بيهايند تعرفي انا نفسي بالكنافة العربية اللي بالجوز والصنوبر بحبها اكثر من اللي بالجبنة بدي اشوف كيف ممكن اعملها في البيت

بلو ,انا تعلمت طريقه الكنافه العربيه ’تقريبا طلعت زيها تمانين بالميه ,وكنت اعملها في كل عزومه برمضان ,المهم هي كتيرسهله شوفي عندك
كاسه برغل خشن ,كاسه سمنه اوزيت اومارجربين حسب الدسم الي بتحبيه ,كاسه حليب وبتطلع ازكي لو عملتيها بالكريمه السائله الي للحلويات انا حطيت صورتها قبل يومين ,او هلا برجع احطها ,كاسه سميد وتلات ملاعق كبيرة قرفه ,طرف باكينج باودر
بتنقعي البرغل خمس ساعات بميه دافيه شويه وبعدين بتصفيه منيح من الميه ,وبعدين بتزيدي كل المقادير ,بعدين افردي نص الكميه بالصينيه وبعدين بتجيبي الجوز وبتوزعي علي الكنافه وبعدين بتجيبي باقي الكميه من الكنافه وبتحطي علي الوجه ,وبتفوتيها الفرن شي نص ساعه لحد ما تتماسك ,وبعدين بتحمري الوجه ,وطبعا انتي بتشوفي مقاس الصينيه المناسب بحيت ماتكون لارقيقه ولاسميكه ,وبعدين اسقيها قطر ورشي صنوبر مقلي ,جربيها وشوفي شو بيصير معك

وانتبهي انه الخليط بيكون مش عجينه سائله ولا قاسيه ,يعني طريه شويه ,وفي ناس بيحطوا بدل السميد خبز محمص ومطحون ,بس انا جربت الي بالسميد وانتي حاولي وشوفي شو بيزبط معك,وهي صورة الكريمه السائله

اففففففففففففففففففف يا جماعه شهيتونا قبل رمضان ما ييجي

والله ياجيزانيه ما بعرف لاني ما بستخدمها كثير للكريمه
انت اكيد بتعرفي اكتر دامك مستعمليتها

انا ابو الشباب ابدا ما بياكل اي شي منتج البان
لا جبنه ولا لبنه ولا شي ابدا
اللهم بس اللبن لما بطبخه للمنسف

مشان هيك ما بتفنن كثير بالحلويات وخصوصي اللي فيها كريمه

انا مبارح يا بيهايند لسا بفكر انو اعمل الكنافه من هادي اللي بتباع عند الاتراك
قلت لوطحن العجينه اللي متل الشعر يمكن تصير ناعمه
بس دامك مجربتيها خلص

شوفي انا مبارح وانا الف شوفتلك طريقه للكنافه الناعمه
انو بتجيبي طحين فرخه اللي بيكون ناعم كثير
وتجيبي سمنه
تحطي الطحين بطنجره على نار هاديه وتحطي السمن شوي شوي ما تحطيه كله
بس لتشوفيها شوي تغير لونها ومو ضروري تستخدمي كل السمنه مشان ما تعجن

بس تبرد تفرديه بسدر
وتحطي الجبنه بالنص وبعدين تحطي طبقه تانيه
وتدخليها الفرن تخبزيها وبس تطلعيا سقيها بالقطر

انا ما جربتا بس ناويه اجربها على كميه بسيطه واذا زبطت باعتمدها

سلامي للكل

ماشاءالله يا بيهايند كثير حلوة الطريقة الظاهر راح تطلع زاكية ان شاءالله بكرة راح اجربها لانها جاية على بالي كثير بس الكريمة السائلة اللي هي تبعت الكيكة صح