السلام عليكم خواتي واحسن الله عزاكم في الشيخ مكتوم الله يغفر لة ان شاء الله ويرحمة ويجعل قبرة ان شاء الله روضة من رياض الجنة اللهم آمين ...ويلهم اهلة وذوية الصبر والسلوان

هاااي حبوباااتي ...شخباركم وكل عام وانتو بخير

اخيرا سرت للمركز الدكتور نيوترشن ... مكان عجيب والدكتور بعد روعه بس الصراحه يوم

طلعت على الميزان طلعت البلاوي والمصايب تعرفون 40 كيلو من الدهون لازم اطيرها مني

يوم قالي جي انا انصدمت والله وحسيت اني كتله من الدهون تتحرك وزني المثالي اللي

مفروض اوصله 72 او 75 واكوووون رشيقه بس كل هذا يباله من 3 الى 4 اشهر واكون

دخلت عالم الرشاقه ...

المهم الدكنور عطاني نظام استمر عليه امدة ثلاث ايام وعقب نظام ثاني استمر عليه لمدة 7

ايام يعني ارووح له بعد 10 ايام

وعطاني بعد ادويه نوعين من الادويه واحد يحرق الدهون ويسد الشهيه والثاني مكتوب

بالانجليزي مادري شو يسوي بس اعتقد يمنع من تراكم الدهون وعطاني بعد شوكلاته اكلها كل

يومين وحده

وسالته عن الامساك والريجه للي تكون في الحلج قالي الامساك يكون اول ايام لان الاكل بدون

خبز وعقب عادي المعده بتتعوود اما ريحة الحلج بتكون عند الناس اللي عندهم مرض الغده

الدرقيه وهم مايعرفوون وماقالوله من البدايه وقالي لو ياني امساك اخذ كل يوم ظرف من

الشاي الاخضر اللي يبيعونه عندهم اذا انا بغيت وهو مب اجباري

وقالي بعد لازم التزم بالنظام لان 10 ايام هذه هي اللي بتحدد سرعة النزوول

وبس هذا كل شي وانشالله من باجر ببداء في نظام الثلاث ايام وان شالله استمر من غير خربطه

وبالتوفيق لي وللجمييييييييع

امييييييين يارب العالمين

خواتي انا كلمتكم قبل عن اختي وها المرة عن نفسي علشان نتشجع باذن الله ..انا من كم من يوم سرت عندة وكنت حابة بس اخف كم كيلو لاني والحمد لله مب متينة بس جسمي يحتاج تنحيف وخاصة من بعد الولادة يعني انا كنت اريد اوصل جريب للوزن المثالي واخفف ها الكم كيلو يعني 10 كيلو وايد با النسبة لي ...ويوم رحت لة وشاف القياسات تعرفون شو قال بتستغربون نحن نعتقد ان اذا كان وزنا وايد يعني نحن متان بس يا خواتي ترا ها الزيادة مرات مب متن يعني احيانا تكون زيادة في العضلات وفعلا انا كنت امارس الرياضة والسباحة وعلشان جية صار عندي زيادة في عظلات الجسم واللي بدورها اثرت في زيادة الوزن ...والحين انا متبعة عندة ريجيم بس علشان الجسم يتناسق عندي والحمد للة كل شي اوكي ومرتاحة على الريجيم وبعد اسبوعين عندي موعد وان شاء الله بشوف كم نزلت ...وحبيت اقولكم بنات شي مهم من خلال الحريم اللي شفتهم تاكدت من شي واحد ترا مب اي وحدة يناسبها رجيمهم يعني حد استفاد وايد وحد لا للا سف... فحطوا ها الشي في بالكم وان شاء الله لي معاكم لقاء بعد الاسبوعيين علشان اخبركم شو اللي صار معاية جان الله عطاني عمر ولكم سلامي

مشكلتي_دلوعه
هلا اختي والحمد للة انج تشجعتي وسرتي يا الله ان شاء الله تضعفين بس اهم شي يكون عندج ارادة وبا التوفيق