يعني من كلامك يحب السليق القرصان الجريش الكبشات والمندددي ادخلي قوقل تلقين كل هلاصناف موجوودده
وفي العصيده تختلف من منطقه لمنطقه

يعني عودي نفسك كل يوم اكله من هلاكلات يوم سوي له ..
مرقووق
ويوم سليق
ويوم كبسه
ويوم مندي
والقرصان
والجريش
هذي كلها سهله تری بس شوفي اكثر من طريقه بالنت والانستغرام ماخلا احد ما علممه ...

والعصريات كل يوم سوي قهووه مو ترزسن جمبها دوناات دام ما يحب هلاشياء الجديده خلك بقددديم سوى كيكة التمر وفي طريقتها هنا وتبيض الوجه
تمريه بعد سهله وقديمه
ولاظم جمبهم صحن التمممر
ويزم غيري بدل القهوه صلحي شااي مع معجنات ولا ترزين البيتزا لنه يحب القديم ... خلية النحل وفطاير دجاج ولحم ....


هذا يالي عندي ياحلوه وموووفقققه يارب

شوفي ياعمري
انتي ماقلتي لنا ايش سويتيفطور لاصحابه
انا اللي اعرفه البدو يحبون المصابيب وهي تراها بان كيك على فكرة بس دقيقها يختلف
يحبون العريكة وهي سهلة جدا
يحبون الخبزة الجنوبية اسهل منها مافي

الغدا سوي مرقوق
جريش
كبسة حمرا
كبسة مكرونة
سليق
وحطي معها سلطة

العشا
فول وتميس وممكن انتي تسوين الخبز بالبيت
كبدة محموسة او مقلقل مع خبز
شكشوكة اذا يحبها
مكرونة بالدجاج حمرا

والقهوة عليك بالحلا اللي يحبونه الرجال وغالبا يكون كريم كراميل
او ام علي
وعندك كيكة التمر بالدخن اتعب وانا اقول لك حلوة
الفطيرة الحلزونية مع الحبة السودا
بسبوسة
خلية النحل
كيكة التمر
كيكة البرتقال

عاد يجي دورك وقت التقديم ابتسامة حلوة وكلمة طيبة وقولي له شرايك بالاكل عساه عجبك
ولا تبينين له انك خايفة منه او متوترة او زعلانة من اسلوبه بالعكس بيني له انك تعبتي وطبختي الاكله بحب عشان خاطره
اوكي ممكن يفشلك مرة او مرتين لكن صدقيني بعدها بيستحي ينتقدك

نجي لاخر شي كرم الضيافة
كثري من الهياط
لا قال عندي ضيف قولي ابشر باللي يبيض وجهك انت وضيفك
قولي يا هلا ومرحبا فيه ولا تشيل هم
يعني بالعربي كثري له من كلام البدو
انتي بريستيج صح لكن مستحيل تكونين على قولته حضرية اكيد انك بدوية لكن متطورة
شوفي كلامهم وقلديه من ناحية الفرح بالضيف
والضيف اهم شي القهوة والتمر والفناجين ما تكون ملونة او مزخرفة واجد ما يحبون هالحركات وسوي له لقيمات مثلا مع القهوة او عصيدة بهالشتا صدقيني بيفرح فيها
والبيت يكون نظيف وابتسامتك وكلامك الحلو يدل عليك
ولا تكثرين سؤال وش تبي عشا وش تبي غدا كنك بس تبين الفكة منه ومن مغثته لا حاولي انتي تسوين جدول باللي قلنا لك وجربي هالاسبوع وتعالي الاسبوع الجاي علمينا وش صار معك ننتظرك

وبنفس الوقت ابي اعرف نظامك القديم انتي وش تطبخين بالعادة عشان نصلح لك

والله يوفقك يارب ويسخره لك

دعواتك


ومشروب

نفس المعاناة الله يفرجها ، المفروض يعطونا دورة قبل الزواج دورة التوجيب والتقديم والبرستيج السعودي والقبلي والبدوي وطبخات زمان اول
بس من فين نتعلم هذي الامور والبيت الي مافيه أم ورحلت من سنين الله يرحمها

