والله اني بغيت انفجر من القهههههههههههههههههر وضربت نفسي بدون شعور !!!! لو ما اني بمكتبي وفي موظفين كان صرخة فيك من القهر !!!

اي اصرخ فيك ومن هالردود اللي اقراها !!!

تبغين الصدق تستاهلين اللي يجيك منه واكثر !!!
ليش لانك انتي اللي سمحتي له يوصل لهاي الدرجه !! انسان ما عنده سالفه يتلكك عديم الرجوله مستغل مرض ابوك وانشغال اخوانك وحاجتك له وطايح فيك سب وضرب وانتي بالاخير تقولين له حبني وقولي احبك !!!! اي حب يا عمري اللي تبينه من انسان عديم الاصل مثله هذا بدال مايوقف معاك ويكون لك الاب والام والاهل وانتي بهالضروف ؟؟ لا ولما تقولين له في ناس بيجون بيتك لازم تسوين له فلم هندي عشان سعادته ومعاليه يسمح ويتكرم ويتعطف ويخليك تستقبلينهم في بيتك ؟؟؟ وبعدين يرفض يجيك لييييييييييييييييييييييييييييش يا اختي ليش تقتلين نفسك بيدك ؟؟ اسمحي لي انتي اللي معيشه نفسك مأساه وبعدين ليش تردين عليه او حتى تسألينه بعد ماسمعك كل هذاك الكلام ؟؟ يعني هو غبي مب عارف انتي شو تبغين ؟؟ بحاجه لاحد انه يفهمه ؟؟ طبعا لا وانتي اكثر وحده عارفه هالشي زوجك مب غبي وزوجك فاهم عدل شو انتي تبغين وشو هو يبغي واخطاءه ونذالته يعرفها عدل مب بحاجه انك تزيدين نفسك ذل عشانه وعشان تفهمينه !!!

لا تطلعين من بيتك وبعد اليوم لا يكون لك اي كلام معاه حتى لو قالك بطلقك قولي له براحتك خلني في بيتي وبين عيالي وروحه بلا رجعه لا يكون بيني وبينك اي شي عيشي لنفسك وعيالك هذا انسان عارف هو شو يبغي منك يبغي يذلك اكثر واكثر يبغي يحس انه رجال على حسابك يبغي يبرر شوفه للحرام والافلام ونقص شخصيته وعدم ثقته بنفسك على حسابك !!!!
عرفتي !! رفعي راسك وافتخري بنفسك وقولي انا صح وهو اللي مايستاهل وحده مثلك
اغلب المشاكل اللي بين الزوجين هو لما تقتل الزوجه نفسها وتنسى انسانيتها وتسخر نفسها كامل عشان زوج كل ماله ينسى انها بشر ولحم ودم اغلب المشاكل لما تعطينه الضوء الاخضر انه يزيد في اهانتك وسبك وضربك وانتي كل مازاد تديرين له الخد الثاني ومثل لما تقولين له اضرب سب هين ترا انا بستحملك !!!
ليش يا عمري كلنا نحب عيالنا في ام ماتحب عيالها ؟؟ كلنا نحب ازواجنا ونفسنا يكونون رومانسيين ويشبعونا كلام حب وهدايا وووو بس ترا نحن مب في فلم او بحلم نحن في ارض الواقع حياتنا اللحين فيها الزين والشين وزوجك اكبر واكثر واحد بحاجه لمعالجة نفسه ومراجعة طبيب نفسي على الاقل عشان يترك الافلام الاباحيه ويعرف ربه ويحس بالكنز اللي عنده وهي انتي

زوجك خلاك تعيشين وهم انك مريضه وهو اكبر مريض !! وللاسف صدقتي كذبته وعطيتيه مبرر يمسكه عليك عشان لما يجي يوم مثل امس يقولك بكل وقاحه انتي مريضه انتي مقصره انتي زباله انتي وانتي وانتي

