااااااار...

ابوي عقب البارحة مانزل..ولاراح يصلي الجمعة..
والتلفون ماسكت ..كل شوي احد يدق يسال عن نوااااااااف
حتى امي لولوة..دقت يمكن خمس مراااااااات
ونجود ومشاعل..هم اللي يردون..
نجود: يمه..خوذي اشربي ..
امي: وخري عني..مابي شئ..
نجود: يمه لاتذبحين روحك عقب غداك امس ماذقتي شئ..
امي: مالي خاطرن بشئ يابنيتي..
مشاعل: يمه وسعي صدرك..اكيد انه عند خوياه..
يمه تكفين ترى ضايقتن صدورنا عليه ..لاتضيقين صدورنا زود
..يمه ترى ورانا امتحانات..
امي: سامحنني يابنياتي..بس هذا نواااااااااف..هذا نواااااف..
تعبت امي من الصياح..وجهها احمررررررر..وعيونها متورمة
..غطت وجهها بكفوفها...وانينها يهز اركان البيت..

فجأة رن التلفووووون..
مدري ليه..جاني احساس انه نوااااااف...تسابقنا انا ونجود عليه
بس دام الموضوع فيه نوااااااااااف اكيد انا اللي بفوز...

خلود: الووووووووووو
سمعت صوت رجل غريب..وحسيت بخيبة..اكيد هذا يبي ابوي
الرجل: السلام عليكم
خلود: وعليكم السلام..
الرجل: منزل..سعود..ال...ابو نواف...
خلود: ايه..نعم؟؟
الرجل: اختي ...انا اكلمكم من المستشفى..
مجرد ماسمعت مستشفى..حسيت بيد تعصر قلبي
ورصيت عمري..وغمضت عيوني ..عشان اسمع الباااااااااااقي
وقلبي يقول لالالالالالالالا!!!!
كمل الرجل كلامه: اللي فيه نواااااااااااف..
صرخت فيه:مستشفى!! وينه..وين نواااااااااااف عطني اياه..
وينه باي مستشفى
الرجل:اختي..سامحيني ماقدر..
خلود:وشلون ماتقدر..وينه..وين اخووي ..طلبتك ابي اسمع حسه..تكفى ياخوووووووووي..لاتقول بالعناية المركزة..
ليه وش فيه ..وش صار عليه!!!وغصبن علي..انفجرت اصيح..
الرجل: لحظة لحظة..انتي خلود..اخت نواف الكبيرة...
مانتبهت ..وشلون عرف الرجال اسمي..بسرعة قلت
خلود: ايه..انا خلود..وين نواااااااااف....عطني اياه
الرجل: تطمني ياخلود..نواف طيب..مجرد هبوط حاد بالضغط..
وانيميا....اضطروا يعطونه دم..لانه نزف كثير بس حالته الان مستقرة..تطمنوا
خلود: طيب ليش ماقدر اكلمه..تكفى بس سمعني صوته..
الرجل: مقدر..والله مقدر ياخلود..
خلود: ليه ..مو تقول حالته مستقرة..وشلون مايقدر..!!!
شكل الرجل تردد ..بعدين قال: الصراحة لما طلبته يعطيني رقمكم
عشان ابلغكم من البارحة بمكانه ..رفض بشدة وحلفني..
ماقول لاحد ابد..ولما سئلته ليش اكيد اهلك قلقانين عليك!!
قال انا اصلا مالي اهل..ولاعندي احد يسال عني..
بس انا شفت اني لازم اطمنكم عليه..حتى لو اني عطيته وعد ..
لانكم اكيد خايفين عليه..عاد رحت لبطاقة الاحوال ..
وقريت اسم الوالد..وجبت الرقم من الاستعلامات...

