تابع لاسرار عنايتي الجزء الثالث \ منتجات لا استغني عنها ابدا .. وبالصور

السلام عليكم



صباح \ مساء الخيرات عليكم جميعا









اتمنى انكم بصحه وعافيه



طبعا بما انه قبل شهرين الاهتمام جاري ع قدم وساق استعدادا لعيد الفطر ..



ن



نرجع الان باهتماام مكثف استعداد لعيد الاضحى المبارك وخاصه انه لم يتبقى عليه الا تقريبا 37 يوم









اللي مابدات تبدا من اليوم ..









سبق وطرحت لكم تجربتي في موضوعاسرار عنايتي 1 & 2



والحين بنزل لكم الجزء الثالث بمنتجات لا استغني عنها ابدا سواء للعنايه اليوميه او الاسبوعيه ..



للوجه والجسم سوا









وبسم الله وعلى بركة الله نبدا بحوله وقوته ..









العنايه للوجه :









فيه منتجات كثير للوجه عندي بس اللي مااستغني عنه ودايم لاخلص احرص اشتريه ويكون متواجد ع مغسلتي هو









غسول نيتروجينا ديب كلين



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b4d15c.jpg




تقييمي له 10\10





روعه هالمنتج يجنن احبه كثيييييييييير ياخي ينظف البشره من قلب واحسها نضره ومنوره وماتكون مشدوده وجااافه

واحبه استخدمه بعد غسل المكياج مع منظف اخر راح اذكره بالمنتجات اللاحقه





سعره 25

موجود في اغلب الصيدليات وكارفور - بنده - هايبر بنده وهايبر العثيم والدانوب ... الخ






المنتج الثاني

غسول وسنفرة سانت ايفز ب الشاهي الاخضر




http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b7843e.jpg





هو اساسا للبشره المعرضه لحب الشباب

ومكتوب عليه مهديء للاحمرار الناتج من حب الشباب

هو فعلا يخفف الاحمرار اللي من حب الشباب بس هو حار شوي ع البشره وقوي لو استخدم استخدام يومي فعشان كذ1 اعامله معاملة السكرب للوجه فقط من مرتين ل 3 بالاسبوع

واستخدمه بعد ماازيل الميك اب بجانب غسول نيتروجينا لان احسه يطلع كل ترسبات المكياج ويخلي البشره تتنفس وملمسها مخملي جميل ..





قييمي له 9\10

الواحد ه1 نقصته لانه شوي قوي للبشره مو نقص بفعاليته لان فعاليته راائعه

اللي بشرتها تحبب راح يعجبها خصوصا اللي يعانون من الحبوب الكثيره قبل الدوره انصحهم يستخدمونه





سعره 25 برضوا متواجد بكارفور وهايبر بنده وترا يخلص بسرعه ف الحقوا عليه





ايوه وشفته بعد بصيدلية وايتس بس مادري كم سعره اتوقع اكثر لان صيدلية وايتس تبالغ في الاسعارر حبتين





المنتج الثالث





ماسك الطين بالفحم والسكر الاسود



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2829de1ce1.jpg




روعه يابنات هالماسك يجنن

مكتوب عليه ينقي البشره من الشوائب والسموم ومضاد للتجاعيد ويعطي بريق للبشره ونضاره ملحوظه

يمنع تكون الروس السودا والبيضا ويقلص حجم المسامات ..










انا احب استخدمه بعد غسول سانت ايفز وبعد ماازيل المكياج كخطوه ثانيه بعد الغسول والمقشرر لان يحسس ان بشرتي وقتهاا خلاص تكون نظيفه وجاهزه لاستقبال اي عنايه سواء سيروم او كريم مغذي ..

تقييمي له 1010

سعره 60 ريال ومتواجد بموقع الشراء الالكتروني سوق دوت كوم



المنتج الرابع





اسفنجة كونجاك من ايكوتولز



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b1e4af.jpg




الاسفنجه هذي من فعاليتها هالنتفه صاروا يسمونها بديل الكليرسونيك

لانها فعلا تنظف البشره اكثر من ايد وناااعمه جدااا عليه

متوفره بنوعين

السودا للبشره العاديه

والبيضا للبشره الحساسه

وكلهم عندي وماحس فيهم فرق لان كلهم ينظفووون زين

طريقتها انكم تاخذونها وتحطونها بصحن عميق فيه مويا مغليه نقيه وتخلونها لين تتشرب المويه وتصير طريه ولينه

تطلعونها وتعصرونها من المويا الزايده وتحطون عليها غسول وجهكم ثم بحركات دائريه تنظفون فيها الوجه والرقبه

ملاحظه لاتقربونها جهة الهالات ابد ..

