بنات محتاجه نصايحكم وخاصه ام هند .. منهاره والله

السلام عليكم ورحمة الله وبركاته


انا بختصر الموضوع مافيني ادخل بالتفاصيل
السالفه ومافيها


انا عندي زوج دايم امسكه وهو يكلم بنات سوا برامج سوا مكالمة جوال حتى مره طحت على جوال ثاني
وكل مره عذره نزوه سامحيني وان كررتها مالك الا اللي يرضيك


كم مره اروح لاهلي ويسحب هو علي واسحب انا عليه شهور ولا يرسل مصروف ولا شي شهور مايدري عني ولا عن اطفاله بعدين انا اتنازل واتصل فيه ويجي ياخذني .. لاتقولون وين اهلك اهلي كلموه كثير وتناقشو معاه ولدرجه صار يكذبني عندهم ويقول تتوهم وارجع عشان اطفالي وهذا حالنا وطفشت وقررت اني ماعاد اشوف جواله


مرت شهور وسنين وانا وياه مشاكل يوميه وبس مو عشان خرابيطه لان بهالفتره ماكنت اشوف جواله لاني بريح راسي


كنت اتغاضى عن المشاكل اليوميه وهو شايفني وحده خبله غبيه ما اعرف شي ويعاملني بتكبر
لكن ان بغاني وانتم فاهمين لايش تعالو شوفو المدح والثناء علي


وانا خلاص كرهت اسلوبه معاي اني ما اهمه ولا مره فكر بيوم يحسسني بحبه الحقيقي لي لا ما اشوف المدح والاعجاب الا اذا بغا هذاك ..


مشكلتي اللي خلتني اكتب اليوم ومثل القشه اللي كسرا ظهر البعير


اليوم كنت اصلي بغرفتي وقافله الباب علي .. والله ويشهد ربي علي اني مافكرت بتفتيش جواله ابد ..
وهالشي يشهد عليه ربي رب العزه والجلاله


جا يضرب الباب بقوه افتحي وش تسوين افتحي افتحي وانا حسيت فيه شي ليش يبي جواله ومعصب ويضرب الباب بقوه ..


فتحت جواله
( هو فيه رقم سري واعرفه ويعرف اني اعرفه )
بس واثق اني ماراح اشوفه لاني سنين مامسكته مع انه قدامي ..


فتحت لقيت محادثته مع خويه يساله وشلون (القحا...............)


رد زوجي اووه على كيف كيفك انا طايح برنامج
( از....)
وفيه اللي يعجبك قال بالله كيف
قال زوجي بس يبي قرووش ياكل القروش اكل
قال ذاك اليوم كلمت وحده واحاول فيها ولما عرفت عمري ٣٥ قالت مابيك انا ابي دادي شوقر واخر شي طلعت بزر عمرها ١٨ ماتبيني طايحين بالدادي شوقر
رد خويه شف لك اربعينيه تراهم مايتشرطن يبون اي احد
قال والله لقيت وحده وعندنا بنفس الديره وطلبتها قالت اطلع بفلوس وانا مطفر قلبتها من هنا مناك رفضت لازم قرنقش وانا مطفر ماجت الا بالطفره وبعدين قال ياحظ هذيك الدوله ( دوله خليجيه ) تتعرف عليها اليوم بكره تطلع معك
بعدين قال خويه والله شي حلو وطيب قال زوجي والله الحلو رفعة الرجلين


كل هالكلام اللي صار بينه وبين خويه وانا عنده بيته
رحت فتحت باب الغرفه قلت وش ذا قال ليه تفتشين جوالي
قلت قل لي وش ذا


قال فارقي اقلبي وجهك لا قسم بالله لا اطا عليك
( اول مره يعاملني بهالاسلوب بالعاده يعتذر ويبرر )


قهرني


قمت قربت منه قلت انا انقلع قال ايه انتي انقلعي ودفني على كتفي رجعت له قلت ليه تدف قال اكسر راسك بعد وقام يدفني ويضحك بستهزاء فيني


ورفعت صوتي عليه لاتدف الله لايوفقك ويحرق قلبك زي ماحرقتني


قال اللي مثلك ماتلزمني ماتصير مره لي اصلا انتي الرجال.. ( اقسم بالله انو انا من غير مدح جميله ومرتبه واسلوبي دايم حلو معه ) لكن هالمره قهرني وصرت ارفع صوتي عليه من القهر


وجا بيطلع من البيت بعد مادفني لحقته قلت ليش جالس معي دامك تبيهم بنت الشوااارع ليش تقول عني رجال دام عاجبتك انوثتهم ليه ماطلقتني .. قال انتي قريب بتشوفين
خلاني انا وهالبنات مثل بعض مل من هاذي تركها انا كذا معاه يعاملني كاني موب زوجته )


