هلا ومرحبا
الشقه في انتر ليكن بين البحيرات
بالنسبه لاسعار فرنسات اكيد غاليه بس ما اعرف مارحتها

والله انك طيوووووووووبه ياقمر واذا عندك اي معلومه اضافيه خبريني

هلا أختي أنصحج تروحين جنيفا لعدة أسباب أول شيء هيه وايد حلوه ... وهيه تقع على الحدود الفرنسيه يعني فرنسا عدالها ... أنصحج تاخذين الفندق عدال بحيرية جنيفا ... مش الفنادق ألي عدالها بضبط لأن هذيلا وايد غاليات ... فيه فنادق عدالها بس أسعارهن مقبوله ... شوفي جنيف غاليه بس فيه أشياء تقدرين تشترينهن مثل الشنط الجلديه والكريمات والعطور والساعات مش لازم ماركات عالميه عندهم ماركات حلوه وأسعارها مقبوله ... شوفي بتلقين السوق عدال البحيره بعد الجسر في الئولد تاون ... وتقدرين تاخذون قارب على البحيره فيه نوعيتين من هاي الرحلات البحريه شيء بس داخل جيفا وفيه رحلات في جنيفا وفرنسا وهاي تاخذ ساعتين روعه جربوهن ... معليه أختي ماعرف أشرح أنا عندي بروشور حق هاي الرحلات بس مادري وين عقيتن بدورهن لج وبسوي لهن سكن ... وهاي الرحلات تقدرون تحجزون من مكاتب تلقونهن عدال البحريه ... وبعد فيها حديقتين حلوات ... وممكن تروحون فرنسا من جنيف حتى بدون جوازات أصلا ما بتحسون أنكم طلعتوا منها ... بس يالله كيف الطبيعه روعه عندهم ... شوفي في قريه على الحدود الفرنسيه يعني على الأراضي الفرنسيه جديمه وايد يمكن عمرها 300 سنه لو تشوفينها تقولين مثل مالت الرسوم المتحركه حلوه مادري شوه أسمها شويه صعب بس أنتو خلو الفندق أيبلكم سايق عربي وهناك وايد عرب هاي شغلتم وقلولهم أكيد بيعرفونها لأنه لازم تستأجرون سياره بالسائق حق هاي الرحلات عشانهم يعرفون الأماكن السياحه ... وبعد ممكن ترحون جبال الألب عاد هاي روعه بتطلعون على التلفريك بس وايد مرتفع أسم المنطقه مونت بلانك وبس لازم تلبسون وايد ثجيل لأنه وايد برد فوق ... صح جنيفا من ناحيه الامان الحمدالله ماصدفنا شيء بس مره من المارات كنا ياين الفندق من البحيريه كنت بس أنا وخواتي الصغار واخويه وكانت الساعه 10:30 أو 11 ليلا طلع واحد سكران ويتحرطم بالفرنسي بس نحن ماردينا عليه ورحنا يعني لو صادفكم هاي الأشكال لا تردون ومشوا ... ولو تذكرت شيء بخبرج ... وبحاول أحط صور حق الأمكان ألي اعرفها .

اذار حبيبتي اشكرك على المرور والرد وكلامك حلو وبنتظار الصور ياقلبي عساك ماتنسينها

هلا أختي شوفي صورة البحيره في جنيفا تشوفين الجبال إلي وراء هاي تبع فرنسا وهاي النافوره



و تقدرون تمشون ألين ما توصلون المناره مسوين طريج عشان تروحون المناره وهاي صورة المناره .


ولا تنسون تصورون عند ساعة بابا زايد الله يرحمه هذي هيه بتلقونها عند البحيره الجهه الثانيه يعني مش جهة البحيره وين الفنادق لا الجهه الثانيه