عزيزتي انا استعمل السبانخ المثلج اكثر شيء لأنه هو المتوفر وطريقتي
بصله كبيره مقطعه مربعات صغيره او مستطيلات ، عصير ليمونه كبيره ، 1 م ك سماق، صنوبر، ملح وشوية كمون..
بالبداية اشوح البصل بالزيت ثم اضيف السبانخ والسماق والليمون والكمون واخلي الملح والصنوبر للأخير وممكن إذا تحبيها حامضه كثيير تحطي لها ملح ليمون ..

هذي خلطتي والكل تعجبه ويطلب طريقتها.. وبالنسبه للفريزر أنا اكثر شيء جربت افرزنها شهر واسخنها عادي إما بالفرن او ميكروويف..
وإن شاء الله تزبط معاكي..:26:

اموره القموره

الله يعطيج العافيه.... طيب في سؤال وهل اطلع معاي اثناء الطبخ؟؟ ولما اخليه تذوب بره مايصير فيها ماء ؟؟ لان انا اول مره اسوي السبانخ وعيالي يحبونها

وفعلا انا مالقيت طازج قالي اصلا مافي هالايام سبانخ

وانا شريت مثلج وراح اجربها وارد عليكم

وتسلمين حبيبتي

الله يعافيكي يا رب..

السؤال الأول ما فهمته ..
إذا كان قصدك تحطي ماي للطبخ لاء لأن السبانخ تطلع ماي كثير بس تحطيها على النار..وترى السبانخ ما تحتاج سواء كثير دقائق على نار وسط وتكون مستوية..
وعلى فكرة حماتي تسوي الخلطه تشبه خلطتي بدون طبخ وتحشي الفطائر وبعدها تحطها بالفرن وعادي طعمها حلو..بس انا ما جربت هالشيء..
بالنسبة للسؤال الثاني..
أيه يصير فيها موية كثير بالنسبة لي إذا طلعتها من بدري اصفيها بمشخال وبعدين احطها على البصل.. وإذا مستعجله من الفريزر على المقلاة على طول وتطلع موية كثييير لكن ما يأثر ..
كل الطريقتين ما شي حالهم..
وبالعافيه على العيال يارب تعجبهم..
ياليت تكتبي لنا اي طريقه ناسبتك..

تفضلي هذا الرابط

فطائر السبانخ

السلام عليكم ورحمة الله وبركاته ......

شخبارك اختي ام عزيزان ......
طريقتي للعمل السبانخ تشبه طريقة اختي زوجة عمر ....خفيفة وطعمها روعة ...
جربت السبانخ الطازجة والمثلجة والاثنين ما فيه بينهم فرق ...بالنسبة للمثلجة تكون رطبة اكثر لذلك خليها تذوب وينزل مائها ثم اخلطيها مع باقي المقادير على حسب الطريقة اللي بتسوينها ولا تنسين ان الملح بيمتص منها الماء ....وبعد ما يترك الخليط ليذبل لازم تصفينه وتعصرينة باليد او الملعقة من الماء والليمون جيدا حتى ما تصير الفطاير رطبة .... بالنسبة لتفريز الفطاير ما عمري جربتها .....