*****************

الهنووووف
الاربعاء

******************

كح كح كح
لا هاذي اانا الهنوف موب امي لولوة..
ايقالي طلع مني غباااااااار...
حيث انها اميروووه منذ مبطي..ماكتبت عني

ماعليناااااااا
تدرون اليوم الاربعاء اللي قبل سبت الاختبارات
ياشينووووووه اكره يوم بحياتي هو هالاربعاء اللي السبت امتحانات
يبتل يتزقلب..((يتقلب)) ..يعي ..يمشي بسلام..
نزلت ..وكتاب الرياضيات بيديني..
مدري ليه..ايام الامتحانات..يطري لي ابربس ..بالمطبخ
حطيت الكتاب..وفتحت على درس مساحة الدائرة..
وطلعت صينية كيك دائرية..
قلت اليوم ..بطبق هالدرس..عملياً..
وخلطت البيض..والسكر..وباقي المقادير..
والخلاط..يشتغل..ماحسيت الا ..باللي يخم عصاقيلي من تحت..
نزلت عيوني..وتقابلت مع عيون "غلا"
واااااااااااااااااو
طفيت الخلاط..شلتها..بستها..وقبصت خدودها وهي تكركر..
الهنوف: متى جيتوا..
غلا: دو.."تو"
الهنوف: شفتي..سويت كيكة عشانك..عشانك جيتي
غلا: ابي تيتة ..تتاو..((ابي كيكة كاكاو))
الهنوف: لاوالله طرااااااااار ويتشرط..

