بهارات الامير انا شايفتها بجيان عند الي يبيعون البهارات بالكيلو تلقونها عرضينها بعلب عندهم وشفتها بعد بالمعيقليه

احب بهارات دارين للكبسه نكهتها حلوه

واخذ بهارات مطحونه لحالها مثل كمون وكركم وثوم وفلفل اسود وابيض كلها اجيبها لحالها من بهارات المطبخ الشرقي اسمها خوله شغلهم نظيف تجي بعلب كبيره وغطاها احمر تلقونها فالسوبر ماركت وبعد عندهم بهارت الكبسه روعه والكاري بعد حلو

وللاسماك والبيتزا البهارات الايطاليه من امريكن جاردن واجيب منهم بعد الزعتر المجفف والريحان والبقدونس احطها احيان على الفوتشيني والاسماك تطلع روعه .

موضوع جدا مهم انا عن نفسي تعطيني ام زوجي بهارات كل ماحى رمضان هي تسويها الله يعطيها الصحة والعافة او انا اسوي شوية على قد الطبخة يعني فرش مثل الكمون والفلفل والكاري والكزبرة والهيل اطحنهم واستعملهم على طبختين بس او اشتري من السوبر ماركت اذا مافنيني حيل جربت بهارات هايل حق الدجاج ماعجبتني كثير وجربت حق اللحم طلعت حلوة وكل مرة احب اغير حتى تكون عندي خلفية اذا رجعت لهم والله يعطيكم العافية ويجزاكم كل الخير يارب

بنات الله يعطيكم العافية وماقصرتوا على الردود الحلوة :26:
والملاحظ ان اغلب المشاركات كانت عن بهاراتنا وخلطاتنا اللي تنفع لطبخنا ونكهتنا العربية وبعض الدول القريبه بس كيف عن الطبخ الصيني والطبخ الأيطالي وبعض المنكهات والبهارات الأجنبيه ؟؟ :7_2_103v:

لما تجون تطبقون طبخه اجنبية اش تستعملون لها لأن على حسب حد علمي كل مطبخ وثقافه لبلد تختلف عن الثاني يعني مو معقولة راح اطبخ صيني ببهارات هندية مثل الكركم والكاري مثلا ؟؟ :o

وبالنسبة الى بهارات الحلى والكيكات :32: فيه بعض الحلويات لها بهارات خاصه مثل اعواد الفانيلا والمستكه وشغلات كثيرة وحركات الخبز ونكهات بعض المخبوزات مثل الحبوب اللي تنرش فوق بعض انواع الخبز والمافن كحبوب الماسترد او حبوب البوبي اللي تجي لونها أسود ونشوفها بخبز المطاعم والفنادق وتعطي اشكال وطعم فريد وغيرها وايضا نكهات معظم البودنج والتارت ..

أفيدونا بتجاربكم أفادكم الله :) وتعبت وانا اقول الله الله بالصور يابنات :42:

بنات جبت لكم وصفه من أحدى الأخوات العزيزات على قلبي من منتدى آخر وهي من الوصفات القديمة في اعداد بهارات الطبخ وهي تنفع لجميع انواع كبساتنا تقريبا تفضلوا الطريقة:

كوب فلفل أسود ....

كوب فلفل أحمر ...

كوب كزبره ناشفه ...

كوب كمون ...

كوب هيل ...

كوب دارسين ( قرفه )

كوب مسمار ( قرنفل )


طريقه الاعداد :-

1 - تنظف البهارات ثم تغسل ثم يتم نشرها في مكان مشمس حتى تجف تماما ..

2 - لا يغسل الهيل ويطحن ...

3- توضع حبوب الكمون والكزبرة في مقلاه على نار خفيفه وتقلب حتى تظهر رائحتها المميزه ... ثم تطحن ...

4 - تطحن البهارات طحنا ناعما ...ثم تخلط معا ...


وفي حاله اعداد كميات كبيره ..يجب حفظها في أكياس محكمه الاغلاق في الفريزر ..

وبس يابنات اتمنى الوصفه تعجبكم وان شاء الله المزيد من الوصفات قادم :cook: