باقي فرح :

****************** مشاعل ****************** (( بعد ان انتهيت من صنـــع قاربي...جف البـــــحـــر)) شلت السماعة عن اذني..ورجعتها بكل عصبية.. هين اوريك يااريجوه..مردودة لك.. جتني بشاير..شكلها تدور شئ.. بشاير: ماشفتي..عشرتي..تو كانت بيدي.. ومدري وين راحت.. مشاعل: اللي يسمعك يقول مليون.. حطيت يدينها على خصرها وهزت قرونها..وهي تقول: ياسلام..يعني مايخالف تضيع عشرتي..عشانها موب مليون..عشرة على عشرة تصير مليون.. شلت الجريدة..وانا اقول: وخري بس تكفين..عشرة على عشرة..تصير فقر انتي ووجهك.. بشاير..وهي تشيل طرف السجادة: ياربيه وين راحت.. مشاعل: ياكافي كل ذا عشان عشرة..يااشعب.. بشاير: ايه..عشان لارحت.. لبيت امي لولوة..انغّر غلا بها.. انفجرت اضحك..ههههههههههههههاي..تنغرينها بعشرة..قومي طسي عن وجهي..وبعدين من قال لك ان غلا بتجي ..مهيب جاية.. بشاير: وراه ..مهيب جاية.. مشاعل: عشان خالتها..ماتزعل.. بشاير: منهي خالتها.. هزيت يدي بوجهها: والله اني مصدقة اعطي البزران وجه..روحي دوري عشرتك.. طلعت فوق..ودقيت على غرفة نجود..لان خلود من الظهر رايحتن لعمتي هدى.. نجود: مييييييييييييييييييييييييين... مشاعل: يختي تاخرنا على المشغل..بسرعة انجزي.. سمعتها تقول: لحظة حبيبي.. قربت للباب..وقلت اقلدها: لحظة حبيبي..ايه لنا الله.. وسطع النور بعيني يوم فتحت الباب.. نجود: ياقليلة الادب..قاعدة تتنصتين!!! حطيت يدي بوجهها.. وانا اقول: مايحتاج نتنصت..صوتك واصل اخر الشارع...حبيبي..وحشتني..حبيبي..انا بحبك..حبيبي..اااه..مشتائة الك.. اول كنت احسب المسلسلات خرطن فاضي..اثرها صدق.. وغمزت بعيني.. مدت نجود يدها وقبصتني.. مشاعل: ااااااااااااااااي..ياجعلك مانيب قايلة..خلصينا ..وامشي..والا والله لاروح..بلحالي.. صكت الباب بوجهي وهي تقول: طسي..مانيب رايحة.. تمنيت اخترق الباب.. واتعلق بشوشتها..لي ساعة انتظرها واخرتها طسي.. لفيت.. ورفست الدرابزين من الحرة.. امي: مشاعل..عسى ماشر..وش صاير.. مشاعل: اسالي بنتك العريسة..راصتني ساعة .. وبالاخير..مهيب رايحة..مير الشرهه مهيب عليها الشرهه علي انا..اللي انتظرها كان مفروض اروح..واخليها.. امي: وين بتروحين.. قلت وانا ادخل غرفتي: للمشغل.. امي: لا..والله..وكالة بدون بواب..ومن عطاج الاذن.. مشاعل:يمــــــــــــــــــــــه..عاد اليوم عرس عمتي هدى..مايبي لها كلام.. حطت امي يدينها على الدرابزين ونزلت وهي تقول: عرس عائلي ..ومايستاهل تروحين مشغل..وبعدين شاكر مشغول..ومحد بيوديج.. وبسرعة خلصينا البسي...وانزلي..وقولي لنجود..تخلصنا.. التفت..ولقيت صندلي قدامي..شلته..وصكيته بالجدار.. قهـــــــــــــــــــــر والله لوانا نجود..كان هالضحكة من هنا لهنا.. وابشري.. بس انا ..وقعدت اتحلطم..ساعة..لما انفتح الباب.. ودخلت نجود قلت بعصبية: انتي محد علمك الادب..ماتعرفين تطقين الباب..وافرضي اني كنت اغير ثيابي.. قربت وهي تقول: مشاعل انا اسفة.. رفعت راسي وناظرتها من طرف خشمي: على ايش حددي بالضبط.. نجود: بعد؟؟..وشو اللي احدد مشاعل: يعني اسفة على سالفة المشغل اللي تكنسلت بسبتك..والا على هالدخول بلااستئذان.. ابتسمت وهي تقول: على الاثنين..بس كلش ولازعل مشاعل.. ناظرتها وانا اقول: ليش عندي احساس ان هالاعتذار موب لله..وانك تبين حاجة.. حطت نجود اصبعها على صدرها وهي تقول: انا!!!!!!!!!!! ياويلك من ربي..الظاهر اني غلطت يوم جيت اعتذر.. ومشت للباب وقبل لاتطلع.. التفت..وقالت: ايه ذكرت ... ترى خلود..تقولك..جيبي فستانها..الاسود..وصندلها..