كوبونات الراقية تسجيل الدخول

شوق وحنين
شوق وحنين •
الله يعينك ياباقي فرح على البنات بس عندي لك حل نزليها مره وحده وارتاحي من هالصجة ، وبعدين الواحد مايدري وش الظروف اللي بتصير له يمكن تجيك هدية سفره على بلد حلو مع ناس يوسعون الصدر لمدة شهر وش بنسوي حنا يعني ؟؟؟ !
باقي فرح
باقي فرح •
شوق وحنين شوق وحنين :
الله يعينك ياباقي فرح على البنات بس عندي لك حل نزليها مره وحده وارتاحي من هالصجة ، وبعدين الواحد مايدري وش الظروف اللي بتصير له يمكن تجيك هدية سفره على بلد حلو مع ناس يوسعون الصدر لمدة شهر وش بنسوي حنا يعني ؟؟؟ !
الله يعينك ياباقي فرح على البنات بس عندي لك حل نزليها مره وحده وارتاحي من هالصجة ، وبعدين الواحد...
هههههههههههاي
ضحكتيني والله

اذا الكاتبة نفسها ماخلصتها فشلون انزلها كلها؟؟؟

والله يسمع منك وتجيني هالسفرة ...عاااد بكيفكم تصبرون لما اراجع:hahaha:


الاخت وردة

ههههههههههههههه

مسوين حظر على القصة ماتنوجد بالنت الا بكلمة سر!!!:22:
وردة نت
وردة نت •
باقي فرح وش هالطلة ويديك فاضية

ما فيه ولا حتى مكالمة هدى لخالد


ارحمينا ونزلي 22 اللي منزلتهم الكاتبه
باقي فرح
باقي فرح •
وردة نت وردة نت :
باقي فرح وش هالطلة ويديك فاضية ما فيه ولا حتى مكالمة هدى لخالد ارحمينا ونزلي 22 اللي منزلتهم الكاتبه
باقي فرح وش هالطلة ويديك فاضية ما فيه ولا حتى مكالمة هدى لخالد ارحمينا ونزلي 22 اللي...
ابشري يالغالية ياوردة

كله ولا شرهتك علينا:26:
باقي فرح
باقي فرح •
الحلقــــــة الســـــــــابعة عــــــشــــــر

**************
هـــــــــدى
**************

"انتهينا وابتدينا انتهى الغيم انقشع
وانتهى فوحك بنبضي كلمةً راحت وجات
لاتقول انسى لقانا لك كلامً ما انبلع
ولك عيونً ماتغلا غير في يوم الممات
اعتبرني ظل ساكن صيف ممطر ما انقلع
وباعتبرك العمر كله روح كل الأمنيات"

ضغطت الرقم اللي حفظته اكثر من اسمي..
..
توقفت انفاسي..وتسارعت ضربات قلبي..وانا اسمعه
يرن..
يرن..
يرن..

ويرن

واخيراً..

خالد: الووووووووو

انربط لساني..صوته.. بعد طول هالغيبة..هز وجداني..
صحاني..من غفوة احزاني...
صوته..جيّش شوقي..له..
تسارعت دقات قلبي..وتلاحقت انفاسي..حسيت باطرافي متخدرة
خالد بنفاد صبر: الوووووووو
همست: الوووووو....
خالد: نعــــــــــــــــــــــــم...
غمضت عيوني..وانا انطق باسمه..بكل عذاب..وكاني غريق يتشبث باخر طوق نجاة..بهالكون..: خـ.....ـا..لـ.......ــد...
وغصب عني انفجرت اصيح...
شرهت على انسان حبيته..وسهرت ليليّ اناجيه...
وذرفت دموعي عيني ارجيه..
شرهتي على خالد..ماتوسعها الدنيا..
بس..صوته..نساني كل عتب..

خالد: الووو..من معي...

وش اقول..!! معك قلب طول عمرك معه..
معك روح..انت روحها..شهقت..لما سمعته يقول..
خالد بصدمة:هـــــــــدى؟؟؟ انتـــــــــــــــــي..هدى!!!

زاد صيااااااااحي..وتحول..لشهااااااااااق..
شديت يديني على السماعة..
وكاني ابي اوصله..باي طريقة..
حاصرتني جيوش ذكراه..وهو ماغاب عن عيني يوم..

وينك ياخالد..وليه الغياااااااااااااااااااب..
وينك ياخالد..يكفيني عذااااااااااااااااب..
رجيتك..ارجع..ارجع لقلب..بحبك..منصاب..

خالد: هدى..وش بك تصيحين..

سؤاله..كان كالماء البارد..لعطشان بصحاري الحرمان..
وش اللي بي ومااصيح..ياخــــالد...
هدى:خــ...ــالـــ...ـد....انــ....ـا...حيل تعبانة...
بموووووت ياخالد..
خالد: عسى ماشر..
هدى: ووووووووووينك....وووينك..ياخالد..
خالد: موجود..تبين شئ..؟؟

ايه..ابيــــك..ابيــــك انت...

خالد: هدى..تكلمي..وش صاير..فيصل بوه شئ..
هزيت راسي:..لا..لا..اقولك بموووووت وتقولي فيصل..
خالد: وش صاير..تكلمي..ياهدى

غمضت عيووووووووني..وبخاطري تهيج المشاعر..
زفرت حرات..اااه..قلت والالم..ينغرز باحشائي..

هدى: بكرى...زواجي...ياخالد...

مرت لحظات..حسيتها ساعات..
عم السكون حولي...
و مع كل نبضه قلبي العاشق..مع كل رمشة عيني الباكية..
تزيد ..لهفتي لردة فعله...

انتظرت

وطال انتظااااااااااااااااري..

قلها ياخالد..واوعدك اللي تبيه بيصير...
قلها..و مايصير خاطرك الا طيب..

يوم شفته ساكت..
قلت..بتاكد: الووووو...خالد انت معي..
خالد: ايه..معك..
هدى: وراك ساكت..
خالد: وش تبيني اقول..
هدى: قل اي..شئ.."وبرجاء"..قلت: تكفى قل اي شئ وريحني...
خالد: وش يقولون لعروس..الا بارك الله لكما وبارك عليكما وجمع بينكما بخير..مبروووووك..ياهدى..والله يوفقك..

لا
لا
لا

صرخ بي الالم..وصرخ بي ضلالات الوهم: وبـــــــــــــس؟؟

خالد: مااعتقد فيه كلام ثاني ينقال...الا..لااحد يدري ان العروس..داقة على طليقها..ليلة زواجها...تراها فضيحة..
عشان كذا ابصك الخط..ولاعمرك تدقين ثانية..وخبر هالمكالمة بيني وبينك..طيب!!..بامان الله يالغالية..

طووووووووووط
طوووووووووووط
طوووووووووووط

صرخت فيه باعلى صوتي: خاااااااااااااااااااااااااااااالد...لحظة..
وطاحت السماعة وانا ارتجف من الصدمة..من الالم..من الاهانة..

راسك علامك رافعه يوم احاكيك
الظاهر اني فوق حجمك عطيتك
ارخصت عمري لجل احبك واداريك
هدمت قصر الذل فيك وبنيتــــك
كان الغلا شمعه تنور لياليـــك
لو اظلمت دنياك جيت وضويتــك
كنت انت عندي غير وما اقدر اخليك
واموت واحيا ان قلت سم وفديتـك
ياصاحبي بتموت ماني براجيك
واشره علي انكان حتى طريتـــك
اضحك حبيبي دام وقتك مسليك
باكر تموت من القهر لا نسيتـك



يعني خلاص..انتهى "خالد"
فقاعة صابون..وانفجرت!!

لا
لا
لا

وشلون..يبارك لي!!!
بمووووووووتي..يهنيني!!!
رفعت راسي..وطاحت عيوني على فيصل..
متسند على الدرابزين..ويقلب المفتاح بيده بكل عصبية..
لاشعوريا..مسحت دموعي من عيني ووقفت..
سالته بتشكيك: فيصل؟؟... من متى وانت واقف هنا...
قال بكل جمود: من يوم قلتي له..ان بكرى زواجك..وهو اليوم..موب..بكرى..
ورماني بنظرة..ذبحتني..شللت تفكيري..
حطيت يدي على وجهي..وتصاعدت موجات من الصياح..
والاحراج..والاهانة..حسيت بالنار تحرق وجهي..

هدى: لاتلومني يافيصل..تكفى لاتلومني..انت ماتحس بالنار اللي بي..
فيصل..باحتقار: مااالومك؟؟ فيه وحدة تدق على طليقها يوم زواجها؟؟ من يسويها ياهدى..هااااه..من يسويها..انتي انهبلتي..
امي..من جهه وانتي من جهه..حراااااام عليك اللي تسوينه بنا حرااااااااااام عليك ياهدى..مفروض تحمدين ربك على مشاري..بس وجهك موب وجه نعمة..الظاهر..مشاري مخدوووع بك..

حطيت يدي...على راسي..
وانحنيت بكل ضعف..وانا ارتجف..
بس..تكفى بس..يافيصل..ارحمني ارجوووك..

قرب مني وقال: للمرة الاخيرة اسئلك..تبين مشاري..
والا ماله داعي طلاق ثااااااااااااني..ماله داعي واحد ورى الثاني يعافك..

شهقت..ورفعت راسي..ناظرته بكل الم..
شفت القسوة بعيونه..التعبانة..اهتزيت شفايفي..وانا اقول: خلاص..ماعاد ينفع..ماعاد ينفع..خالد مايبيني..خالد..عاااااااااااااااافني..

ماسمعت اي صوت..
حسبته راح وخلاني..اضمد جروح قلبي..
لكني فتحت عيوني الدامعة..شفته يراقبني..

فيصل: ارحمك..والله ارحمك..
ومشى عني ورقى الدرج..وقبل لايغيب عن ناظري..
التفت وقال: ياويلك احد يدري..بهالمكالمة..مفهووووووووم!!!

غمضت عيوني..
وحطيت راسي بكل هدوء على المخدة بالصالة..
والافكاااااار..توديني وتجيني..
مستحيل..اكون دقيت على خالد..اكيد اني احلم..اكيد
والا اتخيل..اكيد..انا لو بدق عليه ..كان دقيت من زمان..من سنة موب الحين..بس ..شكل السماعة الطايحة على الارض..
ذكرني بكل شئ صار قبل شوي..

حسيت بالبرد..وارتجفت..لميت كتوفي بيديني ..
بس للحين بردانة..شفت..مصلى امي..بالدولاب..
اخذته..وتلحفت بجلالها..ريحتها..نقلتني لعالم ثاااااااااااني..
عالم مافيه لاخالد..ولامشاري..
عالم ..فيه امي..امي..بس..
ارسلت دموعي بغزارة..وانا احس بالراحة..وكاني بحضنها ..
وكاني احس بيدينها تمسح على راسي..
ورغم الالم..
رغم العذاب..
رغم الاضطراب..

الا اني غرقت ..بنوم لذيــــــــــــــــــــذ..

وماكدر علي الا حلم مزعج..سبق..وزارني..
ابوي لابس ثوب ابيض..ولحيته بيضاء..واقبل علي..
هدى: يبه يبه..تعال..يبه..ابيك..امي تبيك..كلنا نبيك يايبه
بس ابوي..زي المرة اللي فاتت..ساكت..وبعيونه نفس النظرة الغريبة...
ابوي: انا جاي ابي لولوة...وينها ياهدى..وين لولوة..ماجتني لولوة للحين..

انت تبي امي..؟؟
للحين تبيها تجيك...
فتحت اثمي بتكلم..بس عجزت انطق..بحرف..
حسيت بالم فظيع بصدري..
وفجاة طلعت عجوزبوجههي..شكلها يخوف..
وناظرتني وهي تبتسم..وتقول: موب عادتها لولوة تتاخر..تاخرت علينا بالحيل..
التفت على ابوووي....مالقيته.. دورته ..ركضت..
وانا اصرخ بلا صوت..
يبه..يبـــــه...يبـــــــــه..

لكن العجوز..مسكت يدي بقوة..وغرست ظفورها بذراعي..
لما سالت قطرات دمي..
وهي تكركر..وتقول: ابوك رااااااااااااح..بس..وين ..امك..وين امك..
صرخت..باعلى صوتي..: وخري..وخري..عني..

فتحت عيوني..وانا اصررررررررررررخ..
واقول..وخري عني..وخري عني..
وتلاقت عيوني بعيون ..كانتي الحمراء..
سحبت يدي من يدها..وانا احطها على صدري..
واقول بسم الله الرحمن الرحيم..

كانتي: ماما..ايس فيه..
خميت الجلال..ووقعدت على حيلي..وللحين الرعب..
مالك قلبي..
صورة ابوي..وصوت العجوز..يجيون قدامي..ويروحون..
حطيت يدي على اذاني..وصرخت..لا...لا...وخري عني..وخري..عني..

مسكتني كانتي..وهي تقول: ايس فيه..تئبان؟؟
فتحت عيوني..احس اني للحين احلم..
وانزلقت دموعي..ورى دموعي..
قلت لكانتي بهدوء: وخري..عني..وقمت ..
تفاجات..لما شفت الساعة ثنتين الظهر!!!

وبنفس الوقت..رن الجرس..شهقت...لاتكون ذي الكوفيرة..
ياربيه..حطيت يدي على وجههي..وكاني امنع..
هالاحدااااااااااااااااااااااث..بس للاسف موب بيدي..