يسلمو على الكلام الحلو


وبصراحه كل ماشلنا هم كل ما سمنا من التوتر وشكله هذي السالفه


تعرفون فيه اشخاص يسمنون من التوتر

فشكلنا كنا من هالصنف

الانسان مهما كان ما يرضى بشكل حتى لو سمعنى مدح من برى ان ضعفنا او جسمنا حلو ما نكون راضيين

هلا وغلا حبوبات :27:

لااا مب زين جذي :(

ليش كل هذا الاحباط؟؟؟؟

انزين قبل لا تتركين نفسج للاحباط والافكار السوده.. قولي في نفسج كل ما طالعتي روحج في المنظره.. الحين انا لو كرهت شكلي او كرهت نفسي راح يتغير شي؟؟؟
طبعا الجواب.. لااااااااااااااااااااااااااا!! لانج واقفه في مكانج و مب قاعده تسوين شي.. بس قاعده تشجعين جسمج انه يخزن في الماي والدهون.. وانه يعاند خسران الوزن..

بنات صدقوني كل وحده توقف جدام المنظره و تبتسم.. ايه ابتسمو.. بعدين طالعو في عمركم عدل.. بتلاقون الموضوع مب سيء للدرجه الي انتو متخيلنها.. ابتسمي.. بعدين شوفي جسمج و قولي.. ان شالله راح اتغير.. صدقيني هذا راح ينعكس على نفسيتج ..

تصدقون شي والا لا؟؟ والله اقولكم الصدق..

انا في يوم من الايام كان وزني _ ما شالله_ 105كيلو جرام.. بس والله ما كنت متضايقه من نفسي ولا من وزني.. كان عندي قناعه داخليه اني حلوه وجسمي مقبول.. والحمدالله اني انيقه واايد.. فكنت البس واتفنن في اللبس وكنت مشهووره بين صديقاتي الرشيقات باني اكثر بنت انيقه _ تتخيلون؟؟ مع انه وزني 105 ومعظم ربيعاتي وزنهم ما يزيد عن 55!! بس والله ما كان فيه احد ينتبه بانه جسمي متين واايد.. تدرون ليش؟ عشان انا كنت مقتنعه وراضيه بجسمي.. كان عندي رضا داخلي.. و لما يكون عندج رضا داخلي هذا الشي ينعكس على نظره الناس الي حواليج لج.. راح تستغربون.. بس هذي دراسه معروفه.. انه احنا نعطي ذبذبات للمحيطين فينا.. وهذي تكون ذبذبات سلبيه او ايجابيه.. فاذا كنتي راضيه عن شكلج و عن نفسج راح تنتقل ذبذبات ايجابيه تلقائيا الى الناس الميحيطين فيج و تلقينهم يشوفونج احلى وحده..

ادري راح تقولون.. ما دام كنتي مقتنعه .. ليش نزلتي وزنج؟؟

ببساطه.. حسيت اني ابي اغير شوي في حياتي.. اول شي بديت اقص شعري و صبغته احمر وهو احلى لون علي.. بعدين بديت اغير في مكياجي و ثيابي.. بعدين حسيت اني بعد ابي اغير في شكلي جذريا.. فقررت اني انزل وزني.. والحين انا الحمد الله بعد رااااضيه عن نفسي كل الرضا.. بس بعد احس ابي انزل شوي عشان اقدر اسرق ثياب اختي الي اصغر عني << طمااااعه مب كافيني الثياب في كبتي :D

خلو ثقتكم في نفسكم كبيره.. لا تخلون شكلكم هو الي يحكمكم.. ترى هني راح تصيرين ضحيه جسمج.. وبدل لا تنقصين راح تزيدين.. خليج متفائله.. مبتسمه.. وصدقيني كل شي راح يصير..

تسلمون على المرور عزيزاتي والسموحه على الاطاله..

مع حبي..

درب الوله :27:

كلام سليييييييييييييييييييييم

والله انك صادقه يا درب الوله
انا الميزان خبل بي
طلب لو سمحتي
ممكن تعطيني 1كيلو ذبذبات ايجابيه
لأنها مخلللصصصه عندي
حاسه اني اليوم سلبيه في نظرتي لنفسي
ودي بأحد يشجعني واشجعه