بنات مصر ...ياللا نعمل معرض لانتاجنا

السلام عليكم:26:
اولا احب اشكر كل بنات المنتدىلأني استفدت منهم جدااااااااااا
عندي اقتراح حبيت اعرضه وتقولو ايه رايكم لاننا كلنا تقريبا اسرة واحدة
الحمد لله في مصر في اخوات كتير متفوقين في المشغولات اليدوية وفي برده بنات كثير قاعدين في البيت ايه رايكم اننا نعرض اعمالنا في معرض ؟
يعني ممكن كل البنات اللي من القاهرة يختارو مكان ويعرضو فيه ونسميه عالم حواء والبنات اللي من اسكندرية ايضا يختارو مكان ويعرضو فيه اعمالهم وكل البنات اللي في محافظات اخرى تختار المكان القريب ليها سواء القاهرة او اسكندرية وتعرض فيه
الموضوع محتاج تنسيق لكن ان شاء الله ممكن يتنفذ لاننا في نفس البلد
وممكن احدى الخبيرات تكون مشرفة على المعرض وتحدد الاسعار
الفكرة دي مميزتها ان ممكن كل واحده تشتغل وهي في بيتها وكمان تحقق ربح كويس ونحل مشكلة التسويق وتحديد الاسعارولما كلنا نتجمع في معرض هيبقى شامل بدل ما كل واحده تعمل حاجة لوحدها
ممكن نخليه ملابس ومفروشات مثلا .
المهم لسة الفكرة مش مترتبة اوي في دماغي مستنيه اقتراحاتكم
طبعا الموضوع مفتوح لكل الاخوات اللي عندها تعديل او اقتراحات اخرى المهم اننا نعمل مشروع ونساعد بعض لكي ينجح :)