أختي خلود الرياض الله يبارك فيك والله يسمع منك ونوصل كلنا للوزن اللي نبغيه:27:

لامني من لادري مشكوره حبيبتي

بس حبيت أخبركم أني يوم الأربعاء والخميس والجمعه لخبطت الرجيم وتحسفت كثير على اللي سويته الحين آنا في حالة يأس حاسه إني ماراح أقدر أسوي رجيم .

إنتو وشرايكم ممكن آخذ حبوب ريدكتيل تكفون أبي النصيحه منكم والتشجيع حبايبي الله لايحرمني منكم:29:

عزيزتي السيدة العلوية :23:

لا تحسين بالاحباط خذيها مني نصيحه لاني قبلج مريت بهالشي خربطت كم يوم بالريجيم خليت الاحباط يسيطر علي والله اني قمت بعدين اخربط بكل ريجيم اسويه وودرت الريجيم لاسبوع او اكثر ونفسيتي تعبت وايد وهالكلام صار من اسبوع
بس الحمدلله استجمعت ارادتي ورديت على الريجيم وخليت في بالي انه اللي اسويه مجرد تنظيم للاكل مش ريجيم
لانه الواحد من يذكر انه يسوي ريجيم ايله احباط
اعتبري اللي تاكلينه هو اكلج العادي
ترا انا اللي لاحظته انه النفسية تلعب دور في نزول الوزن
وان شالله خير
ودريا لحبوب والخرابيط خليج على الرياضه ولو تمشين 10 دقايق باليوم
الجو حار يعني بتعرقين بسرعه وامشي على الريجيم صح
وان شالله بتنقصين
وبالتووووووفيق

صديقتي السيده علويه000يجب عليكي أن تقاومي وتستمري ولاتيأسي ابدا وانا على حد علمي انك متابعه النظام مع أخصائي وهذا الأمر المفروض يحمسك أكثر لتصلي لوزنك المثالي مع اتباع التمارين اللي يعطيكي الدكتور وحاولي المشي كل يوم لكي تحرقي اكثر وتذكري دائما اللبس وشكل جسمك امام اللأخرين حين يبدو رشيقا وهذا يحمسك اكثر واحب اقولك اني فرحانه لاني نزلت وزني خمسه كيلو وابغى انزله كمان خمسه لأصل للوزن المثالي والله يقدرنا جميع للي نتمناه واسفه على الاطاله00:24:

السيده العلويه


لا لا لا تقولي انا في يأس !! :29:

كملي عاااادي كلنا نخربط الله لايوريك خربطتي انا بس ..

ومع ذلك نعوضه بالمشي امشي ساعه في اليوم لو لفترات متقطعه.

وخلك على الرجيم وصدقيني بيرجع كلش زي اول ورح تستمري ..

وخلي كلش طبيعي لاحبوب ولاغيره..صدقيني هالثلاث ايام اللي خربطتيها لو اكلتي وش اكلتي

رح تتنظم بالرياضه والاستمرار على النظام..

وقولي لنفسك انا رح استمر ولارح اخربط وكلها كم من اسبوع وانتهينااااا

واحلى وزن واحلى رشاقه :27:

خبرينا بالنتايج نحن بإنتظارك ..

اووكي :27:

حبايبي والله إنه عيوني دمعت لما شفت ردودكم على موضوعي أنا فعلاً تحمست والله إني رجعت لأني ما أحب أخلف في وعدي وعدتكم إني كل إسبوع أكتب لكم الرجيم علشان تستفيدون معي أنا وايد أحبكم

على فكره أنا يوم الأربعاء بسافر الإمارات وإن شاء الله أرجع ألقى وزني نزل بس مثل ماوعدتكم أنا من بكره الصبح آخذ فطور الرجيم وأكتب لكم عن يومي بالتفصيل

مشكورين وايد وايد وايد

ما أبي حبوب ولاخرابيط بس يكفيني تواصلكم معي هو اللي يحمسني للرشاقه:27: