السلام عليكم ورحمة الله وبركاته
الله يبارك لنا في الايام الجايه يارب
بنات ادعولي احتاج دعواتك مره
راح اتكلم لكم في العامية يعني كلام بينا من القلب الى القلب
بنات احب اقولكم شي واعترف لكم انا كنت من النوع الأ جسمي مربرب ما شاء الله وكانت السمنه حلوة علي بس في ها السنه انتم شفتوا كيف الرشاقه صارت كانها موضه كل بنت تبي توصل للوزن المثالي كل يوم ويوم ادخل على القسم واقراء الكلام
المهم بديت في رجيم التمر من شهر 8 الى الحين وانا من رجيم الى رجيم ومن تجربه الى تجربه .بنات كنت ما اكل حبوب فيتامين ولا شي ومره الاحيان يمر يوم ما اشرب الأ مويه بس
المهم كنت حاطه في بالي انه اذا دخلت عالم الستين راح اترك الرجيم وابدا تخفيف بس يعني اكل مثل اكلي
والانسان طماع يوم دخلت الستين قلت لا اذا وصلت 65 راح ابدا في التخفيف
بنات لازم تتركون الرجيم القاسي و رجيم النوع الواحد و الرجيم حق الفواكه ورجيم 7 كيلو في 7 ايام
والحين تدور وش حالتي ؟؟
بنات مرتين صارت معي والله بغيت اموت اول مره اول مره صارت معي وقمت اكلت اكل فيه حلى واكل فيه ملح بس عشان تروح مني الدوخه وخفقان في القلب و لوني اصفرر واذا قمت من النوم ما اقدر اتحرك ادوخ والله وارجع اجلس
يعني صحتي مو مثل اول وكل يوم دوخه كل ما مت فجا ادوخ وعلى ها الحاله صرت ما اقدر اطلع اخاف ادوخ عند الناس
واليوم نفس الحاله صارت معي دوخه و خفقان قوي والله احس من قوة ضربات القلب راح يتوقف قلبي وكل اهلي ما يدرون عني تخيلوا عاد الوضع ما احب احد يقولي انتي غلطانه ومن ها الكلام حق الاهل
تخيوا وش سويت قمت شربت كل العصيرات واكلت شوكلاته واكلت شبسات ويالله يالله خفت عن اول ومن شوي اكلت اكله كامله وكانه الحمدلله خفت
بنات انا اعتبركم زي خواتي وكلنا نبي نوصل للوزن المثالي بس مو لها الدرجه
كنت لما ادخل القسم واشوف البنات ينصحون انه لا تسون رجيم قاسي اطنش ولا افكر في كلامهم اقول يبالغوون اكيد وفيه النهاية طاحت فوق راسي
كنت مستحيل اصدق اقول هذا كلام بنات ما عليه شره
اذا تبون تعملون رجيم مثل التمر والزبادي بس يوم واحد لا تكثرون وللحين مو مقتنعه بعد اني اسويه خلاص حرمت بعد الا صارت لي
بنات انا اعرف انه نبي نوصل للوزن المثالي انا اقولكم مريت على القسم كله وما لقيت زي رجيم السعرات الحراريه حلو ولا دوخه ولا خفقان وشكلي راح اسويه
جيبوا ورقه او في الجوال واكتبوا كل اسبوع وش هدفكم يعني كل اسبوع مثلا تبون تنحفون 3 كيلو او 2 كيلو سجليه وابدي من بكرى السبت وخذي وزنك اذا قمتي من النوم وخليه وزن البدايه وبعدين سوي رجيم السعرات الحراريه وكلي من اكلكم الموجود في البيت
وبس عادي لو طولت المدة بس اهم شي ما نتعب يمكن فيه بنات ما تقتنع في كلامي بس والله بنات اني شفت الموت اعوذ بالله ولا ادري وش اسوي نصيحه خليكم على التخفيف والسعرات الحراريه وبس واذا تبون سوي رجيم كيمائي لمدة يوم فقط وغيريه نهاية الاسبوع في رجيم كيميايي ثاني ولا تكثرين عن يوم
بنات ادعولي والله تعبانه والحين الحمدلله خفت عن قبل كم ساعه
واحب اقول للبنات فيه بعضهم قلت لهم سوي رجيم الزبادي والخياره احب اقولكم لا تكثرون عن يوم بس
كنت افكر لو ما كلت راح انحف بسرعه وصرت بس اكل شي ما يتعدا 100 سعره حراريه في اليوم تخيلوا شفتوا الجهل كيف وانا تراني كبيرة بس الطمع وايش يسوي
نصيحه بنات نصيحه والله لاني احبكم ولا ابي تجربون الا صار لي اليوم
اعرف انه ودكم تتطلعون في العيد فيه وزن مثالي احب اقولكم اوكي كلنا نبي بس في المعقول يعني رجيم السعرات موجود هنا قروب شوفوه حلو وتقدرين تاكلين من المطاعم و حلويات وكل شي انصحكم فيه
وانا خلاص كل اكل الرجيم راح اطلعه من عندي وابدا في رجيم السعرات الحراريه
بنات ادعوووووولي لاتنسون والله تعبانه ويالله اكتب بس قلت اقولكم قبل لا يبدا يوم السبت
اسفه على الاخطاء في الكتابه
حلمي 5 اترام @hlmy_5_atram
محررة برونزية
يلزم عليك تسجيل الدخول أولًا لكتابة تعليق.
ياعمري الله يشفيك ويجزااك خير روحي حللي لازم مستشفى يالغلا يمكن فقر دمياعمري الله يشفيك ويجزااك خير روحي حللي لازم مستشفى يالغلا يمكن فقر دم
لا الحمدلله اكلت فيتامينات اليوم والله يسهل يارب
fdfd556
•
أنا لي يمكن شهرين ٥ و٦تخفييييييف اكل والله رحت لأهلي وانواااااااع التخبيص والحلويات والكبسات والايسكريم وقعدت عن أهلي شهر كاااااامل وفطورنا دسم والغداء دسم والعشاء دسم من غير نص الليل
ويارب لك الحمد ما زدت والنص كيلو ابد وزني مثل ماهو والحين رجعت للتخفيف والحمد لله نازله كيلو
ويارب لك الحمد ما زدت والنص كيلو ابد وزني مثل ماهو والحين رجعت للتخفيف والحمد لله نازله كيلو
الصفحة الأخيرة
روحي حللي لازم مستشفى يالغلا يمكن فقر دم