كبسوله @kbsolh

محررة

بليله بللوها 00 لاعذر بعد اليوم من وقت الفراغ

كنت كاتبه العنوان (عرض خاص لذوات الفراغ القاتل)

*********************************

********************

:frown:

المهم اناعندي بنيه جاها ماجا أخيتي ميس وأسيل من تكه وضيقة صدر وفراغ قاتل اللهم ياحول00

اقترحت عليها تطق لها قدر بليله وتبسط فيها ياقدام العويس ياقدام المملكه ( حسب نوعية القدر اللي بتجيبينه )
وتكبر الشطه ياليت تكون أبو ديك نوعينها زينه لابارده ولا حاره 00وتكون كخدمه مجانيه << يقال لك عرض مجاني
ولا بأس بشوية جزر مبشور على حتة خيار وحبتين خل <<< لاتسوين فيها التقطيع بيتعبك00 أنا عارفه ان الشغالة اللي بتقطعها

والقفازات البسي قفاز بلاستيك عشان تثبتين نظافة أكلك وتحافظين على برستيجك مره وحده0

واذا حابه تسوينها( مساهمه) أ وكما نطلقها ونسميهاعلى مستوانا( قطه) ترى مافيه مانع القروش زاهبه << الله يكفينا الفقر حتى الحتسي يصير مصدي

والله ياانت رايحه تنبسطين وتتونسين 00أقلها تغيرين وجيه التماسيح اللي عندك في البيت 00
بس لاتنسين اذا جاك فقير ولا ابو هنود رخصي له ولا عطيه زياده مجانيه ولاأقول لس مره وحده00 ببلاش 0

وان جاك شخصيات لايغرونك بأشكالهم تراهم مفاليس بس يابعد عمري عمرهم يحبون يتونسون ويطقون ذيك الشخصيه :cool: اللي الين شفتيها شوي وطقين لهم سلام كبير ولا السياره موزيها على جنب موديل عام ذيك السنه 00وان كان ماخاب ظني هي اللي نقلوا فيها غنم خالتي من ديرتنا الين مقيبره 00 الله المستعان

برضو طبقي عليهم نفس النظام (انظربند الأسعار في السطر 20)0

والله ياهي فله وسعة صدر مهيب صاحيه 00شي موب طبيعي 00غير السواليف والهرج وطقاق الناس مع بعضهم 00
ان غفيتي ولا حسيت ان فيك النوم أوعي واصحي تسيبي وبققي عيونس << لو سمحتي حددي لهجتك

أعود فأقول انتبهي لاتروح عليك نومه وتلقين الطيور طارت بارزاقها وياغافلين لكم الله :icon32: وأغراضك تنسرق0

وتخسرين هالتجاره اللي انصحك ماتحقرينها مايندرى يمكن هذي تفتح لك أبواب التجاره العالميه وتصير صفقاتك مع الوليد بن طلال ولا أوناسيس ولا كبسوله بنت عبدالعزيز0

اللهم اني بلغت اخياتي 00 اللهم فاشهد 00 ترى محبة لكم ومن باب الايثار قدمت اقتراحي ولا كنت ناويه احتكرها لحالي

واذا عندكم اقتراحات غير اطروحوها على بساط البحث 00 واسدحوها وسنناقشها سويا00<< أخ بس ماستغلت الحكومه ابداعي في الالقاء

في أمان الله << هذا المستخدم يلوح بيديه الكريمتين يحييكم بيروح يدرس الميزانيه:icon35:

يلزم عليك تسجيل الدخول أولًا لكتابة تعليق.

تسجيل دخول

غادة بيبو وصفصف • 19 سنة

ههههههههه
هلا بكبسوله
بالرغم اني ما فهمت كل الكلام
اشكرك ولي الشرف اكون اول من رد على موضوعك

كبسوله • 19 سنة

الشرف لي انا يا............

حياك الله يا .............. اصبري ماعرفت اقرا اسمك ابسوي نسخ ولصق

غادة بيبو وصفصف

انت وش مصحيك هالوقت ولا مثل حالاتي 00عاد استنتجي حالاتي !!

يبدو اني افتح قسم للترجمه لسواليفي00 عجزت اغير طريقتي 00
انت تابعي عبد المجيد اليمني في قناة المجد وصدقيني بتاخذين الدكتوراه الفخريه في لهجتنا000 :)

المستعينةعلى الصبر • 19 سنة

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

فلللللللللللللللللللله ياكبسوله جبتيها هالايام الناس ما عاد تفكر الا وش يملون كروشهم به

بصف معكم وبجيب فصفص وحب وسن العجوز وبالمره طيران لزوم الدعايه ههههههااااااا

عز الله اللي فلسوا المطاعم

كبس بس << يقال لها تدلع

اشوى اني مانيب مشرفه ولا رحت فيها تف تف تف تف ماشاء الله :23:

كبسوله • 19 سنة

المستعينةعلى الصبر

زين والله 00تمام

فيه وحده صاحيه معي هالوقت 00 فينا أعراض حريم أعمال 00
لنا مستقبل 00

هههههههههه الله يرجس وشنسوي بالطيران أخاف يطيرونا الهيئه ههههههههههههههه

بنت الحرية ملاك • 19 سنة

خخخخخخخخخخخخخخخ ياحليلك :27:

هذا رايك..؟ والله وقت الفراغ قاتلنا(هذا الي فهمته من الموضوع ) :D

صدقيني صدقيني لو لا عنوان الموضوع كنت ماعرفت ايش السالفة :D

صحيح بسالك ايش السالفة !؟!؟!؟ :30:

:angry: