حبايبي الله يرزقكم ويفرح قلبكم بالحمل أنا أحاول مأخذ بكلام أحد لأن في رب يأخذ حق كل مظلوم
أنا عندي عمتي أخت أبوي تتكلم مع أم زوجي من باب الاستهزاء وتسأل عن تأخر حملي وتضحك وكلمتني أم زوجي فقلت لها خليها تضحك عندها بنات واولاد على وشك زواج يعني ربي بياخذ حقي سبحان الله والله يبنات مادعيت عليها ولا شيء 000في نفس السنه تزوج اثنين من اولادها واحد طلق زوجته في ثالث يوم من الزواج ما أدري ايش السبب والثاني زوجته حملت حمل كيس بدون جنين ووجدوا عندها هرمون مرتفع والحين تتعالج بس حبيت أوضح لكم أن ربي ما ينسى عبده
وربي يرزقنا جميعا بالذريه الصالحه

ام الزين شكرا على النصيحة والله يرزقنا جميع
شمعة الذوق الله يرزقك ويكفينا شر كلام الناس
و ان شاء الله ماتكملي الاربع الا وانتي حامل يارب
ام النكبات صح كلامك لازم نهتم بنفسنا الله يرزقك
مصممة مواقع يارب تملي ايديكي الاثنين بالعيال يارب
دنيتي من جد ربنا ما ينسى عبده الله يرزقنا جميع

الله يعين وانا بصراحه الناس صرت اطنشهم لكن المصيبه زوجي راحمته نفسة في طفل بس مايحب يوضحلي علشان مايجرحني

اه يا قلبي حطيتي يدك على الجرح

انا بشهر خمسه باكمل خمس سنين وادخل السته


طبعا انا صارت لي مواااااااااااااااااااااااااااااااقف لاهي واحد ولا اثنين كثير

طبعا هل مواقف ما صارت الا بعد تمام السنتين ونص من زواجي اذكر منها

ام زوجي يا حياتي طيبه واخته بعد صحيح يسألون عالجتي وش قالوا وش صار طبعا انا اقول اللي ابغى واترك اللي ما ابغى

لين تزوج اخوه طبعا زوجي الصغير بس تزوجنا قبل ب3 سنين


طبعا خالتي تتحرى حملها من اول شهر ويضيق صدرها اذا نزلت دورتها

المهم قبل لا تحمل جلست مع خالتي تذرون وش قالت ياربي متى تحمل فلانه عشان الناس ما يقولون حريم عيالي ما يجيبون والا عيالي فيهم شئ:44:يعني على بالها ماتبي تجرحني



ولما حملت بعد 6شهور من زواجها اذكر اتصلت علي خالتي الظهر فرحااااااااااااااااانه وبشرتني مسكينه حتى قبل تبشر بنتها حتى


اقسم بالله اني فرحت لسلفتي خصوصا انها كبيره شوي وشفقانه للحمل من بدري
وكنت عادتها مثل اختي

لما جاء بعد العصر اتصلت عليها ابارك لها ما ترد

بعد المغرب ما ترد

شوي قفلت الجوال

قلت يمكن ما في شحن بس اكيد بتشوف مكالمتي وبترد

طبعا لا حياة لمن تنادي:44:حزنت عليها

فهمت انها خافت مني خصوصا ان علاقتي كانت معها حلوه


لما شفت خالتي بعدها بكم يوم سألتني كلمتي فلانه قلت لا والله ما ترد

قالت دقي عليها قدامي اخذت الجوال واتصلت مره ثنتين ثلاث ما ترد

قامت خالتي واتصلت عليها من جوالها بعد ساعه ردت وقالت لها خالتي ليه ما تردين على فلانه اللي هي انا قالت ما اتصلت علي

وانا اصلا جاني نزيف من علمتكم لانكم علمتوا كل من هب ودب طبعا انا هي هب ودب لا ن خالتي ماعلمت الا انا وبنتها:angry:

طبعا النزيف كذب بشهادة زوجها






سفهتها اصرت علي خالتي الا ارسلي لها رساله يمكن صدق ما شافت رقمك


قلت عشانك بذل نفسي ارسلت لها اني حبيت اسلم عليك وابارك لك والله يتمم عليك ويرزقك من واسع فضله

وانا قلبي يحترق من اسلوبها الوصخ


من باب الادب والذوق انها ترد برساله او تتصل طبعا لاحياة لمن تنادي وتقول لخالتي ما جاني رسايل

هي على فكره تغار مني ما ادري ليه تغار ان خالتي تعاملني زي بنتها

ولدت حلفت ما اتصل عليها

وترى على فكره هي ساكنه عند اهلها بحكم وظيفتها بديره ثانيه

زارتهم خالتي وبرابع يوم اتصلت على جوال خالتي وطلبتها وتحمدت لها بالسلامه طبعا انا كنت مرسله لهما مبلغ هديه ولا تشكرت ولا شئ اصلا تورطت لما طلبتها


ولما طلعت من نفاس ما جت الا بعد شهر على ان عندها اجازه

ولما شافتني جايه عند خالتي تقلب وجهها وتحاول تخبي ولدها عني

تقابلت معها وجه لوجه صدفه وهي شايله الولد ما قرت اتجاهلها

سلمت عليه واقول بسم عليه يشبه لك الله يخليه لك وتبلغين به وباخوانه يارب

الا وتنزل قبعته على وجهه ةبحركه سريعه تغطيه بجلالها

تراجعت انا ولا كأن شي صاير


ودايم تسال خالتي من وراي ليه فلانه ما تروح تعالج هي وش فيها

طيب انتي وش دخلك

واللحين حتى خالتي تغيرت بسبها

حسبي الله عليها حساب عسير ان كانت ناويه فتنه وتفريق





والله يرزقنا يارب ويرفعنا عن هالاشكال

ايه والله ذكرتوني انا لا موقف ولا ثنين صار لي والله يا كثرهم :angry:
بس خليها على ربك ساعات انا اسكت وساعات والله يقطون علي كلام يسم البدن
وانا اسوي نفسي اروح الحمام واجلس اصيح واطلع كل الي بقلبي
تدرون والله انا العايله كلها مافي احد متاخر غيري سواء من اهل زوجي او اهل امي
يعني انا الوحيده الي بعدني ماجبت تدرون اختي عندها توام استانس وانبسط اذا رحت معه السوق وقالت لي امسكي واحد وانا واحد افرح علشان يشوفن الناس ما سكته ويحسبونه ولدي :icon33::icon33::icon33:
انا صار لي ثلاث سنين توني مكملته هالشهر والسنوات تركض بسرعه وحنا ماندري وشو نصيبنا بنلاقي من راح يذكرنا ويدعي لنا اذا رحنا من الدنيا ولا لا:44::44:
بس الف حمد وشكر لك يارب وراضيه بالي يعطيني اياه ربي
والي كاتبه ربي بيصير