هلا وغلا .. شحالكم شوخباركم
بدخل في الموضوع ... انا قبل كنت اتابع مع الدكتور نيوترشن وعطاني ريجمات حلووه وكملت معاه
فتره بس ماذكر كم ونقصت حدود 8 كيلو .. وقطعت عنهم لمدة 5 او 6 شهور
المهم البارحه الصبح رحت لهم مره ثانيه وعطاني الريجين اللي اسمه بيرفكت دايت والبارحه بديت فيه
ولمدة اسبوع وعقب بيعطيني ريجيم ثاني
المهم حبيت اكتب لكم الريجيم ... واللي حبت تشاركني في الريجيم حياها الله كل اسبوع بنزل لها
الريجيم الثاني يعني كل اسبوع كل ماروح له ويعطيني ريجيم بكتبه لكم عشان الكل يستفيد والكل يضعف
المهم هذا الريجيم الاول والمفرووض انه ينزل من 2 الى 5 كيلو على حسب نوع الجسم
بس اللي تبتدي في الريجيم تكون مستمره فيه للاخر وتشجع البنات مب ان يوم او يومين وعقب تخربط
بهالطريقه بتحبط البنات ....
اليوم الاول ..
الفطور :: بيضه مسلوقه + شاي او قهوه بدون سكر او سكر الريجيم
+ قطعة جبن قليلة الدسم + شريحة توست اسمر
الضحى :: كوب عصير برتقال بدون سكر
الغداء :: نصف صدر دجاج منزع الجلد مشوي او مسلوق + صحن
سلطه + صحن شوربه عدس
المغرب :: شاي او قهوه بدون سكر + خيار او خس
العشا:: علبة تونه صغيره + صحن فتوش
اليوم الثاني :
الفطور ::بيضه مسلوقه + شاي او قهوه +2 قطعه جبن قليلة الدسم
الضحى :: كوب عصير برتقال فرش بدون سكر
الغداء :: صدر دجاج مشوي او مسلوق + صحن سلطه صغير
المغرب :: خس 4 ورقات
العشاء :: 2 قطعة جبنه قليلة الدسم + لبنه قليلة الدسم (ملعقتين )
+شاي او قهوه بدون سكر + 4 ورقات خس
اليوم الثالث :
الفطور :: علبة لبن منزوع الدسم + خياره + شريحة توست اسمر
الضحى :: شاي او قهوه
الغداء :: لحم محمر مع الفليفله او مشوي او مسلوق + شوربة خضار
+ 5 ملاعق رز او 5 ملاعق هريس
المغرب :: خياره + شاي او قهوه
العشاء :: بيضه مسلوقه + 2 ملعقه لبنه قليلة الدسم + 4 ورقات خس
اليوم الرابع :
الفطور ::شاي او قهوه بدون سكر + قطعة جبنه قليلة الدسم + بيضه
الضحى :: شاي او قهوه بدون سكر + كوب عصير برتقال بدون سكر
الغداء :: ربيان مشوي + صحن سلطه
المغرب :: 4 ورقات خس + شاي او قهوه
العشاء :: 5 قطع صغيره كبد + 2قطعه جبنه قليلة الدسم + كوب عصير
اليوم الخامس :
الفطور ::قطعة توست اسمر + علبة زبادي صغيره + خياره
الضحى :: شاي او قهوه
الغداء ::ستيك سمك+ صحن شوربة خضار+صحن تبوله او 2سمبوسه
المغرب :: صحن سلطه + شاي او قهوه
العشاء :: شريحة توست +علبة تونه صغيره + 2 شريحة اناناس
اليوم السادس :
الفطور :: شاي او قهوه بدون سكر + 2 قطعة جبنه قليلة الدسم +
2 شريحة لانشون ( مارتديلا )
الضحى :: كوب عصير برتقال بدون سكر
الغداء :: صدر دجاج مشوي او مسلوق + صحن سلطه
المغرب :: 4 ورقات خس + شاي او قهوه بدون سكر
العشاء :: 2 ملعقه لبنه قليلة الدسم + بيضه مسلوقه + خياره
اليوم السابع :
الفطوور ::شريحة مارتديلا + قطعة جبنه قليلة الدسم + شريحة شمام
الضحى :: شاي او قهوه بدون سكر
الغداء :: دجاج مشوي + صحن سلطه + شوربة عدس او صحن فتوش
المغرب :: برتقاله او كوب عصير برتقال
العشاء :: ملعقتين لبنه قليلة الدسم + شريحة توست + صحن سلطه
ملاحظه ::
يمكن استبدال البيض بالجبن او المارتديلا او التونه وا العكس
يمكن تناول الشاي او القهوه في اي وقت وبدون سكر
يمكن استعمال انواع الخضار التاليه لتحضير السلطه او الشوربه
( السبانخ الخيار الخس الهليون البروكلي الكرفس الملفوف القرنبيط
المشروم الباميه الفاصوليا الخضرا والباذنجان والجرجير )
يمكن استبدال السمك باللحم او الدجاج والعكس
يجب شرب 8 اكواب من الماء يوميا
يفضل عدم الاكثار من الملح لمنع احتباس السوائل في الجسم
يمنع منع باتا تناول اي من منتجات الدايت او السعرات الحرايه غير
المتوفره في البرنامج
اانا اليوم ثاني يوم لي في الريجيم والحمدلله كل شي على مايرام
وعلى فكره انا صدق قطعت عنهم كم شهر بس الوزن اللي رااح مارديته مره ثانيه والدكترو قالي بعد
عشان تتاكدي ان الريجيم صحي ومافيه شي وانه بينزل الدهون مب السوائل
هلا وغلا .. شحالكم شوخباركم
بدخل في الموضوع ... انا قبل كنت اتابع مع الدكتور نيوترشن وعطاني...
يصير تعطي النظام لاى حد ولا حقوق الطبع محفوظة
هههههههههههههههههههههه امزح امبين عليه نظام ممتاز بس اخلص إن شاء الله اسويه
وسلااااااااامتكم