اليوم بسدح لكم طريقتي ببيتزا المكرونه
فضيييعه قسم بالله بكل زياره من ذاقها قال اسدحي لنا الطريقه
يلا بدون تطويل بالمقدمه نقول بسم الله ع بركه الله
المكونات :
مكرونه اصابع
ملعقه مايونيز
جبن مثلث او سايل حسب المتوفر والرغبه
٢بيبار(فلفل بارد)
بسباس اخضر حسب الرغبه
فصين ثوم
بهارات
مكعب ماجي
زيتون اسود
بصل
طماط
صلصه طماط
ملعقه كاتشب
تونه او دجاج او بدون حتى
قشطه
الطريقه:
اول شي اسلق المكرونه مع شويه زيت وملح وانشها لما تنضج
واكون مجهزه من قبل الصلصه وهي عباره عن
نكشن بصل مقطع وبيبار مقطع ونقلبهم والثوم سلم زي ماهم والطماط ونقلبهم ع نار ضعيفه ونعمل رشه ملح وماجي لما يذبلوا شوي نضيف مويه وصلصه طماط و البهار ونغطيهم ينضجوا كووويس
وللخلاط نخلطهم ونرجعهم لنار نضيف الدجاج الناجح او التونه و الكاتشب ونخليه شوي يتبقبق ونطفي
بالصينيه اول طبقه نضيف المكرونه والقشطه والمايونيز ونخلطهم مزبوط ونضيف الصلصه ثاني طبقه ونضيف ( زيتون وطماط وبصل والفلفل كلهم مقطعين حسب الرغبه )
ثم اضيف الجبن المخفف بمويه او حليب لفوقها واذا تبون جبن موزريلا بعد او شيدر حسببب رغبتكم وللفرن من تحت لفوق لين تستوي
والف عااافييييه
قمه اللذاذه