وشنطتها.. وبسرعة طلعت وصكت الباب.. صرخت من ورى الباب عشان تسمعني: قايلة لك انتي موب اناااااااااااااا... نجود..بصوت يالله اسمعه: بكيفك..لاتقولين ماقلت لك.. خلصت لابسة بس باقي المكياج.. وانا ماعندي ماعند امي لولوة بالمكياج..ايه اذا رحنا.. اخلي مدام روز .. والا ..خلود..ارخص لجيبي..هههههههههههاي.. شلت شنطتي ودخلت غرفة خلود.. حطيت فستانها بعلاقته..بكيس.. وشلت صندلها وشنطتها.. وقبل لااطفي النور.. شفت اللاب توب يشتغل.. جلست ..على كرسيها..قلت خليني افرفر.. لما يقول ابوي يالله.. شفت الشريط اللي باسفل الشاشة .. كل شوي يضئ..باللون البرتقالي..شكل فيه احد يكلم خلود..ويحسبها اون لاين فتحت المحادثة.. لقيت اسم بلسم جروحك..وكلالالالالالالام...كثير..مكتوب.. بلسم جروحك..متى تلتقي روحي بروحك: هلا ..بااااااااااقي.. بلسم جروحك..متى تلتقي روحي بروحك:ماتصدقين فرحتي ..يوم دخلت ولقيتك اون لاين..وشلونك؟؟ بلسم جروحك..متى تلتقي روحي بروحك: مشغولة؟؟؟ بلسم جروحك..متى تلتقي روحي بروحك: شكلك مشغولة..بس حبيت اعتذر عن اللي صار اخر مرة..صدقيني ياباقي..ماكان قصدي اجرحك بكلامي..انا انجرح..قبل لااجرح احد غالي عليّ.. باقي..ارجوك..ردي على ايميلاتي..انتي ماتصدقين..وشلون ضميري..يؤنبني.. بلسم جروحك..متى تلتقي روحي بروحك: مدري متى بتقرين كلامي..بس متى ماقريتيه..اعرفي اني انتظرك..وان اللي صار اخر مرة ..عمره ماراح يصير..اوعدك ياباقي..اوعدك.. بلسم جروحك..متى تلتقي روحي بروحك: الله يحفظك..واشوفك قريب يالغالية..بلسم... حطيت يديني على الكيبورد.. جاني فضول موب طبيعي.. وش صاير بين خلود..وبين بلسم.. كتبت ..هلا..بالصندوق..وقبل لااسوي لها ارسال.. انفتح الباب..ودخلت..نجود..لابسة عبايتها.. نجود: انتي هنا؟؟ وحنا ندورك..حشى صمخاء ماتسمعين.. مشاعل: مشيتوا؟؟ نجود بتطنز: لا..نتظر اوامرك...مودمزيل..مشاعل.. وقربت..وهي تقول..وش تسوين باللاب توب.. تلعثمت..وانا ادور اي شئ...يسجل خروجي .. لاتفضحني..اعرفها نجود..ماتستانس لما كل العالم يدرون مشاعل: هاه..كنت ..كنت ادور..قصة ..قايلة لي عنها هنوف.. ضاقت عيون نجود: قصة ..هاه قصة؟؟ يالله امشي يالنصابة..وخلصينا صكيته بسرعة..وقلت: يالله هذاني جاية.... شلت الاكياس..وانا اطلع ضربت بالباب.. وطاحت الاكياس..مر من قدامي نواف وهو يقول: حاسبي على الباب..ترى ماسوى شئ.. مشاعل: تكفى انقلع..بدال ماتشيل مني..صدق ماعندك ذوق.. نواف..وهو يعدل غترته: مخلين الذوق لك..ياللي تصكين الخط بوجيه الناس.. نزلت وراه..وقلت: ااااااه..كل هذا عشان صكيته بوجه اريج..احسن تستاهل .. التفت علي وناظرني..ورفع يدينه: الله يعينك يااريج..اشهد انها بجهاد... مشاعل: عشتوووووووووو..والله وطلع لك لسان.. وصلت الصالة.... وامي..حاطة يدها على خصرها: حشى ساعة..ماتسمعين انتي.. ياربيه وش بهم اليوم ...كلهم عليّ... مديت الكيس لبشاير: امسكي بلبس عبايتي.. بس بشاير مشغولة..للحين تدور عشرتها... صرخت به: اللي يسمعك يقول خمسمية..امسكي وخلصينا.. طلعت لسانها وهي تقول:لالالالالالالالالالالاء... وصلنا البيت..ونزلن نجود وبشاير.. وخلني..اشيل العفش بلحالي.. ..وانا افتح الشنطة اللي ورى....وامد يدي للاكياس... ....: تبين مساعدة..ترانا حاضرين.. منهو؟؟عمي فيصل.. والله اني ولهانة عليه..من زماااااان عنه.. قلت: تسلم يابعدي..وين ارضك..عاش من شافك.. ......: عاشت ايامك..انا موجود..بس انتم..تتغلون..والا زعلانين.. توي اميز الصوت..التفت بسرعة..