وطبعا تعاملونها معاامله الليفه بعدماتشطفونها تحطونها بمكان معرض للهواء النظيف مو بمكان رطب

الاسفنجه تغيرونها كل شهرين





تقييمي لها 10\10

ممتازه جدا ولابد تتوفر عند كل بنت



سعرها من 35 الى 50 ريال ع حسب المكان اللي يبيعه

انا شفتها بوايتس ب 50





المنتج الخامس





كريم سيكالفيت ربير


http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b7f4df.jpg


هذ1 انا اعتبره بديل لكريمات الكرتزون اللي بهذلت العالم

ممتاز جدا ويحتوي ع اوكسيد الحديد

والزنك وسولفات النحاس





ممتازه هالمواد لتهدئه البشرة المتهيجه

ويرطبهها ويوازن الدهون في البشره ويرممها ويعيد بناء طبقات الجلد التالفه سواء من تقشير او من تعرض لحرق او جرح او استخدام كريمات كرتزون ..

طبعا هو منتج فرنسي من شركه افين



لايخلو بيت اي سيده فرنسيه من هذ1 المنتج ويستخدم للاطفال والكبار ع اي بشره سوا الجسم او الوجه وانصح فيه اللي عندهم احمررار كثير واكزيماا





استخدمه بعد ما اسنفر بشرتي لانها تكون متورده جهة الخدين و عشان استفيد من الخواص الموجوده فيه

يعطي احساس بارد ومنعش ومهديء فوري للحكه والقرص والسخونه والاحمرار المزعج





تقييمي له 10\10





يوجد بصيدليات فقط ادمه والحبيب ووايتس والدواء

هذولي اللي اضمنهم يجيبونه لكم غيرها ماادري ..





سعره 115

اول كان سعره 90 وخلال سنتين ارتفع ل 115 هذ1 يدل على فعاليته الرائعه








المنتج السادس

ليبوبيز كريم



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b2ceab.jpg




هذ1 كريمي اللي ماستغني عنه

لجسمي ويدي ووجهي يعطي ترطيب عميق جميل

دايم ادهن فيه رجولي ويديني ومخصصه واحد للشنطه

الكل يسالني عن نعومه وتوحد مفاصل يديني واقدامي والسر بهذا الكريم

ممتاز وفيه دهون مطابقه لدهون الجلد

واحسن شيء فيه انه يزال بالماء عادي مايشكل عازل زي اغلب الكريمات

تقييمي له 10\10

سعره ب 35 ريال متواجد بكل الصيدليات اتوقع





المنتج السابع

سيروم فيتامين سي



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b44c26.jpg




هذ1 الشيء مستحيل استغني عنه اطلاقا

يحافظ ع شباب البشره ويمنعها من التجااعيد واذ1 فيها تجاعيد يزيلها

يزيل التصبغات ويوحد ويفتح لون البشره

طبعا الافضل اللي بتبداه تبدا بتركيز 10% واذ1 خلصت العلبه تشتري 20% ..

مافيه ضرر لو استخدم مدى العمرر لانه يمنع تاكسد البشره وعاد معروف جوناا يااهل السعوديه والخليج حار جاف يسبب اسمرار وتجعد البشره بسررعه ..

ف هذ1 باذن الله واقي للبشره من جميع ماسبق ..

اللي بتقول انه يضر ويسبب ومايسبب بقولك ادعميني بدليل علمي وبحث طبي يؤكد انه مضر للبشره كاستخدام موضعي مو فموي ..

فرق ترا بين الاستخدام الموضعي والاستخدام الفموي ..لان الاستخدام الفموي يسبب ترسبات بالكلى وضرر ع العظام ..

