انتبهي لأكلك بما انك ترضعين
حاولي ماتاكلين اكل فيه بهارات او الفلافل

الله يعينيك اسوار ويشافيك وبنيتك .. اتبعي ماكتبت بائعة المسك واتدفي والبسي طويل وساتر انتي نفاس حتى لو عند زوجك انا كنت البس بجايم طويلة وشراريب واشرب دووافي واذا عندك امساك لاتخلي الحليب الصباح اشربيه العصر .. الصباح سوي لك يانسون مع شاي اخضر او مع قشر قهوة افضل لما يروح الامسااك واكلك حطي فيه زيت زيتون وكمون ع عصيدة ولا ساندوتش ولا مكرونة المهم لاتجووووعي طالما لحالك اكيد بتحتاسي شوي الله يفرج لك وحاولي اقرب فرصة تقدري تطلعي لاهلك يساعدووك والله يشافييك ويعااافيك وبنوتتك وتقومي بالسلامة

بنات ذبحتني الغازات والاصوات مكان الحمل تعبت مررره معقول لي 16 يوم ماحسيت بالبرد الا هالحين يوم تدرلفت بس بردي صار بارحامي اليوم كله راح شربت كوب حليب ساخن 2 واحدساده الصبح وبالليل مع حلبه


وشربت 2كوب يانسون


وشربت 1 كوب شمر ارحامي متعبتني 😭😭😭 بدل ماشتكي لبنتي صابتني الوجع 😭😭

ايه يمديك
اذا لسى ماكملتي 20 يوم يالله ابدي اليوم بالحلبه كم يوم لو اسبوع ثم وقفيه وابدي بالرشاد مع ثلاث وجبات


لا دامك لسى ماطلعتي من النفاس يمديك تعدلين وضعك


معقوله ياختي ماعندك احد يوجهه قبل الولاده
انتي بايام الدوره يوم كنتي بنت ماحد ينبهك انه البارد ممنوع ولبس الخفيف والمشي حفيانه والجوع ماحد ينبهه
انا تدرين كانت صديقتنا بالجامعه هي تخانقنا بسالفه ذي وتنبهنا وتعطينا نصايح وهي بنت مو متزوجه ماشاءالله تبارك الله


المهم انتي مسويه طريقة الزيت ؟
تراه ثلاث ليالي ورى بعض مو مره وحده
وقت النوم وتتغطين ببطانيه لحد ماتعرقين وتصبصبين عرق
لازم التعرق
ماقولك انا ماجربت الا يدخلني برد وانا حامل بعد وسويت هالطريقة واختفى الالم بنفس اليوم وتحول غازات وطلعوا ورتحت


انتي سويها ثلاث ايام ورى بعض تدهنين جسمك كله بزيت زيتون دافي فيه حبة البركه
طبعا الكميه لك انتي تكون كثيره
تصبين بالصحن المعدني مقداار يكفي جسمك كله ويزيد
ومقدار ملعقة حلى حبة البركه وحب كمون وتدقينهم زين وبالزيت تحطينهم
وتحطين لك انتي بس زنجبيل بودره مقدار ملعقة شاي
بس بنتك لا بس كمون وحبة البركه
لانها صغيره مره
عيالي من الولاده اسويلهم اما الاخيره تحسس جسمها من زيت الزيتون مره احسبه من الكمون فشلته وحطيت بس زيت والبركه وتحسست مره ثانيه قلت شكله من البركه وشلتها وحطيت بس زيت دافي
وتحسست برضو طلع جلدها حساس من الزيت نفسه فستمريت احطه لها لحد ماخذ جسمها عليه ولا صار يتحسس واحط فيه البركه وكمون


مواطي رجولك حطي فيه زيت اغرقي جسمك كله زيت مو تدهين كانه لوشن لا كثري
ومواطي رجولك ادهنيهم وحطي منديل ماسحه عليه بزيت وحطيه على موطى رجولك ولبسي شراب ثقيلات ونامي تحملي العرق المهم هالعرق مفيد اذا طلع معناته البرد طلع من جسمك
وراح ترتاحين
فيه وحده كانت زيك بضبط تقول ثالث يوم خفت الغازات مررررره مع هالطريقه
واسوائل الدافيه سويهم وحطيهم بزمزميه واشربي منه طول اليوم قرفه يانسون قشر قهوة
مايحتاج تقومين تسوين لك كوب كل شوي سوي زمزميات لك وحطيهم جنبك
الجوووووع لايقرررربك لايقررررربك لايقربك كولي اي شي بس لاتجوعين
كيفك تكلين ساندوش رز مكرونه معلبات
تتسمنين وتكبر كرشتك ويجيك امساك بس مارح تخربين
ولا راح ياثر على المنطقه دامك ماتجوعين نفسك
حبيبتي كثري فواكهه وخضروات سويهم سلطات
بس لاتخطين ليمون والبرتقال دوري الحلو مو اللي فيه حموضه
العصاير دفيهم قبب تشربينهم
سوي تمارين الكيجل وتمارين شفط البطن طول الوقت