بكاء الرضع ..(دعوة للمشاركة بالحلول..من خلال تجاربكم)

السلام عليكم



انا دخلت عالم الامومة من فترة بسيطة من شهر بس

ولدي الله يهديه ويصلحه يبكي في الليل اذا رضعته ينام دقيقه ويصحى وكذا طول الليل

جربت اعطيه يانسون وشاي الاطفال اللي من الصيدليه بس ما يشربها الا شي بسيط

وجربت اعطيته ماء غريب واستفدت منه بس طبعا مو 100%

وديته لدكتور واعطاني دواء للمغص وارتاح عليه الحمد لله بس نفس الشي ما كان حل نهائي

يمكن اكثر شي يريحه هو انه يتسبح قبل النوم بس انا ما اقدر اسبحه لاني اخاف لي الحين ما تعودت ولا عندي احد واخاف عليه من البرد خصوصا بهالجو وهو مزكم

وبنفس الوقت تعبت لاني ما صرت منظمه في اي شي انا تقريبا باقي 3 ايام واخلص الاربعين بس احس اني ما تأقلمت او ما قدرت اجمع بين البيت وبين البيبي

ياليت نتشارك بالتجارب والحلول..

لاني قربت افقد اعصابي