لكن الاستخدام الخارجي باذن الله يحافظ ع البشره من الشيخوخه المبكره شرط استخدامه بطريقه صحيحه

لايستخدم اثناء التعرض للشمس او الحراره ( منبعثه من فرن - استشوار- مدفاه- اشعة الشمس)

تقييمي له 10\10

انا بشرتي حساسه وفيها شعيرات دموية جهة جوانب الانف وماضرني بالعكس لاحظت انه مع الاستخدام المتكرر يبني طبقات الجلد ويخفي ظهور الاوعية الدمويه في الوجه وهذ1 صحيح لانه يزيد انتاج الكولاجين ويعيد بناء التالف من الجلد

وانصح فيه اللي بشرتهم رهيفه من جراء استخدام كريمات كرتزون ..

سعره 180 ريال

ومتواجد عند التاجرات او بالطلب من مواقع الشراء ( موقع سوق دوت كوم متواجد فيه كل شيء غير متوفر بالسوق هناا)

طبعا ممكن اي شركة توفي بالغرض موب شرط سيروم فير اند وايت

فيه شركات اخري

اورنج دايلي

او ريكسول

كلهم حلوين وانا جربتهم كلهم وكلهم نفس الفعاليه اللهم انها اختلاف الشركة المنتجه ف اللي ماتلقى فير اند وايت تجيب اورنج دايلي او ريكسول ومتواجدين ب ادمه والحبيب ووايتس





المنتج الثامن





بخاخ المياه المعدنيه





http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b8f872.jpg




وطبعا نفس المنتج السابق متوفر منه باكثر من شركة بس اللي اعجبني هذا

وهو ماركة يوريااج



وظيفته يغلق المسام يبرد الوجه ويهدي البشره الحمرا والمتحسسه .. حرقه الشمس للي تتعرض لاشعة الشمس

ينفع بعد الحلاقه ونزع الشعر ويهدي الحكه واللسعات يعطي نضااره ويوازن البي اتش للبشره

متواجد بالصيدليات الكبيره وسعره ب 60 ريال





ماركات موازيه له ( افين - فيتشي - لاروشي بوزيه)





على فكره كل شركات المنتجه للمياه الحراريه هي فرنسيه واتوقع انه النهر او النبع اللي ياخذون منه هالمياه متواجد بفرنساا





المنتج التاسع





منظف ومزيل المكياج والاوساخ بايوديرما h2o





http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b3dab1.jpg




اللي استخدمه هو هذ1 اللي لونه احمر وهو للبشره الحساسه

اللي عجبني فيه انه خالي من الكحول وينظف من قلب

ومثالي للاستخدام اليومي ومزيل للمكياج

استخدمه بعد الغسول نيتروجينا من دون اسفنجة كونجاك ولمن امسح يطلع شوي لون عكر بالقطنه ..

بس لمن استخدمه بعد اسفنجة كونجاك مع الغسول مايطلع شي ابد ..

تقييمي له 10\10

ممتاز وامن حتى لازالة مكياج العيون بس انتبهن لايدخل جوا العين





سعره 94 الحجم الوسط

متواجد بالصيدليات السابق ذكرها





المنتج العاشر

كريم لويس ويدمر للهالات والتجاعيد



http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d2811b26e16.jpg




الكريم هذ1 مرطب ومع الاستمرار يزيل التجاعيد واللون الغامق ..





انا ماعندي لاتجاعيد ولاهالات ولله الحمد بس اختي لاحظت انه خفف هالمعضلتين عندهاا بس طبعاا بعد ماستمرت عليه فوق 3 شهور

يحتوي ع البانثينول وفيتامين هـ\

مسحه منه تؤدي الغرض لان كريمي

تقييمي له 9\10





لانه دهني جداا





سعره 139 متواجد بالصيدليات السابقه الذكر





الى هنا واكتفي بذكر هالمنتجات الى ان اشوف تفاعل منكم وابي تفاعل كبير لانه يحمسني انززل اكثر واكثرر

وتعبت والله في التنزيل للصور وكتابته وطفى علي اللاب توب ورجعت اكتبه كله لعيونكم ..

لنا لقاء بالمنتجات الاخرى قريبااا





be right back soon ..

http://forum.hawaaworld.com]https://d2s63a22uzwg40.cloudfront.net/1/5/4/5/6/7/8/55d268f8cb424.jpg