مساء الفل على امووولة انا بهزر معاكى بس انا خفت تكونوا اتقابلتوا و تناموا على المرة دى و معرفشى اشوفكم بعد كده ما انا عارفة الكسل و انا عارفة ان فطووومة عسوووولة من غير ما اشوفها الجواب بيبان من عنوانه و طمنينى فى مشاكل فى شغلك ؟ يــــــــــــــــــــــــــا بنـــــــــــــات عندى مشكلة فى الماسينجر كل لما ادخل عليه يقولولى حدثيه آجى احدثة ميرضاش يكمل التحديث مع ان النسخة اللى عندى 7 و بعدين على 98 و عايزة الغى النسخ القديمة مش عارفة الغيها ازاى؟

الجزء ده باين ماشاء الله من اوله زى الفل
رواء الف حمدلله على السلامة واهلا بالضيف الجديد علينا عمرو ربنا يخليه ليكى ويباركلك فيه ويجعله ابن بار وقرة عين امين

داليا انا بتكلم عن شيكولاته فى كتب الكتاب فى الجامع مش فى الفرح... انا مش هعمل فرح اساسا انا هعمل عشا على الضيق يضم المفربين من العيلتين وهلبس فستان فرح وبس على كده وكان الله بالسر عليم
وعلى فكرة شيكى على الخاص جبتلك رقم الخياطة

مروة حمد لله على السلامة اخيرا ظهرتى

باركولي ياجماعه .. مش اخيرا قررت النهرده انضم لحزب عبده العبيط ..

والله انا زهقت شغل البيت الي لاينتهي وطلبات البنت الي مبتخلصش .. فجأة لقيت اني بقعد على الكمبيوتر خلسة زي الي بيسرق . .والي قاهرني ان فعلا مفيش وقت للكمبيوتر طيب اعمل ايه ؟ .. ابعت لبرنامج حياتي ..


**** رواء ****

ألف حمد لله على سلامتك وسلامة المولود .. بورك لك فيه وشكرتي الواهب وبلغ أشده ورزقت بره هو وكل أخواته .. آمين ..


**** لاروزا ****

بالنسبة للشوكلاته في كتب الكتاب هقولك على فكرة شفتها وعجبتني جدا ونفذتها في فرحي ..

هاتي ورد صناعي .. عن نفسي اشترتيته من محلات كل حاجه بـ 2.5 أظن كانت الربطه فيها اربع وردات بثلاثه جنيه حاجه زي كده .. يعني تقريبا الورده بنص جنيه .. شوفي انتي النوع الي يعجبك وهاتيه في غالي وفي رخيص ..

رحت محلات السبوع جبت شوكلاته + ملبس + قطع دانتيل مقصوصه مربعات جاهزة + شرايط ملونة من الي بيغلفوا بيها علب الجاتوه ..

خدت الورد قصيت كل وردة لوحدها لانه كان في ربطه مجمعه .. طبعا خليت الساق بطول مناسب ..

حطيت ملبس وشوكلاته في كل مربع وربطه بشكل أنيق بالشريط الملون ولزقته بشريط لصق شفاف في الورده ولفيت عليه الشريط الملون برضه ..

بعدين رتبتهم في صينيتين على شكل سلة بس كنا جايبينهم من برا معرفش في منهم هنا ولا لأه .. حطيت سلة للورد الأبيض وسلة للورد الأحمر ..

الحكايه دي ماخذتش مني وقت كتير في يوم واحد بس قبل الفرح بيومين كده خلصتهم ولوحدي .. كان في تكمله للفكرة دي وهي انك بتطبعي ورق على الوورد فيه نصائح دينيه أو ادعية خفيفة وتقصيه كل ورقة بحجم صابعين كده وتدبسي ورقتين بالدباسه في أحد اوراق الورده .. وبكده بتبقى ورده + شوكلاته + نصيحة أو آية هي دي الفكرة الاساسية الي شفتها بس للاسف مكانش عندي وقت اكتب النصائح والحاجات دي فاكتفيت بالورده والحلويات ..

واخيرا بتخلي بنتين صغيرين من قرايبك أو طفلين تتفقي معاهم قبل الفرح .. يوزعوا على كل واحد داخل يدوله ورده ..


***** داليا*****
المشكلة في الاتيليه انه ممكن تتفق معاهم بس ميخلصوش الفستان في الميعاد أو يخلصوه ويطلع مش كويس فالاحسن انها تشتري جاهز أو تجيب من مصنع اضمن ..

بالنسبة لفساتين الأفراح في الموسكي في محلات فساتين رائعه وفيها تفصيل كمان وممكن تلاقي كل المقاسات والاسعار ممتازه كل الانواع موجوده الرخيص والغالي .. والميزه انك هتلاقي نفس المعروض برا هتلاقيه بنفس الخامة والتفصيلة بس السعر النص أو الثلث .. بس خليها تسأل اصحاب المحلات تقولهم انا عاوزه اتيليه أو مصنع هيدلوها في هناك مصنع انا رحته في الدور الرابع في عمارة ما بس مش فاكرة التفاصيل للاسف , وهناك كمان بدل العرسان وفساتين افراح وبدل للاطفال الصغيرة..

كمان ممكن بعد ماتشتري الفستان توديه اتيليه يزود لها فيه تطريز أو تطلبه من المصنع يزود لها الي هي عوزاه ..


***** سندريلا ****

هو طبعا متعة انك تشتري حاجتك بنفسك لاتوصف .. بس مبدئيا هقولك على الي لازم تجيبيه من برا ..