***72*** وماميزته شكله كانت الاضاءة بالشارع خافتة.. بس مستحيل هالابتسامة تنسى.. سلماااااااااااااااااان.. مشاعل: هذا انت..حسبتك عمي فيصل.. سلمان: ههههههههههه..وانا اقول..وش صار بالدنيا..وتادبتي.. مشاعل: موب مع اشكالك..والحين..ممكن توخر... ناظر حوله..ورفع كتوفه: صدق حولاء..من..كل هالشارع..والوسع ..مالقيتي غير مكاني..اوخر عنه.. مشاعل: الله يخلف على عمتي بس..واقف بباب الحريم..ويلج بعد.. انفجر يضحك..ومسك بطنه: انا..انا..اللي الج..والا انتي.. يالحولاء..هذا باب الرجال..روحي مناك..وتلاقين باب الحريم.. ناظرت مكان مااشر..وفعلا.. اثري..صدق..واقفة..بباب الرجال.. وخزياه..زين ماجاء..احد.. مشيت..بخطوات سريعة..وانا معصبة..منه.. ياربيه..دايم..يطلع لي..باسواء المواقف.. وصلني صوته سلمان: مشااااااااااااااااااااعل.. وش يبي بعد...باقي تطنز..والا تهزئ مشيت وخليته.. دخلت بيت امي لولوة..قابلتني ريحة البخووووووور.. وعمتي ..شيخة..تدور ..بالمبخرة..وعمتي ام فهد..وامي بالمطبخ..مع الشغالات.. والبيت خبه..وعمي فيصل..وعماني..داخلين طالعين.. سلمت عليهم..وانا ارص ضلوعي ..خايفة سلمان يقول له.. اني احسبه هو.. وسمعت صوتها والتفت لقيت اريج تناقز بالدرج.. وهي تقول: جت مشاااااااااااااعل..هنوووووووووس جت مشاعل.. مدت يدها..بس خصرتها..مسكت ذراعي وهي تقول: وراك ماتسلمين.. ناظرتها بطرف عيني وقلت: ماتستاهلين.. وطلعت فوق.. انقز الدرج خطوتين خطوتين..طبعا لازم.. يضيع الاتيكت دام الدعوة فيها هنوووووووووووووووس.. فتحت غرفة عمتي هدى..وانبهرت بشكلها.. الجمتني الصدمة.. مو معقووووووووووول..***103*** ماشاء الله تبارك الله... وااااااااااااااااااو وش اوصف لكم ..وش اقول.. لابسة فستان حريري..عسلي..بسكري..ضيق.. من فوق..وواسع من تحت بشكل ذيل..والصدر..عاري.. وفيه شك خفيف.. وشعرها مرفوع..ومثبت فيه ورد ابيض.. ومعها مسكة..ورد ابيض جوري.. والمكياج..مخليها ناااااااااااااااااااعمة..هااااااااااادئة.. فتحت خشتي..وانا اقول "ابي اعرررررررررررس" وركضت لها..وكانت منزلة راسها.. دنقت عليها وحبيت راسها..وانا اقول: مبرووووووووك.. منيرة: مشاعلوه..حاسبي ..لاتطيحين الوردة..ترى بالموت ثبتناها رفعت عمتي هدى عينها..الدامعة: الله يبارك..فيك مشاعل.. ضحكت وانا اقول: قولي..عقبالك..ياكافي.. منيرة: شوفو..هالبنت مشفوحة بشكل..ماتستحين انتي.. طلعت لساني..وقلت: احد كلمك؟؟ ياربي الله يعين هنوس عليك.. والتفت ادور الهنوف..لقيتها جالسة على السرير.. ومعطيتني..ظهرها.... وبيدها كاميرا الفيديو.. شكلها تحاول تشغلها.. حطيت يدي على عيونها..وغيرت صوتي..ايقالي عجوز: من هالبنت المزيونة.. بخطبها لوليدي.. شالت يدي: وااااااااااااو...ميشيل...هلا..والله وخمتني..بقووووووووة شديت يدي على كتوفها: ويلوموني فيك يالهنوف... وخرت عني..وعيونها مليانة دموووع الهنوف: حرام عليك..وش هالغيبات..يالدوووبا.. مشاعل: يووووووووه...وش هالزين..اقول..انا ماني متاكدة.. انتي صدق الهنوف؟؟ والا.. الهنوف: الا...الا..ياكافي نسيتي اشباهي.. مشاعل: تجنين..تهبلين..وش هالزين..من اللي مسوي لك الميك اب.. الهنوف: مرت اخوي الله يخليها ..لنا.. مشاعل: عزيـــــــــــــــــــــزة...؟؟؟ ياحبيلها جت؟؟؟ هزت راسها..وهي تقول: لا...لا...عزيزة رايحة للقصيم.. مشاعل: اجل..تقولين مرت اخوي.. الهنوف: هو...انا ماقلت لك... مشاعل: وشوووووووو الهنوف: سلمان اخوي..خطب هيفاء... ******************* نهاية الحلقة السابعة عشر...

****************** مشاعل ****************** (( بعد ان انتهيت من صنـــع قاربي...جف...