بنتي ماتأكل وعمرها سنتين اللي تساعدني مستعده اعطيها من الميه للخمسمية

يا بنات أنا بنتي عمرها سنتين وخمس شهور ما تأكل لافاهكة ولابيض ولاجبن ولادجاج ولا لحم بطاطس
ولاتبغى تجرب تذوق الاكل اصلا ماتفتح فمهما عشان تذوق الاكل وتبكي من سيرة الاكل ماتبغى تأكل وان غصبتها ترجع وتبكي وتشهق.
والاكل اللي قدرت اعطيها هو كم ملعقة من هذه الاشياء فقط .. زبادي ورز مع ملوخية وشربة ... ماتاكل غيرهم وممكن تاكل شبس وحلاوة بس. ما تاكل غيرهم
ووديتها اكثر من دكتور وآخر واحد رحت عنده .. سوى لها تحليل دم .. وطلع عندها نقص في الحديد .. ووصفلها حديد لمدة 3 اشهر ولكن كل ماحاولت اعطيها الدواء تستفرغ وتبكي.. رجعت للدكتور قالي حطيها مع عصير برتقال او مانجا .. اصلا هيا ماترضى تشرب العصاير ولا الفواكه . وقال ماينفع تحطيها مع الحليب عشان يلغيه
وتعقدت من الدواء .. لدرجة تحلم بالدواء .. وتصيح وهيا نايمه. ووقفت الدواء
بنتي بتضيع مني والله ... ساعدوني معاد عرفت اش اسوي ماتاكل زي باقي الاطفال .. انا اعطيها قارورة حليب مرتين في اليوم بس.
جربت كل انواع الاساليب والحيل والتهديد والترغيب والترفيه واللعب مانفع
اصلا هيا ماتفتح فمها عشان تذوق الاكل .. وعندها كل الاكل مو زين ومو حلو .. عنيده مره
الاطفال اقاربنا اللي في سنها ماشاء الله ياكلون ساندوشتات واكلات البيت الا بنتي انا تعبت والله معاها جربت كل شيء من عمرها سنة خليتها عند اطفال تاكل معهم مانفع حرمتها من حاجات مانفع اعطيتها العاب مانفع قدام التلفزيون مانفع مافي طريقة الا وجربتها كل الوسائل
والله يابنات اللي تلقى حل تخلي بنتي تأكل مثل باقي الاطفال توست وكورن فلكيس ودجاج وتأكل من اكل البيت والله مستعده اعطيها من الميه للخمسمية