الف حمد الله علي سلامتك يا رواء نورتي الصفحة بصراجة كنا مفتقدينك اوي

مروة عودا احمد يا مروة وحشتينا ووحشتني رودينا يا ريت ما تغيبيش عننا تاني وفي انتظارك كتير وعلي الماسينجر يا ريت نشوفك تاني

اية يا مروة ؟؟؟طب مفيش اكل تانى لحد ما تردى على سؤالى انا تعبت من كتر ماندهت عليكى ..البراديس والله بيتباع فين ؟عشان خاطرى

السلام عليكم و رحمة الله و بركاته

مساء الفل على كل البنات و المدامات اللي منورين الصفحة

ازيكم كلكم؟؟ انا حارد عليكم في السريع و يا رب منساش حاجة

ام حبيبة 2 شكرا على متابعتك المناقشة المفيدة و ربنا يخليلك حبيبة و سارة و يقدرك على تربيتهم احسن تريبة. و بعدين فطستيني من الضحك!! ايه حامي حمى الصفحة النيليلة و الكلام الكبير اوي ده؟؟!! طيب كنتي قولي من بدري ان ليا شعبية كده و كنت رشحت نفسي في الانتخابات!!! ياللا ملحوقة كمان 5 سنين ان شاء الله!! يا ستي و الله لو من القاهرة كنت جمعتلك اخبار الجيم و النوادي و خلافه لكن انا معرفش فين الحاجات دي حتى في مدينتي!!! البنات الخبرة بأه يقولوا و انا اكتبهم في التلخيص و انزلهم لكم

مروة حبيبتي، نورتي الصفحة و منتظرين مشاركاتك الفعالة و بلاش تغيبي عنا كتير لانك بتوحشينا اوي. ازاي رودي؟؟

اهلا يا هبهوبة وحشتينا يا بنتي، يعني انتي كنتي كل ده غطسانة في المعرض؟؟ شوفي احنا يوم ما رحنا المعرض لفينا 3 قاعات بس و بصراحة يومها مكناش مركزين اوي و كان همنا اكتر اننا مع بعض، بس انا و الله وصفت لكم اللي افتكرته

رهومة، جزاكي الله خيرا يا حبيبتي على موضوع ختم القرآن و ربنا يقدرنا جميعا على ختمه و تدبر معانيه،

حبيبة قلبي سبانيش فلاور، تعرفي يا روني انتي كنت قلقانة عليكي خالص و كنت نفسي اطمن انتي اختفيتي فجأة ليه؟؟!!! و الله منستكيش ابدا بس كنت منتظرة انك تنورينا و قلت اكيد عندك ظروف بعدتك، منورانا يا رنونتي

داليا حبيبتي، معلش مش حاقدر افيدك في موضوع تفصيل فساتين الافراح و لا الكوافيرات لانك عارفة انا مش من القاهرة، و والله حتى لو سألتيني عنهم في طنطا انا معرفش هناك حاجة برضه لاني باروحها عشان انام و اكل بس ههههههههههه ياللا معلش البنات حيفيدوكي و اعتقد الكلام ده كتبوه في الاجزاء الاولى بالتفصيل

دندونة، ما شاء الله احلام و ام احمد كتبولك اسرار الكيبورد و ان شاء الله حتساعدك كتير اوي و تخلي كتابتك اسرع، يعني عاوزين نشوفك اكتر!!!

سمكمك حبيبتي، منورانا يا جميل، و منتظرة كلامك عن التربية بفااارغ الصبر، لانك ما شاء الله عليكي خبرة في موضوعات كتير و محتاجين نستفيد من معلوماتك، ربنا يخليكي ليا يا سمكمك

داليا، انتي سألتي على كوافير محمد الصغير، فيه فرع ليه جنبي في الزمالك في شارع صلاح الدين و انتي داخلاه من شارع شجرة الدر، و أي خدمة يا قمر

اليانورا الجميلة بتفكريني ببرنامج فؤاد المهندس في الراديو "كلمتين و بس"  لو كنا نعرف ان الشغل حياخدك مننا كده كنا كتفناكي في رجل الكنبة!!!

حبيبة قلبي رواء، نورتي الصفحة يا قمر و الف حمدا لله على سلامتك و يا رب تتابعينا على طول و تشاركبنا زي الاول بس بعد ما عموره ينام 

وسوووووووووووسة، و الله يا بنتي مش استندال، انا حاحكيلك، بقى الراجل المدير طردني من الشغل يوم الخميس الساعة 3 و انا قطري الساعة 5، طيب اروح فين اروح فين، قلت يا بت يا امولة كلمي فطوم دي قريبة منك و روحي غلسي عليها نص ساعة و اطلعي من عندها عالمحطة، و قد كان يا وسام كلمتها و اخدت عنوان شغلها و طرت عليها و مش عاوزة اقولك هي ما شاء الله عليها زي العسل اد ايه. انتي حتحكمي بنفسك لما تشوفيها. ربنا يقومها بالسلامة يا رب و يهنيها, و يا حبيبتي احنا منتظرينك تيجي عشان نشوفك و نخرج معاكي زي ما وعدتك.

لاروزتي، و الله يا نورا لو اعرف حاجة من اللي بتسألي عنهم تلاقيني بارد على طول، لكن طالما مردتش يبقى بجد معرفش، متزعليش يا توتة بليز

ام احمد، اخبارك ايه يا جميل؟؟ بتوحشيني جدا جدا

بقية البنات و المدامات فينكم؟؟

ام عتريسة، مش عارفة رد سؤالك ايه يا حبيبتي سامحيني بس ان شاء الله ربنا يوفقك

ما شاء الله عليكم يا بنات ان شاء الله الجزء ده حنطلع منه بمعلومات هايلة، كملوا و متعونا بمناقشاتكم الجميلة ياللا

ألف ألف ألف حمدلله على سلامتك يا روروا ومبروك عليكى وعلينا كلنا عمورة ربنا يخليهولك هو وأحمد ويعينك عليهم يا رب
ميرسى على سؤالك يا رانيا أنا كويسة الحمد لله
بالنسبة للموقع بتاع باربى مش عرفة ايه اللى حصل فى الموضوع عموما الموقع اهه www.everythinggirl.com
سلام كبير للكل

تسلميلى يا نودى يا رب ويسمع منك ربنا ويتقبل منا جميعا ويوضع كل حرف يكتب فى ميزان حسناتنا جميعا اللهم آآآآآآآآآآآآميييييييييييين