من هول الصدمة..لصقت الحروف بحلقي....
رجع الرجل يقول: بس تطمنوا عليه..هو طيب الحين..
خلود:تكفى ياخوي..وينه باي مستشفى..الوالدة بتموووت وتشوفه..
.وطاحت عيوني على امي..الواقفة..ودموعها تسح على خدهااااا..
الرجل: سامحيني..ياخلود..عطيت نواف وعد اني ماقول لاحد مكانه..
خلود: تكفى ..والله ماراح نقول له ..انك انت اللي بلغتنا..تكفى كمل معروفك ..
الرجل: سامحيني..والله ودي..بس عطيت نواف كلمة..
بس تطمنوا عليه..
انا بكوووون عنده وماراح اقصر عليه بشئ
و بعطيكم رقمي..لو بغيتوا تطمنون عليه..
رقمي....******** 055...اخوك ابو يوسف..
خلود: جزاك الله خير ياخووووووووي..
ابو يوسف: ماسوينا الا الواجب بامان الله يختي...
^
^
^
عطيت ابوي الرقم..وقلت له..وش قال نواف لابو يوسف..
ابوي..مسك الورقة..وشققها..وذرها على راس امي...
ابوي: شفتي..شفتي..هذي اخر تربيتك..يام نواااااف.."يقولها بسخرية"..
ولدك طايح بالمستشفى..
ومبلش خلق الله..ورافض يعلمنا بمكانه..
امي كانت ساكتة..ولاردت عليه بحرف..من امس..
بس يوم قال هالكلام..انفجرت البراكين الخامدة
امي: شف ياسعود..والله لو صااااار بوليدي شئ..
والله ها..والله هذاني حلفت..مااسامحك..
انت السبب..انت اللي ضيعته..
حرااام عليك حرقت قلبي عليه..حراااااام..
عليك اللي سويته به وبي
وطاحت علينا..تصيح من جديد..
ماني مصدقة ان ابوي..شقق الورقة..يعني رقم الرجل ضاااااع
طيب وشلون ندري عن نوااااااااف..

طلع ابوي..بدون مايقول ولاحرف..وصبخ بالباب..
لدرجة ان اللوحة المعلقة بالصالة طاحت
وانكسرت على الرخاااااام..

وقفت امي..وهي تتمسك بالكنب..
امي: خلود..دقي على شاكر..نجود..شوفي عبايتي بمجلس الحريم..
ونادي سيتي..
خلود: على وين يايمه..
امي: بدور وليدي...وليدي بيضيع من يديني..وابوك..يتفرج علي!!!
خلود: طيب اصبري..وين باي مستشفى بتدورين عليه..
امي: بكل مكان لما اشم ريحته..ااااااه...عليك ياوليدي..
خلود: طيب ..اصبري..بجيب عباتي..
امي: لا ..انتي اجلسي عند خواتج..وذاكري مابقى على امتحاناتج شئ ..
خلود: لا..بجي معك..طز بالامتحانات..

لفينا على المستشفياااااات الحكومية واحد ورى الثاني..
وللاسف ماحصلنا شئ
وكل مرة يزيد ياسنا من شوفة نوااااااااف..
معقول وين يصير!!!
مو معقول يدخله ابو يوسف مستشفى اهلي!!!
ياربيه..وش السوووووووووواه!!!

دق جوالي..
هيفاء: هاه بشري ياخلود..
خلود: للاسف..مالقيناه..بس واحد دق يقول..انه بالمستشفى..
قاطعتني..هيفاء: بالمستشفى..اااي ..لحظة..اصبر انت..
سمعت اصوات بعدين سمعت صوت رجل..
الرجل: هلا خلود..معك فارس..وينه باي مستشفى..
خلود: مدري..
فارس: وشلون موب تو تقولين انه بالمستشفى..
خلود: ايه واحد دق..وبلغنا..
فارس: طيب..ومابلغكم باي مستشفى..
خلود: لا..
فارس: وشلووووووون..وليش ماقالكم!!

استحيت وش اقووووووول..اقول ان نواف حالفن عليه مايعلمنا
والا اقول انه يقول مالي اهل..والا اقوله عن ابوي..
وانه شقق الورقة..وضيع رقم..الرجل
خلود: لا....شاكر..خذ يمين..ايه يمين .. معليش فارس..
قاطعني فارس: وينكم..الحين..ومن اللي معكم..عمي معكم
خلود: تونا طالعين من مستشفى الحرس..وابوي موب معنا
فارس: طيب لحظة هذاي جااااااي..
خلود : لا ..لاتجي......
فارس: ابجي..يالله هذاي جاي..
خلود: مشكور يافارس.. لاتتعب نفسك ..هذانا قاعدين ندور عليه
فارس: وشووو..طيب اصبرن هذاي جاااااااي..
خلود: ماله داعي..يالله بامان الله..
وصكيت السماعة بوجههه..فاضين له..وين بييجي بعد!!!

كملنا المشواااااااار..رايحين لمستشفى اليمامة..وجوالي يرن..
بس يطلع رقم غريب..
شكيت انه فارس..طنشته..مارديت..
مالي خلقه..هو وتحقيقاته..<<شارلوك هولمز..اللي فينا كافينا..
عقب دقت هيفاء..شكله قالها تدق علي..
مارديت..مالي خلق احد..
صوت صياح امي موترني..على الاخر..
اسندت راسي ..واستسلمت لدمووووووعي..
مسكت يد امي ..ورصييييييييت عليها...
خوووووووووفي على نوااااااااااف ماله حد!!!
^
^
^
يوم السبت..جاب شاكر..مفتاح سيارة نواف..
وعطاه امي..وهو يقول: هزا ابو يوسف..جيب مفتاخ..
امي..رفعت يدينها..ومابقى دعوة..مادعتها لابو يوسف..
قل امين عسى ماتذوق على يوسف اللي ذقته على نواااااف..
باقي فرح
باقي فرح •

*******************
هدى
الثلاثاااااء

****************


من الضيقة اللي احس بها ..
مسكت قلمي..ودفتر خواطري اللي ..
افرغ دمعاتي على سطوره المايلة ..
لتنساب وتسقط في بحيرة النسياااااااااااااان..والحرماااان


مسكت وكتبت:


عندك خبر وش غايتي هالدقيقه؟

ودي أضمك وانفجر فيك وأصيح!!

في خاطري من جاير الوقت .. ضيقه

وقلبي غدا معطوب واطلاله اتطّيح

لا يغر عينك بسمتي مو حــقيقه

بسمه وراها ألف مغزا... وتصريح

ودي افــجر عبرةٍ بي... عميقه

فترة غيابك اشبعتنـــــي تجاريح

أكابر وبقصى ضـــــلوعي حريقه

نارٍ لـــهبها لوح الجوف تلويح

تعال ياني لشــوف وجهك شفيقه

كل العنـــا والهم لا شفتك يزيح

علمني كيف الـــحل كيف الطريقه؟

وشلون أضمك وانفجر فيك وأصيح!!

في قمة حزني على امي..
يزورني طيف خاااااااااااالد..
اقسى شعووور..
وانت تشوف نور عينك ..
يذوي قدامك..وريحة الموت تطق بابك
صعب والله صعب...
دخلت يدي بين خصلات شعري..
احس بالوحدة والهم..والضيقة والالم..
ودي اشكي..ودي ابكي..بس لمـــــــــــــين!!
اااااه..وينك ياخااااااااالد..
مدري غباء..
والا ميلة حظ..
والا تعاسة وشقاء..
ماضاقت بي الوسيعة الا تمنيته..
ولا ملا الدمع عيني..
الا تمنيته يمسحها..
من يوم دريت بمرض امي وحاجتي لقربه مني تزيد يوما بعد يوم..

هزيت راسي ..ابي اطرد هالافكار الساذجة الغبية من راسي.
ولمتى ياهدى!!!
هالحين الرجاااال معرس ومبسوووط مع زوجته وانتي للحين تتمنين قربه؟؟
..حسيت بطعون بصدري..
طعنة ورى الثانية..طلاق..ومرض ام..
وزواج من شخص غير حبيبك اللي عااااااااافك..
ياربي ..والله بموووووت...

~~~~~~~~~~~~~~~~~~~~~~

فيصل: هدى..مشاري..ابلشني يبي يملك هالخميس
هدى:وعلى ايش طاير!!!
فيصل: بيعرس..وشو اللي على ايش طاير..
هدى: فيصل..تكفى انا مالي خلق..خل ناجل الموضوع لقبل العرس بيوم..
فيصل: الرجال مختب..ومصر يملك..تملكوا وبعدين..
قاطعته: فيصل..نفسي ادري وش هالحرص على هالعرس..لهالدرجة صرت هم على قلبك..وودك تتخلص مني باي طريقة.."وارتجفت شفايفي
وكملت"..لاتخاف..ترى نهايتـــــــــــي قربت..

ودفنت وجهي بيديني..وعبراتي تتكسر بصدري..
فيصل: هدى..لاتفهميني غلط..انا..انا..عندي اسبابي..
هدى: اي اسباب..اللي تخليك تجدعني على هالمشاري..
فيصل: تذكري زين ...انا ماغصبتك..

امي..اللي طلعت من الحمام وانتم بكرامه بهاللحظة: هدى..وش عندك!!
ابتسمت..ودموعي تسح على خدي: سلامتك يالغالية..
وقربت منها ..ومسكتها..لما جلست على السرير..
مسكت يدي..وضغطت عليها..وغمضت عيونها..
امي: انتي ماتبين مشااااااااااري!! قولي يابنتي..قبل لايصير شئ..
هدى: لا..يايمه انا موافقة..بس
امي: بس وشوووووو...
ناظرت فيصل..وشال عينه عني..وتنهد..
هدى: بس مشاري يبي يملك ..وانا اقول ماله داعي..الحين
امي:وراه ماله داعي..هذا مشاري..بينسيك خالد..
وبتتحسفين على دموعك على هالخسيس..والله لاتذكرين كلامي..
لاعرستي..تملكي يابنيتي وافرحي ..
يسد اللي ضيعتيه من عمرك على هالخالد..
كح كح كح..

اااااااااااه..تقولين بينسيني خالد
شكل ماينسني اياه الا الموووووووووووت


~~~~~~~~~~~~~~~~

مانسى يوم تحدد يوم زواجي..
بعد الامتحانات باسبوع يعني ..قبل زواج نجود باسبوع..
باقي له تقريبا اقل من ثلاث اسابيع..
لا ..خلاص غيرت رايّ..غير خالد ..مااااااااااااابي..

حطيت يدي على وجهي..وصحت..
الله يهديك يايمه..ليه خليتني المسمار ..
بين خشبة رضااااك..ومطرقة حب خالد..

خالد..اااااه ياخالد..معقول..بصير لغيرك زي ماصرت لغيري
معقول ياخالد..ماصرنا الا ذكرى!!! يامسرع مامرت..
وانتهت!!

وهذا انا اجر خطاي..لمنصة الاعداااااااام..بزواجي من مشاري
كله منك ياخالد..انت السبب..الله يسااااامحك

لو تدري عني محال في يوم تتركني
مٌحال تبعد ولو لحظات عن عيني

قلبي يحبك .. وصدك كــاد يقتلني
يا كيف تبعد وحبك ذايبٍ فينــــي

يا كيف بعد الغلا والشوق تهجرني
وعقب الموده قدرت انك تجافينـي

حرام تجفي بعد وصلك وتتعبني
حرام تنسى غـــــرامٍ بينك وبيني

ما أذكر اني بحبك كنت متجني
وافي وانته بهجرانك تجازيني

إن كان حبي بعينك غلطه .. سامحني
بكفيك بوحي وبطوي صفحة سنيني

أدري بقلبك بلحظة شوق يذكرني
أدري مسيرك بعد هجري بتبكيني

وداعة الله يأغلى منّي ومنّي
وداعة الله حبيبي ويا نظر عيني



وداعة الله..
انتهى مابيني وبينك..ياحبيبي..