والله يدي وصلت لنص ساقي ماقدرت أوصل رجولي وما حسيت بأي آلام
وأنا ظهري أساسا قصير
وكمان رحمي مايل
مشكورة أختي

ما توقعت اسويها :) الحمدلله الله ستر ناجحه بس عالحافه خخخخخخخخخ

مشكوره حبيبتي...

السلام عليكم
بدون لاأسوي التمرين00انا رحمي نازل شوي على ماقالتلي الطبيبة
وقالتلي اسوي هذا التمرين اني أشد او أقبض منطقة الرحم 21 مرة
علشان تتقوى عضلات الرحم وقليل اسويها (أنسى) يعني لازم امسح
تعبت من المساح0

دمعة عمر اختي انا مالي خبره طويله يعني لي سنتين بس متزوجه بس قريباتي يسوون كاسات الهواء هذي عشان ترجع الرحم لمكانه بعد الولاده هي مثل فكره تفريغ الهواء الحرمه اللي مرختني الله يجزاها خير سوت لي اياها بقارورة فاضيه وتجيب فتله معاها وتولع فيها النار وتحطها على السره بالضبط طبعا النار ماتجيك ولا تلمسك ولا تحسي بحرارتها ترى انا خوافه يعني لو كانت تحرق لو شوي ماسويتها المهم بعد كذا تجيب القاروره مباشره وتحطها فوق الفتله وعلى طول النار تطفي لان نكون بكذا عزلنا الاوكسجين اللي بالهوى وهو اللي يسبب الاشتعال بعد كذا يبدا تفريغ الهواء وتحسين بحاجه تتحرك فيكي من جوا كانك تشفطين بطنك بمكنسه كهربائيه ههههههه والله وصف دقيق جبتها.. وتراها مفيده

اختي تطور الفكر انا غشيمه بالرياضه ما اعرف وشي التمارين السويديه اعرف كرة السله هههههههه التمرين يالطيبه انك تميدين رجولك وانتي جالسه وتحاولين تمسكين اصابيع رجلك بيدينك بس من دون ماتثنين ركبك بس..

بالنسبه للاخوات الطيبات اللي قالو انه بسبب طول الرجول والا قصرها ولا بسبب طول اليدين والله مالها دخل ةالدليل اني ماقدرت اسويه هالتمرين وكانو بنات عمي يدفوني دف بكل حيلهم عشان اوصل رجولي وامسكها وماكنت اقدر كان ظهري احسه بيطق نصين لين بعد المرخ الحمد لله عادي امسك رجولي ولا فيه الم لان رحمي كان بظهري يعني مقلوب لورى ومبروك على اللي نجحو بالاختبار يابنات يمكن تستهينون فيه انا كنت اقول مثلكم انه له دخل بالطول او اذا كان الجسم رياضي والعضلات متعوده على التمارين الرياضيه بس والله مالها دخل لين جربت بنفسي...

ومشكورين على التواصل واتمنى اللي ماجربت تجرب وتقول لنا وش صار معها..

على فكره بنت الرياض الاصليه حبيت اقولك اذا كان السبب من الرحم عندك وعشان كذا ماحملتي ترى كثير حريم كانو مثلك واراد الله لهم الحمل مرة اخوي 5 سنوات وبعد مامرخت عند حرمه ماعرفها بالقريات على طول حملت ما شاء الله والحين عندها وليدن والحمد لله يعني لا تفقدين الامل ان شاء الله نفرح فيك قريب وهذي الحرمه اللي مرختني عالجة وحده كل ماحملت تسقط وصار لها 7 سنين ماعندها اطفال وما شاء الله من يوم عالجتها حملت وثبت الحمل وجابت بنوته .. الله يرزقنا ان شاء الله الذرية الصالحه مانبي الا الدعاء منكم يابنات وعسى الله يجبر بخواطرنا ان شاء الله قادر على كل شي .