راجعي حساباتك وهاي مثل الصفعه اعتبريها قرصه تصحيك عيشي لنفسك ولعيالك البسي اكشخي واهتمي بنفسك وببيتك وعيالك واهلك وبسسسسسسسسسس حتى لو رفض يوديك عند اهلك اطمني عليهم بالتلفون ولا تغطين عليه خليهم يعرفون معدنه الوسخ لو حد سألك ليش ماجيتي قولي هو مارضى يوديني او رافض يخليني اروح لا تكذبين !!! لو طلقك خذي حقوقك منه ولا تتهاونين في هالشي مع اني حاسه انه مجرد كلام فاضي اصلا هو عارف ان مافي حد بيستحمله غيرك واذا رجع يبغي يتسامح منك قولي له خلاص اللي صار صار وانا طابت نفسي منك لك حياتك وخلني اعيش حياتي مب قادر تبادلني حب بحب مب لازم ربي بيعاوضني في الدنيا بعيالي وفي الاخره بيعاوضني في الجنه مابغي منك شي عطني مصروفي ومصروف عيالي وكل حد في حال سبيله اقوم بواجباتك بامور بيتك وعيالك وبسسسسسسسس ولا اطالبك بشي وانت لا تطالبني بشي

صدقيني مايقدر يتخلى عنك هذا جبان وخصوصا عنده جوهره مثلك وحتى لو كان مخطط يتزوج وشايف له شوفه مثل هذا لا تأسفين على تركه والتخلي عنه خليه يروح يمكن يلقى له وحده تأدبه وتعلمه الادب وكيف يتعامل مع بنات الناس
والله يا حبيبتي مثل هالرجال مايجون الا بالعين الحمرا وبالتطنيش اقري اكثر ثقفي نفسك عرفي وين نقاط ضعفه دمري شخصيته ورجولته مثل مادمر نفسيتك لا عبيه مثل مايلاعبك عرفي مفاتيحه ترا الحياة الزوجيه مب ليالي رومنسيه وشموع وبس لا يا عمري ياريتك دخلتي دورات تعلمك كيف تكسرين راسه بكيد النسا تخلينه يدور حوالين نفسه مب عارف انتي بشو تفكرين وعلى شو ناويه تخليه يتعلق فيك ويدورك ويحاول يستعيد حبك !!! يا حبيبتي مثل ماقلت لك عيدي حساباتك وخلي مشاعرك على جنب فكري بعقلك اكثر
حاسه نفسي قسيت عليك وطولت بس قسم بالله من حر مافي قلبي سامحيني اختي

حبوبة انت صبرت بحدود ال 13 سنة ما تقدرين تصبرين بزيادة علشان عيالج؟ ترى الطلاق شيء ماهو سهل... و ما تسوى عليج تخلين مرت ابو تربي عيالج.... انت ماشاءالله عليج عاقلة و رزينة و مبين انج حيل ذوق و محترمة... و خسارة بزوجج بس هذي قسمتج و نصيبج.... حمدي الله واشكرية و ادعي ربنا و قةلي انا لله و انا اليه راجعون اللهم اجرني في مصيبتي و اخلفني خيرا منها و ان شاءالله ربنا يعوضج كل الخير بعيالج الله يحفظهم لج يا قلبي

ماشاء اللخ عليك اختي الله يحفظك من كل شر يارب
وزوجك ماااعرف قدرك لكن ان شاء الله يجي اليوم الذي يعرف قدرك ويتندم علي كل كلمه جرحك فيها
الله يصبرك اختي وعليك باالدعاااء اخر اللليل وبين الاذان والاقااامه
صرااااحه ماااتستااااهلينه
صبري اختي والله مع الصااابرين
لايكون وده يطفشك عشان تسمحيله بالزواج من وحده اياااهم اللي في النت
الله يهديه يارب لك ولعيااالك وان شاء الله ربي ينصرك عليه

الله يهدي بالك ويصلحه ويسخره لك ياارب

هذا كل اللي اقدر اقوله :(