الاجهزة الكهربائية عامة الي من دبي افضل طبعا بكتير من مصر واكيد ارخص .. وحتى لو تساوت في السعر هتلاقي ان بتاعت دبي صنع بلادها بينما بتاعت هنا صيني أو تايواني بالكتير اوي ماليزي..

البطانيات طبعا من هناك..

ملابس البيت الي هتقابلي بيها الضيوف زي العبايات وخلافه من هناك .. كمان جلابيات البيت والبيجامات من هناك افضل مليون مرة من هنا ..

قمصان النوم .. خلي والدك يشتري لك الانواع الي لها روب والي خامتها حرير دي من هناك افضل بكتير .. اما الانواع التانية فهاتيها من هنا احسن ويفضل تنقيها على ذوقك ..

الاندر وير العادي الي ملوش علاقة بالعرايس من هناك افضل مية مرة .. اما الخاص بالعرائس فاعتقد يعني صعب انك تطلبيه من والدك ..

ادوات المطبخ بالكامل هاتيها من هناك مش هتلاقي هنا حاجه بجوده هناك ..

الصيني والأركوبال والسيرفيس والملاعق .. الخ من هناك بس خلي بالك هيكون من هنا أرخص ..

فاضل ايه تاني ؟؟ بيتهي لي الخلاصة هاتي كل حاجه من هناك وكفايه العريس من هنا :p


وعامة أكدي على والدك انه يهتم بالخامة والماركة مش بالعدد .. يعني يجيب الحاجات القيمة فقط الي تستحق انه يشحن ويشيل وإلا فكل حاجه موجوده هنا مفيش داعي للتعب ..



*** نودي ***

لاه انا مش من ألسن انا قلت رابطه الألسن بدون ألف يعني السن ===> من المسنين يعني ..

انا خريجة تجارة يمكن مخدتيش بالك لما قلت كده لانك كنتي ساعتها بتزلطي في نابليون ..

بس ولا يهمك هنضم معاكي لرابطه الي من طنطا لاني اساسا من طنطا .. أو كنت .. وايام ماكنت مكنتش طيقاها ودلوقت بقول ولا يوم من ايامك ياطنط طنطا ..

بالنسبة لموضوع الاطفال الي طرحتيه فهو هام جدا وعشان كده مش هرد عليه دلوقت وهركنه جنب موضوع سبانيش بتاع مسؤوليات الزوج لما تحصل معجزة وابقى رايقة ان شاء الله ارد ..


***** تماتيا ****

وانا كمان مبتجيليش رسائل خاصه من كام يوم ..


**** كهرمانة *****

اشتري لبس بنفس العدد الي متعودة تستهلكيه في العادة يعني لو انتي من النوع الي بيحب يلبس كتير هاتي كتير لو عادة بتكتفي بطقم ولا طقمين فليكن .. بس بالنسبة لحاجة البيت زي الملايات والفوط والحاجات دي هاتي مايكفي لاستخدامك مثلا ثلاثه تبدلي فيهم وهاتي عليهم زياده اثنين او ثلاثه كمان تعينيهم تستخدميهم قدام ..

صباح الخير يا بناتيت

ازيكوا كلكواااااااااااااااا
هبهوب انا فعلا باروح منتدي الاشغال كتير بس مش باشارك لاني باتكسف بصراحه منهم حاجاتهم حلوه قوييييييييييييييييييي
انا من زمان و انا ليا في الرسم و النحت و الكروشيه و الكنفاه وووو
كل ده كان من ايام مدرستي حبيبتي (جوزي كل مااقوله مدرستي حبيبتي(امون) يقولي انتي الوحيده اللي كانت بتحب المدرسه:D )بس حقيقي و الله انا كان ليا في كل حاجه فريق الموسيقي و الباسكت لاني طويله و الاذاعه المدرسيه بالالماني و الرسم و كنت دايما باشترك في مسابقات اعياد الطفوله للرسم وووو
امبارح عملت مع ندي ماسك فار من الاطباق الورق و لوناه(طبعا هي شخبطته)بس عسل جداا و لبسته و صورتها بيه:)
و اول امبارح رحنا البيت بتاع لعب الاطفال و عملنا سلسله من الورق البلاستيك الحراري و لوناها و دخلناها في الفرن و عملنا منها سلسله
بافكر ابعت الفكره دي و الصوره للمنتدي:D
ام عتريسه انا باحبك في الله
انا معنديش ايميلك و لا ام حبيبه و لا داليدااااااااااااااااااااااا
سلام و راجعه تاني

رواءءءءءءءءءءءءءءءءءءءءءءءءءءءءءءءءءءء

حمد الله علي سلامتك يا قمرررررررررررررررررررر
مبروووووووووووووووكككككككككككك عموره
الله يكرمك بيهم ان شاء الله
انا كلمتك مره علي تليفون البيت و مره علي الموبيل بس مفيش رد لاني اكتشفت بعد كده اني كنت باطلب الساعه 10 عندي يعني تقريبا الفجر عندكوا:D
يا دينا افتكرت انا كنت جربت نوع ارز اسمه السوهاجي و كان حلو فعلا بحوالي 13 جنيه ال 5 كيلو
لو في حد ليه في الخضار المجمد الملوخيه بتاعه الهنا و بسمه حلوين قوي
و المكرونه مصريه برضه حلوه
ايه تانيييييييييي؟لما افتكر هاقول