بالنسبة للتسوق مو افضل من ملابس السعودية بشي بس لو لقيتي شي مميز تلاقينة القطعة بسبع مية وفوق يعني غااااااااااالية بصراحة بس الجو جنااااااااااااااااااااااااان بصراحة وهذا اللي يميز اوروبا في الصيف

مشكورين حبايبي على الرد ...
حبيبتي ام امز بالنسبه للاستقرار احنا راح نستقر بديفون بفرنسا لانها اقرب لجنيف وسعرها بالسكن ارخص..هذا الي عرفناه وققرنا نعمله ..بالنسبه للغلا والله خوفتوني يعني مستحيل اشتري شي من هناك .. طيب كيف اسعار فرنسا هل هي غاليه كمان ولا ماعندكم علم
بالنسبه انتر لاكن يمكن نروح لها ويمكن لا اذا كانت ماتفرق عن المدن الثانيه لانو احنا راح نستاجر سيارتنا الخاصه ماراح نركب قطار ولا شي ..
بالنسبه لولدي ان شاء الله انو راح اخذ كل شي معاي من هنا عصيرات وبسكوتات وان شاء الله انو تهون على الموضوع..وان شاء الله انه يكون عاقل ومايتعبني

شامه على الخدود حبيبتي مشكوره على ردك وشكلي خلاص ماراح اتسوق اذا كانت على 700 وعليها اصلا انا ابي ابعد عن غلاة اسعارنا هنا تكون ورنا هناك كمان
طيب بسالكم عن فرنسا كمان اش رايكم فيها .. انا اقول لزوجي نفسي اروح باريس اش رايكم..مع انها تبعد عن جنيف بس 500 كيلو بس ؟؟ولا ..

الله يكتب لك رحلة ممتعة مع زوجك بأوروبا

أنا ولا مره سافرت للخارج .. الله يرزقني بالزوج اللي يسفرني

عالعموم انا متابعة موضوعك يمكن استفيد منه مستقبلاً

هلا بنات بالنسبه لسويسراء
فعلا حلوه وكلمت حلوه قليله عليها بس انا رحتها في الشتاء لان عيالي يحبون التزلج ههههه تخيلوا سعوديين يحبون التزلج بالشماغ ههههههههههههه
المهم كان الجو طبعا بارد بس كنت اخده شقه كامل وكانت لوكس يعني فندقيه وكانت بسعر الفندق بس ميزتها انه فيه مطبخ وكنا نسوي غدانا في البيت والله نرجع ونتونس وقهوا وكل شي وكمان في الشقه غساله وانا ما اخدت عفش كتير وكنت هناك على بال ما اطبخ احط غسيل هعههه
وكانوات معانا عائلتين سعوديين بالنسبه للاسعار غاليه بس الواحد بيتمشى مره وحده احنا كدا مبدانا نخلي الدنيا وناسه ولا نحرم نفسنا من اي شي لان الفرضه ما تتعوض بصراحه
بعدين ادا انتي تبغي تشتري شي تنصيحه لاتاخدين ملابس لان ما ركات اوروبا تقريبا عندنا لكن اشتري لك ساعه كشخه معروفه الساعات السويسريه ادا انت بتشترين شي يعني اشتري شي يسوا ولا ايش رايك بس يبغاله ميزانيه عدله
بس كمان لاتفوتك شكلاتاتهم مرررررررررررررررره روعه واشكالها بس لهم يعني يبعوا الشكولاته باشال مره حلوه وفي زسورخ محلات تبيع بالكيلو واشكال مره حلوه مثل باتشي والطقه بس الطعم غير انا بصراحه خميت شكولاته لين طلع من عيني على قولت زوجي لونك اتغير صار شوكولاتي من كثر اكلها طبعنا في الليل نسوي قهوى واتدوق والي يعجبني اجيييب منه كميه
بالنسبه لجنييف مافيها شي غير البحيره اركبس في سفينه يدورك على البحيرهكلها وتمري على فرنسا
واحلى شي اعلى قمه في اوربا لازم تروحيلها بالقطار طبعا وكمان قريه صغيره اسمها لوزرن وكمان انتر ليكن وهم يسمونها انتر ليخن
احنا بصراحه اخدنا سياره وعندنا الجهاز النفي قيتر نزلنا فيه سويسرا وبعدين احنا نحط المكان الي نبغاه نحط اسم المكان وهوا يدلنا عليه بس مره حلو فيها الطبيه ادا انتي بتروحين بالقطار انصحك اختي انك تشترين التكت الي تجي حق العائله لكم يوم وفيها عرض مره حلو بس انحنا فضلا السياره
وانا ناتويح اروح لها مره ثانيه وثالثه من حلاها وطبيعتها وتعامل الناس كان اكثر من رائع بصراحه مع اني متنقبه انا والمجموعه الي معايا وعيالنا كثير الا انهم يحترمونا مره ويرحبوا فينا كثير
رحله موفقه ان شاء الله بس اهم شي تخليها وناسه وتسيبي الهم وراكي وكمان لاتدققي على الاسعار خليكي ريلكس يعني هي مره وحده من غير شر ايوه نسيت اقلك بتكون الشلالات في الصيف كثيره اشربي من مويتها حلوه هههههههههههههههه

اميره بكلمتي حبيبتي مشكوره على مرورك وياربي يجييك الفارس الي يسفرك على خيله الابيض يارب ...
عزيزتي مغتربه بكيفي اشكرك على تفاصيلك الحلوه والله شوقتوني للرحله زيااااااااااااااده
بس وين الشقه هذه الي تقولين عليها لانو زي ماقولتلك راح نستقر بديفون .. وماقلتولي كيف اسعار فرنسا؟؟؟