انقهرت اكثر صرت امشي وراه واتكلم وهو يمشي برود ويضحك ويتهزأ فيني ويقول انقلعي الله يلعنك


بعدين قال مو صحيح اللي قريتيه مجرد كلام مافيه دليل اني طلعت او كلمت


قلت والبرنامج ذا


قال ليه شفتيه محمله بجوالي وين الدليل اني صدق كلمت وواعدت
قلت والكلام اللي لخويك قال كلام ويطلع برا البيت


وانا منقهره عارفه مو كلام خويه ذام ياما وياما ارسل له على بنات وكنت اطوف ويقول لي اسف وان تكرر شوي اللي تبين


رجع للبيت شافني جالسه راح جلس بالمجلس رحت قلت انا وش وضعي خدامه عندك وش وضعي تدخل وتمشي


قال وش تبين انتي ؟ قلت ترضا تلقا محادثه لي مع خويتي اقولها مثل ماقلت وترضا احمل البرنامج ذا واجلس اسولف واضحك واتعرف واجي عندك وانكر اقول مجرد كلام


قال اصلا لو عرفت ورقتك توصلك والسمعه على ابوك مو علي


وانتي ترا ازعجتيني تبين تركبين لاهلك اركبي المره اللي تسوي مثلك ماتلزمني


قلت يلا انا جاهزه ودني لاهلي وش خسرت ماخسرت رجال سيده ومحافظ على بيته ويخاف ربه


قام قال انتي اصلا مريضه الله يشفيك ومجنونه
وطلع
لحقته قلت انت الله يشفيك والله لاتذوق اللي ذقته منك
اتصلت فيه مايرد كنت تعبانه نفسيا ابي اطلع اللي بصدري كله
مايرد بعد اتصالات كثيره رد .. ويصارخ وش تبين وبعدين اي شي اقوله يتهزا فيني طيب طيب طيب ان شاءالله طيب طيب طيب وجالس يقول يبي يسمعني بصوت قصير يعني وانا على الخط يقول لاحول عاد الحين وش يسكتها لاحول ويرجع يرفع صوته ويقولي طيب طيب ان شاءالله
قلت له اخر شي انا اقدر اسحب عليك مثل ماتسوي واقول مرد الكللب للقصاب بس القهر اللي فيني عساك تذوقه حسبي الله ونعم الوكيل
على طول رفع صوته قال حسبي الله عليك انتي وقفل بوجهي
وارسلت له رسايل ادعي عليه فيها من قهري وارسلت له بتذوق اللي ذقته


منهاره يابنات والله نفسيتي بالحضيض وصح يهددتي دنه بيضربني ان ماسكت ويسوي نفسه بيرفع يده ويعطيني كف وقلت له اضرب اضرب قال ان رفعتي صوتك بضربك على فمك


كرهته والله طلع من خاطري احس اهنت نفسي وانا اركض وراه وهو مستمتع اني منقهره واركض ودموعي على خدي واهاوش واصارخ


ويتهزأ فيني يقول انتظري انا اجي واكلمك ليه انتي تركضين انتظري مو انتي تقولين مرد الكللب انتظري ليه تجين وتكلمني


بايعني يابنات يحسبني مثل اللي يعرفهم يبدلني ولا اسفآ علي
حتى بالايام العاديه اللي بدون مشاكل مافيه اهتمام لي ومافيه حب وفقده لي عادي عنده لو شهور ابعد عنه عادي عمري ماحسيت لي مشاعر عنده


الحين انا جدا نفسيتي تعبانه كيف سمحت لنفسي اركض وراه وارخصت نفسي وهو اهاني ..
والشي الثاني عارفه انو فعلا دخل هالبرنامج وتعرف وواعد مو زي مايقول لي مجرد كلام وانكر
وصح حذف محادثته مع خويه لان قلت له بواجهك مع ابوي وابوك وقال واجهيني باللي تبين طول عمره شايف نفسه علي وشايفني ولا شي وانا اقسم بالله اجمل منه واطيب منه والله اني ما اعرف احقد او اشيل بنفسي على احد ..
ودايم يطالعني بنظرة اني غبيه وطفله وخبله وما افهم شي لانو بس ما اعرف ازعل واكبر المواضيع ولانو انا دايم المتنازله والمتسامحه واللي اجي واقوله ليه مطنشني ليه ماتبيني ليه متغير وش ناقصني صار ينتقدني بكل شي والله لو ابغا شي بسيط ينتقدني عليه .. حرفيا انا تعبانه جدا منه
ابغا ارد كرامتي .. بس كيف ؟