المسئله ليست عنصريه لكن هو يحب شغل البدو في طبخهم وفزعتهم يعني هو اصله بدوي لكنهم متحضرين بس عرقه يميل لهالامر وكل اصحابه بدو ويشوف عندهم الاكل اللي يجننه ومصطلحاتها غريبه مره ودي اتعلمها اناقلت بنات البدو لان زوجي يميل للبداوه واكلهم المسئله ليست عنصريه اوتعييب باحد لاني جربت كل شيء واستشرت كثير ولا احد عبرني فقلت اسال اللي من نفس طبعه واصله واناماتهمني امورالقبليه والعادات اللي يهمني كيف اكون سنعه واجاريهم بالاقوال والافعال ماانكر انهم يمدحوني وفيه رجال من جماعه زوجي يثنون علي ماتوقعت سمعتي طيبه بينهم وبين اهله بس هو موعاجبه الا سنع البدو ضيافه ازطبخ يقول لهم نكهه خاصه باكلهم نفس اللي تسويه امه فانا من كثر مااقرا بعلم النفس ادركت انه يشتاق لامه ونفسها بالطبخ وامه سنعه وخواته نفسهم ماوصل لنفسها بالطبخ ويقول ذقت نفس طبخ امي عند اخوياي من يد زوجاتهم وزوجاتهم بدويات فاناسالت ابي اعرف سر طبخهم اللذيذ اناقد ذقت قرصان ورز وسليق من وحده بديه الى يومكم اتشهوى فيه مع انهابسني وخواه زوجي ماكانو معطيني وجه لماسكنت معهم لاني معهم رسميه وزوجي شخصيته قويه لذلك حاسبين لي حساب وانااصغرهم فبنظرهم انابزر وبعضهم يكرهني بس مع مرور الايام حبوني بس كلمااسئلهم عن اكل امهم يلفون ويدورون ولايعطوني اجابه شافيه وكل مره كذا ففهمت انهم مايبون يعلموني فتركت وضعي معهم رسمي جدا انابحثت بالنت بس المصيبه اني القى مقاديرها كبيره واذا قللتها لتكفي شخصين يصير القوام سيء وطعمها سيء

ياقلبي عليك
بقولك اليوم المرقوقه
دام انتي وزوجك بس
نقول ٣قطع لحم بحجم الكف
وبصله مقطعه مكعبات
وبطاطس وحده مكعبات
وكوسه ٢ صغيره
تحطين ملعقتين زيت او ملعقه لان اللحم مايبي زيت كثير في قدر وتضيفين البصله المكعبات وناعم اطيب تقلبينه شوي وتضيفين اللحم وتضيفين نص ملعقه وسط بهار السفينه مدراس وتقلبينه وتضيفين كم عود دارسين وتقلبينه زين مازين بعدين تضيفين ماي وتسكرين القدر لما يستوي اللحم ويوصل نص الاستواء تضيفين البطاطس والكوسا والبعض يضيف القرع والباذنجان والجزر بس انا اكتفي بالبطاطس والكوسا وجزر احيانا وتضعين ملعقتين الى ثلاث معجون طماطمم وتملحينه وتسكرين عليه بهالاثناء تكونين مسويه عجينة المرقوق قبل ماتبدين بطبخ اللحم واللي هي نقول كوبين طحين وملح وماء وتخلينه شوي اطرا من عجينة الفطاير وبعدها تبدين تفردين العجينه دوائر وتضعينها ع المرقه وتقلبين وماتزيدينها بسرعه بين قطعه وقطعه دقيقتين الى ثلاث وتقلبين ومن ربع ساعه الى نص ساعه يكون احلى مرقوق واحيانا مااستخدم عجين البيت استخدم خبز الصاج ويعطي طعم روعه وبلا حوسه
واذا جبتي القرصان جاهزه بعد تطبخين اللحم والخضار مثل البدايه وتضيفين القرصان
واذا سويتي المرقوق بدجاج تطبخين الخضار مع الدجاج

شوفي شكلي له كل يوم اكله ماهو كل يوم نفس الاكل وتكون السفره شوي مليانه يعني مثلا على السفره رز ودجاج مع سلطه مع حلا مع اي نوع من الايدامات والفطور عريكه او مصبعه فيه ناس يسمونها (تصابيع) او خبز تنور (ميفا) المهم في النهايه شكليله مو كل يوم نفس السفره

السلام عليكم
تعرفي سجلت دخول عشانك انا مو سعودية بس زوجك ذكرني بزوج اختي
اهم ششي اهنيه قدر يهز ثقتك بنفسك
انت الناس كلها تمدحك يعني العلة فيه هو
اختي كانت تطبخ حلو تزوجت و سافرت مع زوجها صارت تخبص لما ذقت اكلها قلتلها ليش اكلك صاير ماله طعم تقول زوجي كل شي تقول زوجي اخر شي يقولها ما حد يعرف يقلي البيض الا انا و مرة خالي
اعطيتها محاضرة و قلتلها خلك واثقة من نفسك لانه اختي رجع طبخها مثل اول و احسن و صاير يتفاخر فيها بين اصحابه حتى صفحته في الفيس كانها حقت حرمة كل ما تطبخ اكلة ينزلها عقبالك هههههه

اه الله يعين الظاهر باجرب الطبخ انواع عنداهلي الين اتقن الطبخه ثم اقللها في بيتي بس الغريب ان اكلي ببيت اهلي يجنن بس اذا طبخت ببيتي يصيرسيء واختي العكس تعرف تطبخ ببيتها طبخ يجنن بس عنداهلي اوجدتي ماتعرف مهما بذلت مجهود مايطلع بروعه طبخها ببيتها فهل الراحه النفسيه تاثر على الطبخ