بنات انقذوا اختي من حالتها والله تقطع القلب:(

الله يعينكم ويعين اختج ويهون عليها مصيبتها ويحقق لها امنيتها بإذن الله..
شوفي اختي انا الي عرفته ان اختج تحتاج حق شفط لسمنتها المفرطه وشد للترهلات الي سببتها السمنه..واللي اعرفه بعد ان المستشفيات الي تسوي شفط وشد كثيره وفي منها بالكويت بعد عندنا وبالسعوديه مادري اذا في ولا لأ..
واذا كنتو تقدرون تدزونها بره دزوها لندن وللأسف ماعرف اسماء مصحات معينه بس متأكده ان هناك مصحات خاصه لعلاج مشاكل السمنه المفرطه وانا صراحه ما انصحكم تبتدون بالشفط من اول شي .. سوولها تحزيم معده ترا نتيجتها زينه ووايد ناس سووها وفادت معاهم وايد
انشالله تكون مشاركتي انفعتج .. قلبي معاكم والله

الله يكون بعونها والله مالومها اختي كان وزنها 110 ونفس حالتها بس الحمد الله سوت عمليه ربط معده والحمد الله الحين لها سنه نحفت النص ماشاء الله
قولوماشاء الله
وصارت نفسيتها احسن وتروح وتجي وتطلع
وكان قالها الدكتور عن وحده كانت مسويتها قبلها وزنها والله 160
ونحفت ل70والله ماكذب علييييييييك


سوتها بالسعوديه بالخبر والشفط اذا كان السمنه مفرطه سالت عنه ماينفع لان الجرح مارح يتقفل من الشحم
والله اعلم
عسي الله يهون عليكم

سكونه الله يعافيك كم كلفت عمليت اختك لربط ومن سواها لها الله يجزاك الف خير بسرعه نريد الرد

الله يعينك ان شاء الله
والله انا بعد عندي اخت تعاني من السمنة واكيد وزنها فوق المئة بكثير
وانا ايضا قربت اوصل للمئة وهذا اللي متعب نفسيتي

بس حبيت اقول لج ان عمليات الشفط قبل تخفيف الوزن يكون فيه تشوه لاني شفت في برنامج اوبرا وحدة كانت جدا جدا سمينة وسوت عمليات شفط صج قل وزنها وقلت كتلة جسمها لكن شكلها مخيف وخاصة وجهها لان في اشياء مترهلة بالرغم انها عملت حتى للوجه وكانت العملية جدا صعبة

ومن خلاصة كلامي انه الافضل تقليل الوزن بأي طريقة ومن بعد ذلك اللجوء لعمليات التجميل والشفط
والله يكون بالعون والله ينحفها بصحة وعافية وانا واختي

الله يعينها ويرفع عنها ويأجرها...