صادقه ومن تجربتي بس انسى الميزان وزني ينزل بسرعه
بس الظاهر الحين وزني يعاندني لانه شهر و ما نزل .... يمكن لاني حاطه ببالي اني اكون نحيفه على شهر فبراير لانه متحديه ناس .....لو انزل بس 7 كيلو اكون غزال

من تجربة
كلامك صح 100 %
والله أحيانًا أكون مشغولة أو تعبانة فأنسى الرجيم
ألاحظ وزني ينقص
أما لما أكون فاضيه .................................
لأني يكون شغلي أوزن ,,,,هههههههههههه

والله أختي كلامك صحيح ميه بالميه .... ^_^

وان شالله انا باديه من بكرا السبت ريجيم ...

هلا وغلا حبوبات :27:

الدلوعه الهادئه..

مشكوره حبيبتي على التعقيب و تسلمين على مرورج الحلو..

دنيا من الالم..

مممممممممممممم

عندي لج نصيحه بس ما ادري اذا راح تعجبج والا لا.. وهي مجرد وجهه نظر ..

شرايج تبدين بتغيير اسمج في المنتدى؟ ادري شي غريب.. بس اسمج واايد فيه حزن.. وتخيلي كل يوم تدخلين وتكتبين هذا الاسم.. يمكن ياثر على نفسيتج.. ليش ما تختارين اسم فيه فرح؟ فيه تفاؤل؟ صدقيني هذا الشي راح يعكس على نفسيتج..

اذا تبين كيلو ذبذبات ايجابيه.. انا بعطيج كيلوين بعد.. بس كيلو من عندي وكيلو من عند احد ثاني..

تدرين انا لما احس اني محبطه او نفسيتي تعبانه شوي شو اسوي؟ اسير اخذ لي شور باااارد ومنعش.. وبعدين اطلع البس شي حلو.. شي يعجبني.. واحط مكياج حلو وكاني بسير سهره.. واتعطر واحد دهن عود وبعدين اشوف نفسي في المنظره.. احس باني تغيرت 180 درجه.. مع انه وزني مثل ما هو ماتغير.. بس هذا التغيير البسيط يحسسج انج بعدج حلوه و انيقه.. جربي هذي الطريقه.. ترى هذي طريقتي خصوصا ايام الامتحانات.. تخيلي الناس محتاسه و حالتها حاله.. وانا قبل يوم الامتحان قاعده ادرس بمكياج كاامل و جينز و قميص احبه.. والله احس انتج احسن..

والكيلو الثاني.. تدرين تاخذينه من منو؟ شوفي حواليج.. منو اصدق انسان تعرفينه؟ يمكن يكون اختج اوصديقتج او ريلج.. روحي ووفضفضي معاه.. قوليله انج تبين تنزلين وزنج وانه هذا الشي شوي مضايقج.. وراح تسمعين كلام حلو ومشجع ان شالله..

واذا هذيلا الكيلوين ما كفوج.. افاا عليج انا هني كل يوم.. تعالي عندي :D

عنقاء زهر الرمان..

ايه يمكن هذاهو السبب.. انتي متوتره وجسمج متوتر معاج انج لااازم تنزلين قبل شهر فبراير.. لا تفكرين في الموضوع.. خلي جسمج براحته.. ولا تحطين اي احد في بالج.. ترى الناس والله هي الي تييب المرض حق الناس << والله عن تجربه..

الدره المكنونه..

شفتي اشلون؟؟ هو الجسم جذي.. من تبدين تحاسبينه على الاكل والكيلووات تشوفين يعاند.. انتي حاولي تشغلين نفسج باي شي وان شالله راح ينزل وزنج..

ريما الدلوعه..

مشكوره على التعقيب عزيزتي.. وان شالله ربي ييسر عليج و توصلين للي تبينه وانتي في احسن صحه..

مشكورات عزيزاتي على مروركن الجميل.. والله نور الموضوع ..

مع حبي..

درب الوله :27:

حبيبتي درب الوله
انا فعلا عندي نيه اغير اسمي بس لما انزل عن التسعينات يعني ادخل عالم الثمانينات

ومشكوره حبيبتي على الكيلوين

وطبعك سبحان الله مثل طبعي امي ايام الأمتحانات كانت تصرخ عليه (الناس منكبين على كتبهم وانت فوق المكياج)

والله انا مو ذابحني إلا ثبات الوزن