السلام عليكم يا حايبى يا حلويييييين :)

حرام عليكو انا مش ملاحقه اقرا الصفحات وانتوا عمالين تجرو تجرو
هو فيه سباق وللا ايه هه اهدو شويه

انا حبيت بس ادخل بسرعه قبل ما انام واسلم عليكووو كلكووو

وعايزة اقول رايي بسرعه كده لام ابيها
انا حطيت نفسى مكانك وساعتها لو انا مكانك فى الموقف ده مافيش قدامى غير حل واحد انى لا اعزم اهلى ولا اروح لأهله فى اليوم ده بغض النظر عن انه يوم زواجك كمان
لكن انتى لو عزمتى اهلك فى اليوم ده اكييييييييييييييد زوجك هيزعل او يتضايق حتى لو هو ما باينش كده لأنه مراحش لأخوه اللى لسه جاى من السفر ولا لأهله اللى متعود يشوفهم فى اليوم نفسه

و العكس صحيح يعنى لو رحتى لاهل زوجك اكيد باباكى هيعرف ويزعل

يا اما عندى رأى يرضى جميع الاطراف ان شاء الله
انت ممكن تأجلى عزومة باباكى ليوم تانى بحجة انك مش مهيأه نفسك للطبيخ والعمايل ولسه هاتحضرى
وتقوليله انك هتروحيلهم تسلمى عليهم وتقضى معاهم النهار مثلآ وتيجى عالمغرب كده تستأذنى وتمشى وبعدها تعدوا على اهل زوجك وتسلمو على اخوه وممكن كمان تسهروا معاهم
وبكه ان شاء الله محدش يزعل منك
اما يوم زواجك فمفيش مشكله ابدآ انك تخرجى انت وزوجك فى اى يوم تانى وتقضوه بره وزى ما قالت ام احمد انه المسلمين مالهمش غير عيدين

بس انت حاولى تستغلى الايام دى قبل ما تولدى وتتلخمى بالبيبى ان شاء الله
لأنها فعلآ ايام مابتتعوضش وانا لو مكانك اخرجى على الاقل كل اسبوع مع زوجك حتى لو تتمشوا عالبحر او الكورنيش عندكو فى مصر بيكون تحفه ورومانسى جدآ بالليل

وربنا يوفقك يارب ويهديلك اهلك وزوجه واهله
ويرزقك البنت الصالحه الجميله
اللهم آمين


منى موتينى من الضحك ايه النصايح دى
انا كنت قريت حاجه زيها كده بس للنساء هادور عليها واحطهالكو


بحبكوووو اوى فى الله
ام زياد

اولا :وحشتونى جدا كلكم
ثانيا: الف حمد الله على سلامتك يارواء يا حبيبه قلبى ربنا يبارك لكم فى عمرو ويقر اعينكم به :icon28: :baby2:
ثالثا :ميرسى لك جدا يا سمكه على رقتك ده والله بس من ذوقك انت اللى زى العسل
رابعا:انا كنت عند اخواتى أآأأأأوبابا مكنش موجود ولاماما يعنى كانت حريه فظييييييعه
لاتحكمات من اى حد لاالزوج ولاالاباء :booo: والله ما كنت عايزة ارجع وقلت يابت احلقى ونفضى لكن خفت بقى من جوزى :024: وقلت احترم نفسى احسن
عشرتاشر:كلكم لازم تدخلو اللنك ده بنات وزوجات والله مانا اللى كتبته بس يلا كلام جميل وكلام معقول نقرى ونحطه فى دماغنا وبعدين اللى له نفس يعمل يعمل:
http://forum.hawaaworld.com/showthread.php?t=361710
ام ابيها :خايفه اقول لك راى ويطلع غلط لكن انت ان شاء الله عاقله وهتعرفى توفقى بين كل الاراء وتفعلى الامثل ان شاء الله
انا بصراحه مع راى داليدا "الحق احق ان يتبع"ربنا امر المراه بطاعه زوجها فقط مع بر والديها يعنى اللى افهمه ان لو بباكى امرك بشى وزوجك امرك بشى المفروض انك تمشى كلام زوجك"للاسف"وليس معنى ذلك انك تزعلى بباكى لكن انت ممكن تقولى له يابابا انا اسفه حسيت انى بالطريقه دى باعصى زوجى وانت مترضاش لو ماما قالت لك حاجه انها تعصاك وتمشى كلام حد تانى على كلامك حتى لو كان كلام بباها
ثم ان ربنا والله مقسمها صح يعنى ربنا امر المراه بطاعه زوجها يعنى نمرة واحد
وامر الرجل بطاعه والدته نمرة واحد يعنى كده تكتمل الدايره الرجل له زوجته والمراه لها ابنها
ثم ان فيه حاجه مش ظريفه فى الموضوع والله خايفه اقول لك عليها:ان بباكى شكله مش ناسى ان ده يوم عيد جوازك وطبعا مش هيقول وكمان ميهموش انه يكسر كلام زوجك ويخليه يغير خطته واليوم اللى محضره لاهله علشان "يستفرد"هو بكل شى ودى من وجهه نظرى انانيه وبعض الاباء بيكونوا فيهم الصفه دى
انا والله مش عايزة اعصيكى على بباكى بالعكس انا عايزاكى تبريه وتزودى حبك له بس من غير ما يمشى الغلط عليكم
يعنى انا مع كل اللى قالوا لك ان بباكى محتاج يحس ان حبك له مقلش وكل حاجه بس من غير ما يكون على حساب بيتك وجوزك ونفسك وسعادتك
بصى يا فطومه انت لازم تكونى طبيبه نفسك وتعرفى مكان الوجع فين علشان تعرفى تعالجيه بباكى بدا يحبك بجنون بعد ما حس ان فيه حد هياخدك منه(والخوف والله ان الحكايه تزيد بعد الانجاب لانه هيحس ان ده حفيده اللى هو اولى به من زوجك واهله يعنى الحكايه ملكيه خاصه)المهم بباكى دلوقتى زى الاعمى مش شايف قدامه لكن ربنا محازى المشكله دى باللطف انه مخلى زوجك ما شاء الله عليه ذكى ومتفاهم ومش عندى والا كانت قامت حريقه
الخلاصه بقى اقطعى عرق وسيحى دمه من دلوقتى ومشى الصح والحق وبرضه من غير ما تزعلى حد وانت ضميرك مستريح وان شاء الله مش هتحصل مشاكل لو بالاتفاق مع زوجك تعدى الحكايه دى ربنا يعينك
هبه:
"ام حبيبه بالكابيتل يعنى لا بتسلمى ولا بتحدفى اى حاجه طب انا ابوسك

