طريقة أمل لبنان صح مية بالمية
هي طريقة شيخ المحشي السورية.. و الطرق الثانية الموجودة بالمنتدى طرق فلسطينية على فكرة.. و الطعمة تختلف من السماء الى الأرض..
أمل لبنان الهيئة امك سورية؟ ما شاء الله عليكي شكلك بتعرفي تطبخي متلنا..

بالنسبة لفتة الحمص (التسقية)
هي الطريقة السورية الأصلية.. جربيها و ما حتندمي

لو في جنبك بياع فول و حمص, ممتاز اشتري من عندهم حمص مسلوق..
لو ما في, اشتري علب حمص مسلوق جاهز مثل كالفورنيا جاردن..
ضعي الحمص على النار مع الماء و انتظري ليغلي
خذي نصف كمية الحمص (حوالي فنجان شاي و نصف) و ضعيها بالخلاط و ضعي فوقها عصير نصف ليمونة و ملعقتان كبيرتان من الطحينة و فنجان شاي روب (لبن)
شغلي الخلاط الى أن تختلط المكونات جيداً (هذه اسمها البدوة)
الآن أحضري بايركس و أحضري خبز لبناني.. قطعي الخبز مربعات (حوالي رغيف و نصف حسب الرغبة)
رشي ملح على الخبز و ضعي الحمص المتبقي فوقه مع حوالي فنجان من ماء سلق الحمص أو أكثر حسب الرغبة..
اخلطي الخبز بالحمص جيداً ثم أحضري البدوة التي حضرناها سابقاً و افرديها على الوجه..
حمصي بعض المكسرات (صنوبر, كاجو..الخ) في السمن العربي ان وجد أو أي سمن آخر.. ثم ضعي السمن و المكسرات على وجه التسقية..
يمكنك التزيين بالبقدونس.. و صحة و عافية..
هي الطريقة السورية الأصلية من مطبخ جدتي :)

ام الملا
مشكوووره كثير على ردك ومشاركتك


امل لبنان
ربي يسعدك يا شيخه فين ما كنتي
والله انك ما قصرتي معاهايه
الله يجزاك كل خير ويعطيك ما تتمني
اعتمدت طريقتك في شيخ المحشي وراح اجربها قريب إن شاء الله



عروس الشام
الله يجزيك كل خير ويوفقك دنيا وآخره

مشكورة يا قمر على الفتة الحلوة
والله انها بتشهي كثير

* rose *
نعم عزيزتي الفتة فيها تقلاية وهي سمنة وصنوبر محمر ورشة حر احمر حسب الرغبة


أمل لبنان
نعم عزيزتي بصير لونةاخضر اذااستعملتي الكوسىالبلدي الي لونهاخامق شوي عن العادي وهذامن نتيجة القلي

السلام عليكم
اختي روز بالنسبة لشيخ المحشي
طريقة أمل لبنان مظبوطة مية بالمية وهي الطريقة السورية
بس عندي ملاحظة بسيطة بالنسبة للبن
ممكن أنك تحطي لبن سائل بس في الو طريقة بالنسبة الي طريقتي كالتالي:
بتجيبي علبة لبن سائل (المراعي) وبتحطيه في خلاط الكوكتيل مع 3 علبة روب
+ 3 ملاعق نشا وملح حسب الرغبة وبتخلطيهم بعدين بتحطيهم بالطنجرة وبتغليهم متل ما قلت اخت أمل لبنان
وأنا بطريقتي بستغني عن البيضة وبيطلع اللبن كتير مظبوط وطيب

بالنسبة للأكلة التانية اللي كانت موجودة مو تسقية
الأكلة كانت ( فتة باذنجان )
وهي قريبة للتسقية بس طبعا فيها باذنجان محشي ببصل ولحمة
بس رح أعطيكي طريقة تانية لنفس الأكلة سهلة كتير ونفس الطعم

أول شي بتجيبي باذنجان وقطعيه شرائح سميكة شوي وبعدين كل شريحة قطعيها مكعبات
وجيبي رغيف خبز قطعيه مربعات وقليهم بالزيت حتى يتحمروا
بعدين في نفس الزيت قلي مكعبات الباذنجان وخليهم على جنب
في طنجرة على النار قلي في شوية زيت بصل مفروم مع لحمة مفرومة يعني متل حشوة السمبوسك وحطي عليها شوية رب الطماطم مذوبة في ماء وملح وفلفل وتركيهم لحتى يتعقدوا (يتسبك)
في زبدية فارغة حطي 3 علبة روب و2 فص ثوم مدقوق وشوية ملح وحوالي 2 ملعقة أكل طحينة
هلأ جيبي صينية بايركس حطي فيها الخبز المحمص
بعدين حطي فوقها صلصة اللحمة اللي اعملناها وبعدين مكعبات الباذنجان المقلي
وآخر شي خلطة لبن الروب زيني الوجه برشة فليفلة حمرا
وبعدين في شوية سمنة قلي صنوبر وحطيهم على الوجه
والف صحة وعافية

Fairy Tale
مشكورة على الرد والله يجزاك كل خير



linda803
تسلمي يا عسل والله يجزاك كل خير


عطورات شرقيه
ههههههههه
باب الحاره .. المسلسل هذا جنني راااااائع
خلاص ياقمر سجلت حضورك
والبنات الله يوفقهم ما قصروا عطونا الطرق كلها
الله يرضى عليهم جميعاً