وعند هاي البحيره بتلقون مكاتب القاروب لو تبون تحجزون حق رحلات بحريه ... سويت سكن لهذا البروشور ... ولازم ما تتأخرون لو عطوكم موعد ولا ترا القبطان بيروح وتفوتكم الرحله . :)



هاي وحده من الشركات ألي يسون رحلات بحريه وفيه غيرها ... وهاي القوارب ألي راح تطلعون عليهن .



معليه أختي أدري الصوره كبيره أنا كبيرتا عشان تشوفين الأماكن ألي راح تمرون عليها في الرحله البحريه ... ألي أتذكره أنكم طبعا راح تبدون من النافوره وراح تمشون من تحتها ... وتشوفين هاي الأماكن راح تمرون عدالها وبيكون في شخص يخيركم عنها ... عباره عن قصور وأماكن تاريخيه وتعبرون المياه السويسريه وراح تدخلون المياه الفرنسه وهم راح يخبرونكم أنكم ألحينه في فرنسا شوفي الصوره وين العلم الأحمر ألي فيه اشارة زائد هاي المياه السويسريه ... وشوفي العلم الفرنسي ألي لونه أزرق وأبيض وأحمر هاي المياه الفرنسيه ... لو تشوفين خط الرحله هناك لونين أحمر وأسود ... الأحمر هذا خط الرحله لو كنتم تريدون رحله في سويسرا وفرنسا ... أما الأسود بس الرحله داخل سويسرا يعني بس في بحيرة جنيفا . .. صبري ما خلصت بس تعبت بكمل بعدين .

ياعمري عليك ياذار والله انك سنعه اش الصور والحركات هذه عالعموم كلها بحفظها عندي وبنتظار المزيد منك ياغاليه
بس بسالك ماعندك خلفيه عن اسعار التسوق بفرنسا ووين الاقي اسواق حلوه وكشخه واسعارها مرضيه شوي

عندك سوق البلاكسيرت في جنيف مره ممتع في سينما حلوه ومحلات وماركات فخمه

أنترلكن أنصحك تقضين فيها أيام كثيره لأنها منطقة رائعه جدا لو أنتي من الناس الي تعشق الطبيعه
والهدوء

لو تقدرون تمرون النمسا لمدينه أسمها زيلامسي قريبه من سويسرا جدا وتقريبا هي أروع منطقة في أوربها كلها مدينه الأحلام والهدوء والطبيعه

اهلين حبيبتي..........الله يونسكم في هاالرحله

اما بالنسبه لسويسرا فأحلللللللى شي انكم اخترتو تسكنون في ديفون

احنا نروح كل سنه سويسرا ونسكن ديفون

بالمره حليوه و سكنها حلو ورخييص وكلهاااااااا خليجييين بس بالمره هادين وماهي زحمه
وعلى فكره فيها مول صغير بالمره حليو اسمه مانور فيه سوبرماركت ومطاعم ومحلات ملابس
وكل ماتبين وعادة في الصيف يحطون في وسط المول منطقتين فيها العاب واركان يجمعون فيها
الاطفال ويلعبون مع بعض ومعهم جليسة اطفال بالمره يونس يعني حلو المول تروحون له الصباح
وتفطرون او تتقهون وتلعبين ولدك شوي وتروقون وبعدين تركبون سيارتكم وتتكلون ع الله كل يوم بلد

وبعدين ديفون موقعها بالمره حلو يعني تبعد عن:

جنيف بالضبط ربع ساعه
لوزان عشرين دقيقه
مونترو 35 قيقه وهي بعد لوزان
و لااااااااااااااااااا تفوتون مونترو بالمره حليوه وصغيره وونييييسه وكلها خليجييين وبالمره حلوه حتى لولدك فيها العاب
وجلسات وقهاوي ومطاعم ع البحيره واهممممممممم حاجه لاتفوتون

المطعم الايراني خطييييييييييييير

موجود ع البحيره واضح مايضيع (هذا بالنسبه لمونترو) ويكفييها نص يوم بس مو الصباح
حلاتها بعد الظهر يعني اقتراحي اذا انتم من النوع اللي يطلع الصباح احلى شي روحو لوزان
فيها اوتيل ا سمه بوريفاج فيه قهوه و مطعم جلستهم مره حلووووووه ع البحيره وجنبها منطقة
العاب اطفال اجلسو في لوزان الى بعد الظهر وبعدين اطلعو مونترو تبعد عنها بس 20 دقيقه
وتغدو في الايراني "اماااااانه روحو ماراح تندمون" وقضو باقي اليوم فيها مره حركه وونيسه

معليش طولت عليك بس من جد تحمست لك لان البلد مره حلوه وفيها مدن كثيره حلوه
واي معلومات ثانيه انا حاظره

تحياتى للجميع ياغالية لازم يعنى اوروبا والله أحسن لكم بلد إسلامى

أنا والله لى قريب سنة بألمانيا وفعلا أوروبا خيال يفوق الوصف خضرة وجو وطبيعة خلابة تأخذ الألباب،والان ثلوج وأمطار لاتتوقف أول ماجينا كان بالصيف الماضى كان الجو معتدل وبعض الشهور صيفى حتى هنا قالو النا اول مرة رمضان صيف ولا العادة مايشوفون شمس.
طبعا أحنا مقيمين ولازلنا عفشنا كثيروحملناه ع المانيا قبل مانجي وطبعا الجية كلها عمل زوجى ولا مانفكر بالسياحة فى بلد الكفر ،رحنا النمسا وسويسرا وبعض المدن الصراحة كلها جميلة وكنا نسافر ب السيارة مزودة ب نفاقيشن الطريق والله يعجز القلم ان يصف إبداع الخالق لا إله إلا الله،وهناأمان بس الواحد يجيه شعور الخوف لأنهم كفاروالحجاب سهل مرة أنا بنقابى ولله الحمد ونظرات الاستغراب منهم لاتهز المؤمن الثابت.وفعلا ياأختى غالية جدا السعر أكثر من الضعف لأن كل شي عليه 19%ضرايب وانا دائم أتسوق لايوجد فرق عن بضايعنا وكثير المحلات عندنا فروعها وارخص ترى السوق عندنا رووعة ،و20 ألف إن شاء الله تكفى حسب أيام الرحلة ،أما الأكل لالالالايوجد وشبهة بسبب الخنزير الله يكرمكم حتى شوكلاتة عندهم لاتخلو والمؤمن يتورع .خذى معك أجبان مثلث كرافت ،أغراض الشاى والقهوة وغلاية مهمة وأكواب ورق وبسكوتات بالكرتون وصحون ورق وملاعق وتونة لو تحبوها،يعنى لازم تاخذى أكل حق كرتونين شكلو الاغراض اللى تحبوها،وحليب البيبى مو عمره سنة يعنى حتعطيه طازج موجو دهنا بالهبل وحتى بامبرز عندهم بس أغلى وكم حجاب معاك ملون لو تحبى أحسن وأغراضك الشخصية وملابس شتوية وشمسية للمطر وقفازات بر دوالله يعينكم