بقى كده تعملى كده فى بوستى "


مين دول الى نازلين فيكى تلطيش؟؟؟؟؟؟؟؟؟؟؟؟؟

هو انتى عندك 18 سنه؟؟؟؟؟؟؟؟؟؟؟؟ظ

هبه عملت زى اللى طبطب على واحد بيده اليمين وبعدين راح مديله قلم بيده الشمال
واللى هاحدفك به دلوقتى اوعى وشك................................ :kissa: :kiss2: بوسه برضه
هاكمل بعدين

صباح الخير يا حضرات انا هنا ومتابعه معاكم وبسال عن كل اللى غابيبن فيييييييييين

أم باسل

انا زوجي دكتور وحكاية العيا دي ما كانتش هتنفع، وانا والله مش عاوزة أكذب لأني اكره الكذب، لكن بابا ربنا يسامحه بأسلوبه بيخلينا كلنا هنتجنن ونضطر نكذب احيانا، يمكن ما اخذتيش بالك من كلامي ، والله انا مش متضايقة من اني هاطبخ واعزمهم ده حتى اطعام مسلم وصلة رحم، انا متضايقة اني هاضطر اطبخ في يوم انا بارتب له من شهور

ومش بس كده، لأ كمان زوجي مش عاجبه الوضع وعاوز يقعد مع أخوه اللي بقاله سنة وزيادة ما شفهوش وكل اخواته متجمعين يوم الجمعة وعاوز يبقى معهم ولسة امبارح مفكرني اني لسة ما رحتش اسلم على اخوه لما رجع يعني الحكاية مش عيد الزواج وخلاص

يعني مش معقولة هو يسيب اخوه واهله علشان خاطري وانا اقوله لأ اصلي اهلي جايين الجمعة بدل السبت، طيب ما ييجو السبت خصوصا انهم عارفين موضوع الجمعة واهميته عند زوجي واهله

يعني الحكاية كلها على بعضها خلطبيطة وانا خلاص اعصابي تعبت، وللأسف أنا باعترف ان اهلي مش بيقدروا لا تعب ولا غير تعب ولا أى ظروف وبالذات بابا يمكن ماما شوية، انما بابا لأ اللي في مخه لازم يمشي على الكل حتى زوجي

وربنا يصبر زوجي اللي بيستحمل ويمسك نفسه والله في حاجات كثير لو انا اتعملت في من حد من أهله ما كنتش هاسكت خالص

هى دي مشكلتي يا أم باسل اني عاوزة ارضي زوجي واهلى، واهلي مش بيترضوا الا على حساب زوجي وده عن قصد منهم علشان يحسوا انهم لهم اليد العليا لسة عليا وعلى زوجي كمان

ادعوا لي الله يخليكم امانة عليكم تدعولي

كهرمانة

وكل البنات ، يا جماعة باعيد تاني والله المشكلة مش في عيد الزواج فقط في زوجي اللي عاوز يزور اخوه في اليوم ده كمان وبقاله اسبوعين ما شافش باباه ولا حد من أهله

Lovely Angel

انا عزمت اهلي يوم السبت وهم قرروا انهم يخلوه الجمعة من نفسهم من غير حتى ما يسألونا ده مناسب لكم ولا لأ ، بفرض الأمر الواقع يعني ولو نطقت او اتكلمت ابقى انا رافضة اضيفهم ويكون فيها زعلة وقمصة كبيرة من بابا وده اللي حصل قبل كده

أم حبيبة

كلامك هو اللي انا حاسة به ، وفعلا بابا عارف ان اليوم ده هو عيد زواجنا وقرر انه يحتفل به معنا علشان كده عاوز ييجي الجمعة وقالها لي بالنص كده حتى زوجك ما يروحش لأهله يوم الجمعة لأنهم موجودين طول السنة انما انا جاى اجازة ومسافر

وانا برضه خايفة زى ما انت بتقولي لأنه فعلا واخدنا ملكية خاصة كلنا، وعاوز يكون هو وبس اللي في الصورة، وأنا آسفة اني باقول كده على بابايا لكن هى دي الحقيقة والله، وهو عمره ما بيرضي حد على حساب اهله حتى انا واخواتي وماما وياما كانت تحصل مشاكل بسببهم وييجي علينا علشانهم، لكن مع زوجي عاوز الحكاية بالعكس هو وبس

بنات انا قررت بكرة ان شاء الله هاقول لمامام اننا معزومين برة ومش هاقدر استقبلهم الجمعة وخليها السبت وانها تفهم بابا الكلام ده، وانا عارفة مقدما انه هيزعل ويمكن يقول مش رايح السبت كمان بس هو ده اللي توصلت له

ادعوا لي بقى