هذي صور البيتزا اللس سويتها اليوم على العشاء وحبيت تشوفونها وسوف اذكر لكم الطريقه بالتفصيل :
ماشاء الله لاقوة الابالله
العجينه التي استخدمتها للبيتزا هي عجينة الربع ساعه ولكن هذي المره طبقت طريقتها بالكامل (اسمعوا يابنات العجينه هذي مره روعه وحلوه لكن اذا تبينها تضبط معاك اتبعي الخطوات اللي راح اقولها بالحرف الواحد علشان يكون عندك في النهايه عجينه حلوه احسن من حقت المطاعم بمليون مره)
يله بسم الله:
حطي في الخلاط :
2كاس دقيق
2كاس ماء دافي
نصف ملعقه صغيره ملح
فنجان سكر
1ونصف ملعقه خميره فوريه
1ملعقه صغيره باكنج بودر
3ملعقه حليب بودره
اخلطي المقادير هذي في الخلاط
بعدين صبي الخليط في وعاء وغطيه بفوطه وخليه يتخمر ربع ساعه حتى يتضاعف حجمه واذا ماتضاعف حجمه هذا يعني ان الخميره او الباكنج بودر منتهي الصلاحيه
بعد كذا حطي في وعاء اخر:
2كاس دقيق +نصف كاس زيت وحطي علييهم المقادير السابقه بعد التخمير ربع ساعه بعد كذا اخلطيهم كويس واعجنيهم وهذي الخطوه مهمه جدا حتى تكون عجينتك لينه وطريه
بعد العجن الجيد تدهن اليد بملعقه كبيره من الزيت ثم ترفع العجينه وتضرب بقوه على طاوله نظيفه وتكرر هذي العمليه 3مرات اواربع مرات لحد ماتصير العجينه مطاطيه
هذي طريقة العجينه بالكامل وهي تنفع لجميع انواع الفطائر
طريقة عمل البيتزا كالاتي:
افردي العجينه وانا شرحت لكم طريقة عمل العجينه التي استخدمتها بالتفصيل طبعا العجينه تكون متوسطة السمك ولازم تكون على شكل دائري يعني حاولي قدر الامكان يكون شكلها دائري علشان يكون شكل البيتزا النهائي جميل واذا فيه زوائد قطعيها
بعد كذا تقطع العجينه من الوسط على شكل + زائد بعدين على شكل ضرب
تدهن العجينه بالكاتشاب داير مادار على العجينه بعدين حطي مقادير الحشوه واثني اطراف البيتزا ويجب ان نضغط قلليلا كي يلتصق بالطرف الاخر ثم يدهن الوجه بصفار البيض ونضع قليلا من الحبه السوداء والسمسم المحمص وتدخل الفرن من اسفل ثم من اعلى وبع النضج تغطى بالقصدير والف صحه وهنا على قلوبكم
بس نبي العجينة اذا تكرمتي
ولك الف شكر