صلحت الشاهي ..وقطعت الكيكة..وغلا ..ترطن عندي بس
مدري وش تقول افهم كلمة وعشر..لا..
كنها تسولف عن سديم ورسيل بنات خالتها..
عطيتها الصحن وقلت يالله..خل نروح نتقهوى..

~~~~~~~~~~~~~~

منيرة:يمه..ماقلتي لابووووووي..يعطينا فلووووووس..
امي: وانتي مالك لسان..ماشاء الله..هالطول..
بس لاجت الصدقة..طب عليك الحياء..
منيرة: يمه تكفين..ترى مامعنا وقت نجهز فساتيننا..
عزيزة: فساتين!!! وش دعوة!!
منيرة: ايه فساتين..واحد لعرس نجود..والثاني لعرس خالتي هدى..
عزيزة: عرس...هدى!! ماشاء الله مبرووووووك..ياخالتي..هدى بتعرس
امي تلعثمت وارتبكت : الله يبارك فيك..
عزيزة والابتسامة شاقة حلقها..ياعمري ماتدري وش السالفة..
عزيزة: ماشاء الله من تبي تاخذ..
منيرة: يعني طارق ماقالك!!!
عزيزة ببراءة: لا والله ماقالي..وبعدين موب كل شئ يقوله لي..تعرفين اخوك..
منيرة: ايه بس هالموضوع مفروض هو اللي يقوله لك..
احسن من انك تسمعينه من الناس..
عزيزة..حست ان الموضوع فيه ان..وتابعت
عزيزة: ليش..!! ليش هالموضوع بالذات..
منيرة: لان خالتي هدى بتاخذ..مشاري
عزيزة: مشاري مين...
منيرة: مشاري ماغيروه...رجل اختك عفراء..
عزيزة: ابو سديم..!!!
منيرة: ايه ابو سديم..وش الغباء الي طب عليك اليوم..



خيم الصمت..وعزيزة..من هول الصدمة..حطت يدينها على وجهها
وسكتـــــــــــــــت...بعدين انفجرت تصيح
شكلها توها تستوعب..الموضوع..
امي: هو..عزيزة..وش بلاك!!!
كل الرجال يعرسون...موب بس رجل اختك
عزيزة..زااااااد صياحها...
امي: وش يصيحك..والله لو هو طارق اللي بيعرس..
بعدين هدى عاقلة وحبيبة ..ومهيب ضارتن اختك..اختك معززة مكرمة ببيتها..
ومهيب جايها الاكل خير من هدى...

عزيزة: معقول..معقول مشاري يعرس..
ليش وش قصرت معه عفراء..
شايلته على كفوف الراحة....
وحاشمته وحاطته فوق راسهاااا
امي: والرجل مايعرس الا عشان مرته مقصرة..!!
عزيزة..رفعت صوتها..:ليش وش بها هدى ..ومهوب بعفراء!!!
امي: عن الغلط..ياعزيزة..اختي..الف من يتمناها..
وماطاحت لرجل اختك..
بس هو اللي ابلشنا لما وافقنااااا..

عزيزة...طلعت جوالها..ودقت على طارق..
عزيزة: الو طارق..تعال خذني للبيت....
ايه الحين....طارق....تكفى ترى اللي بي كافيني..
مابي شئ..خلاص..تكفى..مع السلامة..

وقالت لغلا ..اللي انصدمت من صياح امها..
عزيزة: غلا ماما..جيبي ..جزمتك..يالله هذا ابوك جاي..

امي: بسم الله امداكم تدخلون؟؟؟..ياكافي كل ذا عشان
رجل اختك بيعرس..اجل لاعرس طارق وش بتسووين..
عزيزة انفعلت: ماراح اقعد عنده..لحظة..
امي..وهي تشرب الشاهي ببرود: بالطقاق... اللي خلقك خلق مليون غيرك..
والبنات على قفى من يشيل..

عصبت على امي..البنت مصدومة ..ومتضايقة لاختها..وامي تزيدها..
الهنوف: يمه الله يهديك..وش هالكلام....
امي: والله اللي يشوفها..يقول كن ابوها ماعرس على امها..متعودات على الجوار..وراه تسويها قضية..كل الرجال يعرسوووون..
مير الله يوفقه ويسخره لوخيتي..ويعوضها عن خالد..يارب

عزيزة ..طلعت من غير ماتقول ولاحرف..
خيم الصمت..وامي تاكل بهالكيك..ولاكانها قالت شئ..


منيرة..وقفت: يوووووه حسبي الله على عزيزة..خربت مزاجي للدراسة!!!
بروح اشوف..التلفزيون..يمكن يتعدل مزاجي!!
ناظرتها..وتمنيت اصكها بالبيالة..اللي معي..
شلت روحي..ورحت لغرفتي..



دقيت على مشااااااااااعل..من زمااااااااان ماسمعت صوتها..
مشاعل: الووو..هلا هنوووووس...لاتقولين خلصتي المنهج قبلي..
الهنوف: الا..والحين اراجعه هههههههههههههه..صازة!!
مشاعل: والله زهقت..عجزت انتصف..
الهنوف: طيب وش رايك..تجين تذاكرين معي..
مشاعل: ياليت..بس شكلها بالاحلام..
الهنوف: تكفين..تعالي نذاكر..تذكرين..يوم تجين..تذاكرين معي العام..
مشاعل: تكفين لاتذكرينن..بغيت اسقط والسبب تدريسك!!
الهنوف: ايه هين..الا تفوقتي..والسبب تدريسي..
تكفين تعاااااااالي..ولهانة عليك يالدووباااااااااا
مشاعل: ودي تحسبين ماودي..بس مابوه احد يجيبن..
الهنوف: يعني امك موافقة..
مشاعل: امي من عقب نواااااف..خلاص..
سووا كل شئ الا وليدي لاحد يقربه..
الهنوف: ياقلبي عليها..وشلون نواف الحين..
مشاعل: خليها على الله..
الهنوف: طيب وشاكر..وينه
مشاعل: رايح ..مع ابوووي..من الصبح ومارجعوا للحين!!
الهنوف: طيب..وش السواااااااااة..

سمعت طق على الباب..قلت لحظة مشاعل..
فتحت..لقيت..سلمان واقف..
سلمان: الهنوف..وين السي دي...حق..اكسفورد..ديكشنري..
الهنوف: رجعته لغرفتك..
سلمان: مالقيته..وين حطيتيه..
الهنوف: بالدرج الثاني..
ويوم شفته بيطلع..ناديته..
الهنوف: سلمان..بتطلع!!
سلمان : ايه وش تبين..!!
الهنوف: ممكن تجيب..مشاعل بنت خالي..
تبي تجي تذاكرمعي..ومالقت احد يجيبها..
تكفى سلماااااااان ..الله يخليك!!!

سلمان..التفت..وابتسم ابتسااااااااامة ماكررررررة


*****************
نهاية الحلقة الثانية عشر

يالله عااااااااااد الله الله بالردود

قلت لها عن ردودكم وتشكركم كلكم بدوون استثنااااااااااااااء

ننتضرك ياالسنعه بفارغ الصبر لاطولين قاعده على احر من الجمر في انتضار المزيد والقصه اكثرمن رائعه

هلا والله **بــــــــــــــاقي فرح**

الجزء هذا رووووووووووووووعه ..
بس يعور القلب ..
بانتظار باقي الاجزاء ..
لا تبـــــــــــــــطين علينا ..
يعطيك العافيه عالمجهود ..

الله
فيــــــــــــــــــــــــــه
باااارت
جديد
ياااا
حظــــــــــــــــــــــي

مشكوررررره
باقي فرح