بناتي وكسلهم بالبيت

عمرك شفتي اطفال يحبون الشغل والكرف اذا جاء اوامر وطلبات اجباريه مو طيب نفس ؟

مدري كم اعمار بناتك واذا بينهم اولاد ولا ادري وش الطلبات والمهام اللي تكلفينهم بها عشان نقدر نفيدك ونعرف وين الخلل

ولا نعرف متى وكيف تطلبينهم

هما شوي ثانوي ومتوسط ونا ما اكلفهم بشي
بس مثلا غسل صحون قليله كوي بسيط لملابسهم
ترتيب البيت مشاركة ببعض الأطباق
ما أقصد يشيلون البيت وكله عشانهم يتعلمون
أما الأولاد فيه اصغر منهم بس ما اخليهم يخدمونهم
ياليت يقومو بشي ينفعهم

مشكورة اخت عواطف على مشاركتك

طيب لا تكوين ملابسهـم .. خليها بيضطرون يكوونها بأنفسهم.. خصوصًا ملابس المدرسة مثلاً .. ما بترضى وحدة تروح ومريولها مو مغسول أو مكوي ..ولا تنظفين وترتبين غرفهم خليهم هُم ينظفونها ويرتبون أسرتهم وفراشهم قبل لا يروحون الدوامات .. والاكل مثلا بما إنهم في المدارس عليكِ الغدا لأنهم بيكونون مش موجودين ،، لكن الفطور والعشا خفايف بسيطة المفروض هم يعتمدون على نفسهم ويسوونها .. ولو اشتهووا شي مثل حلى أو وكيك خليهم يتعلمون يسوونه بنفسهم لا تلبين لهم طلبهم ..

ممكن تعطين كل واحد مهمة يكون متكفل فيها علشان يسهل المراقبة
حتى الاولاد اعطيهم شيء مو بس البنات