السلام والرحمه
الغاليه...أندومي
كيف الأحوال
الغاليه ...تحمليني شويه
بعد سلسلة تجارب في عالم الريجيمات
قررت ابدأ برجيمك
وعلى فكرة حاولت مرتين وكنت اخرب الريجيم ثاني يوم
بس اليوم خلاص نويت ومسكت القرآن وحلفت لأنه الاراده صفر
وبصراحه ابي انقص حتى لو خمسة كيلو
علشان ارتاح في رمضان
وآكل على كيفي وما انخش عن جمعة الأهل
وزني اليوم 77,400 وطولي 158
طبعا هالوزن وصلت له بعد مشوار طويل مع الريجيمات مره يزيد ومره ينقص
الحين ابي منج الغاليه كم جواب لكم سؤال وتحمليني الله يخليج:42:
1- الثلاث ايام الأولى راح تكون زبادي ممكن معاه جبنة حلوم قليلة الدسم ومشويه
وممكن زبادي بالفراوله
2-في ايام الخضروات ممكن احط نخالة مع الشوربة
3- ويش سكر الفواكه نفسه سكر نبات واذا مب نفسه ممكن استخدم سكر نبات
4- معقوله العصاير واللبن مسموح فيها بكل ايام الريجيم وباي وقت:21:
5- بالنسبة لأيام البيض في رد لج قلتي من بيضة لأربعة بيضات هالكمية للوجبة ولا لليوم كله
6- الهمبرجر والنقانق نقدر ناكلهم باي كميه يعني اكثر من عشر قطع ممكن موزعين طول اليوم وهل تقصدين المثلج
7- ممكن روبيان في يوم السمك
8- الذره مسموح بها ايام الخضروات تقصدين الذره الحلوه
والحين الغاليه فيه اشياء انا اسويها مع الريجيم ماادري صح ولا غلط
على الريق اشرب خلطة كتان ونخالة وشمر
اشرب قرفه مع شوية سكر نبات يوميا مره وحده
اشرب مرميه قبل النوم
شاي اخضر مرتين
الشمر بس ثلاث مرات في اليوم
في امان الله... الله يعينج علينا

مبروك بنااااااات الوزن الجديد

ويارب كلكم توصلون للوزن المثالي وتصيرون رشيقات

شووووووووو يا بنات شو صار معكم :):):)
سامحوني والله انشغلت لأني بنقل من البيت .... وما قدرت
بس امس بديت وخلاص عزمت اخلص 15 يوم بإذن اواحد الأحد .

للي تبغى النظام :
اول ثلاثة ايام تاكلين احد الالشياء الثلاثة( يا فواكه-ياخضار-يازبادي)
وانا افضل الزبادي لتنظيف البطن انا استخدمته افضل ويا بنات ياليت فهذي الثلاثة ايام تستخدمون مسهل طبيعي (خروع اللي بالصيدليات-او ملح انجليزي-اوسنا مكي (عشرق))
(انا بنسبة لي استخدمت السنا مكي) ضروري يا بنات لتنظيف البطن لان اي رجيم من د ون تنظيف للبطن ماله اي فائدة والله كلامي هذا عن تجربة ياما جربت رجيمات من د ون فايدة
والله ماتتصورن السنا مكي قد ايش انا اعشقة لانه من زمان باطنيتي تعبانة وبفضل الله ثم العشرق صرت ولله الحمد تمام بس يا بنات انتبهوا هويشرب مرة او مرتين بالشهر مو كل يوم
لانه الله يعزكم ينظف حتى المتيبس له سنين بالبطن وعلى فكرة تراه ينقص من كيلو الى كيلو ونص ويساعد الرجيم على النزول بسرعة .......ياكثر قرقتي بس لازم اوضح لكم كل شي

نجي للثلاثة ايام اللي بعدهم ياخضار يافواكه وفي الثلاثة الايام كثروا من مشروب الشمر لانه يشد الجسم بشكل ماتتخيلونه واذا تقدرون خلوه يوما وعلى فكرة ترى طعمه مو بشين يمشي الحال

والثلاثة الايام اللي بعدهم يعتمد على اختياركم يعني انتم قسموهم على كيفكم بس بالبداية الزبادي افضل

والثلاثة الايام اللي بعدهم (يادجاج-ياسمك-يالحم)
هنا اقول الله يعنكم بس سوا زي اول يوم خليته سمك وثاني يوم دجاج وثالث يوم لحم

والمصيبة الكبرى تخيلوا ثلاثة ايام بيض بس بيض والله معاناه
بس كل شي لالجل الرشاقة يهون وربي يهون
بس اللي ماتقدر تتحمل البيض او ما تحبه يمكن تخلي هالثلاثة ايام خضار مو دايم نستخدمها بروكلي اوخرشوف او.........الخ الين ماتخلصي 15 سوي اف بس مو مرة على خفيف

واهم شي يابنات المشي لاززززززززززززززم والله لاززززززززززززم مو علشان اه ينحف لا علشان انه يشد الجسم لانه نحف بترهل غير مجدي والله ولا كانك نحفتي لكن والله يا بنات جربوا المشي ولا تتكيسلو وانتو يتشوفون النتايج والله العظيم بشهر كل شي بجسمك يتغير حتى التشققات والله يابنات بتخف وكل شي بينشد يعني رجيم من دون مشي ما ينفع ومشي من غير رجيم برضة ماينفع لان الرجيم والمشي كلهم بيكملو بعض اسأل مجرب ولاتسأل طبيب

ونصيحة اخيرة اقدمها لكم يابنات اهم شي الارادة والله هذا اهم شي خلي ارادتك قوية واطمحي الى انك توصلين الى الكمال في كل شي والكمال لله سبحانه دايم تخيلي نفسك احلى وحدة بالدنيا وانشاء الله بتوصلين لهدفك

وفي النهاية ادعيلكم من كل قلبي بالتوفيق وهذا بالنسبة للرجيم وانشاء الله في المرة الجاية اقولكم على الاشياء الثانية اللي سويتها

************************
الأخت الي سألت عن السنامكي (العشرق)
يفضل انك تاخذينه لأنه بينظف الجسم :):):)

الله يوفق الجميع
ويجزيك الخير يا اندومي بالشطه :)

تحياتي
:24: :26:

نتيجه اول يوم ..... من امس لليوم
من 99 >>> 97 :23: :23:

يالله بنات شدو الهمه ...10 كيلو قبل رمضان :):):)

تحياتي

والله انا بعد اتمنى 10 كيلو قبل رمضان وزني الحين 68 اتمنى يصير 58 الى 60 ادعوا اني انقص بدون مرض يارب وانتو ا معاي جميعا