تسلمون كلكم ذوق بصراحه نظامي العاده يوم مكرونه معها صحن جانبي خضار مقلقله ويوم رز واحيانآ اجيب العيد بالطعم يعني شكل زين وطعم اعوذ بالله او طعم جنان وشكل اعوذ بالله
واحيانآ مرق مع رز بس مايضبط
تعبت نفسيآ مع وزن الطعم ماادري هل احط التوابل والماجي بالبدايه ولا بالنهايه لأن الطعم احيانآ يكون سيء
أما الكيك الحمدالله بعد فشل 50مره مابين كيك محترق ويابس ومتكسر الحمدالله اتقنته
لكن زوجي مايحب الحلا ولا الحلويات او الشوكولاتات يحب المعمول والاكلات اللي فيها تمر
دائمآ يمدح زوجات اخوياه وش حطو وش زينو وانا زي الاطرش بالزفه
اتذكر مره جانا ابوه وصلحت مصابيب وضبطتها قال لي صلحي عصير برتقال احسن نوع واحسن شيء ضحكت من مبالغته ومدحه الزايد قلت بضحك لا تبالغ هو نفس البرتقال اللي عندنا
ابوه سكت وقالي بعد ماراح ابوه فشلتيني عند ابوي انا حسبته يمزح ويستهبل لذلك ضحكت ماتوقعته جاد وابوه زعل بس مابين لأنه يحبني بعدها صرت الزم الصمت واخلي زوجي هو اللي يتكلم ويهلي ويرحب
انا اعرف اسوي مصابيب واتقنها تعلمتها من امي واحيان اغير نكهاتها مره ساده ومره بالقرفه ومره بحبه البركه
لكن مشكلتي نفسي بالطبخ سيء
الكل يمدحني ماعدا زوجي الكل يعجبه طبخي ماعدا زوجي كلما اطبخ احس اني بأوقف امام لجنه تحكيم
حتى طريقتي بصف الاكل غلط مااعرف كيف اصف السفره بطريقه حلوه مشهيه
وحتى طرق التقديم حاولت اتفنن ماقدرت
حتى انا طفشت من روتيني ودي اجدد بس اخاف يصير الطعم سيء واتفشل
عندي اواني سفره كامله بس اتعيجز لو افكر اسوي اتيكيت بتكثر المواعين وبيكثر غسيل المواعين
فهل فيه هنا دروس طبخ للمبتدئات خاصه الاكلات الشعبيه او دروس في فن التقديم
كلما شافني قال ماتعلمتي سنع امك ياليتك مثل امك
امي سنعه بنت رجال سناعه وراعيه مواجيب وفزعه أنا عكسها اتهرب من الجمعات ماقد سويت عزيمه عندي بدون وجود زوجي اذا عزمت اهلي زوجي يسوي كل شيء من برا يقول لأجل ماتفشليني قدامهم فكل شيء من برا ماقد سويت شيء ابد ولو فكرت اصلح شيء ماالقى طبخات لثلاث اشخاص
اغلبهم كمياتهم كبيره وانا اذا اخطئت في مقدار بسيط تفشل الطبخه فماادري وش اسوي
وبخصوص المدح المبالغ اذا مدحته او مدحت احد يقول شغل المصاريا مايمشي علي او يقول وش عندك مابعد المدح الا الشقى يقصد طلبات مااقول غير يازين العزوبيه

صدقيني زوجك بتدلع عليك واهم اكلة هي الكبسة ركزي عليها وسوي اللي تعرفينه وخيرته يتعوود كذا رجال اذا شافوا اهتمام زوجاتهم حبوا يسوون فيها يعني اني وزي نا قالوا البنات كيف كان في اهله والله ان يطلعون لك اللي ما تتوقعينه وفيه مثل يقول ولدك على ما تربيه وزوجك على ما تعوديه حطي النعمة قدامه واذا ما عجبه قولي علمني ويش اللي في خاطرك واذا قال المفروض انك تعرفين بدون كلام ف ادري انه زي ما قلت لك ما عنده الا الدلع