العسل الحلو شكرا على مرورك

الله يعطيكم العافية كل اللي رد وشارك

هو والله احراج ومعاناة بعد

ياكثر ماسمعت انا باقي لي 20 يوم واكمل الاربع سنوات ,,واسمعي اللت والعجن في سالفتي

وكل وحده تعطيني اسم عياده ولا ممرخه

وما بظلم اهل زوجي مايقولوا قدامي شيء لكني احس مقهورين على ولدهم

وخواتي ماشاء الله حملوا من بعدي حتى اختي الاصغر مني تزوجت وجابت والكل يقارني فيها ,,,

جدتي مضيعه تنسى احيانا اسماء عيالها بس لما تشوفني تحرجني ما جالك عيال عندك عيال ولا لا ,, قولي لزوجك يعرس ,

واحيانا تحرجني قدام اخواني الكبار وحريمهم وخواتي وامي وابوي الكل جالس وهي تقول مسيكينه ما الله عطاها عييل !!!

والله اني اسكت لكن احس بغصه في كبدي وودي الارض تنشق وتبلعني ,, احس في نظراتهم الشفقه والرحمة ,, ما ادري ليش ؟

يسوون كذا ,,,, يعني كأن اللي ماعنده عيال بيدخل النار ولا بينطرد من البلاد ’,

لقافه وقلة حياء ووقاحة في الناس اللي يسوون كذا ,,,اكره العالم والعزايم والطلعات بسبب كذا

ــــــــــــــــ

مره وحده من قرايبنا في عزيمه وبنتها جننتها وكنت بعدل مكياجي ومعي الشنطه ,, قالت : احمدي ربك ان ما عندك عيال يزعجونك بالعزايم مريحه انتي !!!!!

اصابني الذهول وانقلب وجهي وابتسمت ابتسامه ما ادري كيف طلعت ورديت عليها بكلام عادي قلت لها الله يعينك ..


بس في نفسي قلت : يارب ترتاحين مثلي ان شاء الله من القهر


وانا مايهمني اللي تحمل ولا تولد لأن الشيء هذا بيدربي زي ماعطاها بيعطيني ,,, وعادي والله ما اهتم ولا راح احسد حد بس ليش يفكروا كذا


وسعوا صدوركم وانسوا الهموم ترى الضغوط النفسيه عامل اكبر في تأخر الانجاب وفشل العلاج.


وياربي ياحي ياقيوم ياحليم ياعظيم يا اكرم الاكرمين ارزقني وجميع المسلمات بالذرية الصالحة عاجلا غير آجل برحمتك وقدرتك يا ارحم الراحمين...

قولوا آمين

مرحبا يا عسولات كيفكم انا متزوجة لى اربع سنوات وسبعة شهور وتعبت من المستشفيات والمنشطات بس هذا ابتلاء من ربى ولازم الوحدة ترضى وتحتسب الاجر والحمد الله على كل حال وبالنسبة للناس عادى خلك طبيعية وقولى ربى ما كتبة اهتمى بنفسك و وزوجك اهم شى الراحة النفسية وانبسطى ووسعى صدرك ربى كريمممممممممممممممممممممممممممممممممم

يااقلبي معليش حبيبتي فعلا كلنا كذا لازم الهمز واللمز

وايحانا الكلام المباشر ... الله يعين ويصبرنااا

طيب ايش اقولك تصدقي مرة انا كنت نازله مع زوجي وحمااااتي من بيتهم

والاقيلك وحدة ملقوفة من جيرانهم .. جت سلمت علي وقالت لسه يدك فاضيااا (( تقصد مافيها ولد))

وعاد صارت تدعيلي ان الله يكرمني واحمل ......... انا اتفشلت قدام زوجي وحمااتي :(

وقلت في بالي ايش دخلك اصلا هي ما تعرفني .. ايش تبغي فيني ...

يعني التجريح مو بس من الي تعرفية لا وكمان من الي اول مرة في حياتك تشوفية ...