امبارح اكلت تاني فراخ وملعقتين رز مع خضار
مكسرات بسيطه
برجنا يا ستي علشان اشتري طلبات البيت كنت شبعانه جدا الحمد لله واول مرة عيني ما تزوغ علي المعجنات والحلويات ودخلت وعديت علي ركن الشيكولاتات ولا جبت شيء جبنا شيككولاته البيضه دي للعيال وكان في واحده زياده الي بيبقي جواها لعبه

الزياده اخدتها انا قعدت اركب اللعبه وبعدين اكلت نص الشيكولاته طبعا هيا رقيقه جدا وشربت عصير اناناس الربيع واكلت عنب بسيط حتة جوز هند بسيط
امبارح مشيت ساعه علي مرتين كده احسن مش هقدر الاقي ساعه علي بعضها

اليوم بقي

افطرت تمرة ثم حوالي نصف صامولي بجبنه مثلثات طبعا ده الي باقي من ابني لقيته سايبه استخسرته
واكلت خياره و3 مكسرات وقضمة من الشيكولاته بتاعت امبارح
يا رب اعمل رياضه تاني علشان المشي بينزل البطن شويه
لما خففت اللبس وابتديت البس صيفي شويه بان المستخبي وكل ماجي البس حاجه الاقيها ناطه كده وجوزي الاقي عينه عليها
مش شايف غير العيوب اهي

لا ما تخفيش يا حببتي الراجل لما يشوف عيب ولو بسيط في مراته بيحط عينه عليه لغاااااية مايتحسن
كدا أحسن
عارفه ليه ؟
أهو أرحم من إنه يعايرني فيه على الرايحه والجايه
وماتستخسري حاجه تاني دي هيا اللي تودينا في ستين داهيه
أنا ولادي لو ماكملوش فطارهم يكملوه بالضرب:024:
يختي كل ما بحن عليهم وأقول صغار مش عايزين شبعوا خلاص معدتهم مش تتحمل أكل كتير
ينحفوا زياده وأنا اللي أتخن
بس بعد الإسلوب الجديد الحمدلله إتحسنت صحتهم وأنا ثبت وزني
وصدقيني يانايس إنتي عشان بتاكلي رز كتير
وأكيد بتنامي بعد الأكل عشان كدا بطنك كبيره
سيبي النوم بعد الأكل تقريباً بساعه ولاتتمددي
وهتدعيلي
ولما تعملي رياضة مشي شدي بطنك لجوا يعني اسحبيه مش ترخيه وتخليه واخد راحته
وعايزه أسألك إنتو بتاكلو على الأرض وإلا على طاوله؟
لأنه إذا على الأرض بيبقى أفضل
تقدري تجلسي على قولتنا ركبه ونص
مش عارفه أشرح لك هيا إزاي
وفطورك حلو أوي
بقول أيه
لوكل فتره بنعمل رياضه بنحرق السعرات عندنا
يعني الصباح شويه والظهر شويه والعصر والمغرب والعشاء بيبقى أفضل
دا رأيي إنتي إيه رأيك؟

ازيك يا نبوضه
انا فعلا بغصب عالعيال انهم ياكلو بس المرة دي فلت مني مخدتش بالي لقيته حاطه تحت التلفزيون
وانا استخسرته لان بصراحه انا برمي اكل كتير جدا وحاسه علشان كده مفيش بركه خالص وقريت اليومين دول في الموضوع ده جامد فبقيت بخلي بالي شوية احاول مرميش الاكل لان حرام
ولما اكلت النص الي باقي اكلته كفطور وليس كسناك خلي بالك

طبعا انا ماكنت اكل رز كتير انما مع النظام الجديد بتاع بول ماكينا هوا بيقول كلي الي تبغيه علشان مايبقي في حرمان ولا يشغل الرجيم بالك وهاكل ايه وماكلش ايه
انا طول عمري ماشيه بنظام بول ماكينه ده بباكل اي شيء واي وقت واشبع بسرعه وكنت في الخمسين مزدتش الا لما بقيت اكل من غير جوع والزياده بتيجي كيلو كل شهرين كده وكيلو علي كيلو زدت كتير جدا جدا
بس الصراحه طول عمري عندي بطن حتي وانا 50 كيلو

اليومين دول بناكل عالارض احاول اعمل قعدة الرسول عليه الصلاة والسلام اثناء الاكل وهي جلسة العبد ولكن لمعلوماتك انا اشبع الحمد لله بسرعه جدا لان اكل ببطء شديد واستمتع بكل لقمه من اول لقمتين اشبع وصرت لا اكمل ربع الفرخه مع ان من شهر كده ماكان يكفيني بس المعده بتوسع مرة في مرة من الضغط عليها وتبقي متشبعش الا بكميه اكل كبيره جدا
المهم فكره ان نعمل رياضه 3 مرات في اليوم ولو ربع ساعه حلوة لان بتخلي الحرق شغال طول اليوم

من الحاجات الي بترفع معدل الايض علي حسب كلام الاستاذ جورج كروز لان عندي كتابه بتاع حمية كل 3 ساعات
شرب الماء