شلون نعرف الوزن الصحي
طبعا الوزن + الطول .. راح اعطيكم اسهل طريقة وهي معروفة

تحدد لج .. هل وزنج طبيعي .. او زايد .. او ناقص ..
طريقة حساب كتلة الجسم


BMI Categories:
Underweight = <18.5
Normal weight = 18.5–24.9
Overweight = 25–29.9
Obesity = BMI of 30 or greater


بما معناه .. كتلة الجسم ان كانت تساوي


اقل من 18.5 فان الوزن اقل من الطبيعي
ان كانت مابين 18.5 الى 24.9 فهذا الوزن الطبيعي
ان كانت 25 الى 29.9 عندك زيادة بالوزن ..
ان كانت اكثر من 30 فهذي سمنه ......


طريقة حساب الكتله هني مجرد تحطين طولج ووزنج الصجي طبعا لا تغشون محد بيدري عنكم
وموتحطين لي وزن مال قبل شهر .. الوزن يتغير كل يوم

http://www.nhlbisupport.com/bmi/bmi

ليش انا اسوي رجيم واختي تسوي نفس رجيمي وهي تنزل اكثر مني ؟؟؟؟


قبل كان عندي معتقد خاطئ.. ألا وهو ان الرجيم الواحد ينزل نفس الكيلوات لكل شخص يسويه ..

انتشار شائع بين الناس .. لكن شنو الصح ..


الصح ان الناس اللي عندهم سمنه وأوزان أكبر هم الاسرع نزول .. اي نعم .. شلوووون ؟


الدهون كل ماكانت قريبة من العظم .. كان حرقها أصعب ..

يعني مثلا وحدة وزنها 120 .. ووحدة وزنها 70 وكانو مسوين رجيم مناسب .

احتمال وارد جدا ان .. الأكثر وزنا تنزل أكثر .. ممكن تنزل بشهر 10 كيلوات والثانية تنزلي 6 مثلا طبعا ..


لذلك .. لاتخلون الرقم يحبطكم او يحسسكم ان نزولكم غلط او غير صحي ..

النزول البطيء هو الاحسن على المدى البعيد ..

لان النزول البطيئ + رياضة = شد جسم + ماكو ترهل


وضروري تشربوووووووون ماي مع الرياضة .. لان الجسم لما يخسر دهن ..
الماي يحل محل الدهن ( مؤقتا ) ويخلي الجسم شاد .. وبالتدريج ينزل الماي ويشد الجلد براحته ..


عشان جذي اللي ينزلون بسرعه، شوي يصير معاهم ترهل






وبما ان الدهن كل ماصار قريب من العظم صعب ينحرق

ااغلب اللي يخسرون رقم كبير من وزنهم يوقفون عند اخر 4 كيلوات او اخر كيلوين ..

مثل ما وعدتكم .راح اتكلم عن الفاكهه اللي بالسالب ..
وهذي من تغريدات الدكتور .. خالد الطيب
نقلتها لكم من تويتر .. وان شاء الله تستفيدون مثل مااستفدت :


راح اعطيكم مقدمة بسيطة فقط علشان اشوقكم لموضوع السعرات السالبة للتخلص من الوزن الزائد. هي طريقة فكرتها كل ما اكلت اكثر فقدت من وزنك اكثر
هناك قائمة من الاطعمه يقول لك هذا النظام ان تاكل منها اي كمية شئت و معدل النزول بالوزن يعتمد على كم الكمية التي تتناولها باليوم
بدأنا نشكك بالطريقة ، لكن عندي سؤال الرجاء الكل يشارك بالاجابة . السؤال هو كم سعره حرارية بالتفاحة الواحدة ؟؟؟

التفاحه فيها -20 سعره حرارية اي بالسالب و ليس بالموجب ،،، ها غريبة المعلومة عليكم شوي؟؟

بس هالمعلومة ابي اوصلها لكم قبل اخلد الى النوم ،،، التفاحه فيها 80 سعره محسوبه على تكسر روابط الكربوهيدريت و البروتين و غيرها لاعطاء الطاقة

ولكن مقدار ما يحتاجه الجسم لهضم التفاح و مافيها من الياف و غيره يحتاج الى 100 سعره حرارية يستمدها من الجسم فالمحصلة اذا 20 سعره بالسالب

من اراد ان يتعرف على هذه القائمة من الاطعمة سالبة السعرات الحرارية فليتفضل بزيارة هذا الموقع

‎http://caloriecount.about.com/forums/foods/list-negative-calorie-foods

لو اردنا تطبيق نظام السعرات الحرارية السالبة نبدأ يومنا بالعصائر كالبرتقال و الاناناس و التفاح خالية السكر. نأكل ما نشاء من السلطات

نشرب ما نشاء من شوربات الخضروات حسب المذكورة بالقائمة. لا مانع من تناول صدر دجاجة او بوزنها من الستيك او السمك مرة باليوم. نبتعد عن السكر

وهذه الطريقة صحية و مضمونة النتائج الا في حال وجود اضطراب بعمل الغدة الدرقية. يجب استشارة الطبيب قبل الشروع في هذا النظام







‏

كويتيات رد: ماذا بعد الرجيم ؟؟ 2012 ( خلاصة تجربتي والفايدة للكل )

عشان انزل صح لازم ابدا صح
عندي اراده
عندي امكانية
وعندي عزم ..

شلون ابدي ووين ؟



مافي مانع من استشارة اخصائي تغذية ..
وبزمنا ماشاء الله عندنا عيادات
تويتر
مواقع
تجارب
اشياء كثيرة ..



ابدي صح .. كل مازاد الوعي وانتبهنا لنوعية اكلنا كان افضل واسرع بالنزول
لا تستهينون بأي غش خلال الرجيم خاصه اول شهر ..

تعلمي دوم تقرين اللي تاكلينه
شوفي انتي جم كالوري قاعده تاخذين


احسبي الكمية صح .. لا تقولون شوية مايكفي .. ترى كله تعود

قبل لا تشترين شي .. ابحثي عن البديل الافضل
خلي اختياراتج ذكية وراح نتكلم عن البدائل الافضل ان شاء الله

ليش نشتري الشي العالي السعرات بينما فيه بديل احسن ؟

لا تستهينون بهالشي ..

الحليب الخالي الدسم والنص دسم والكامل الدسم ..
الخبز الابيض بالاسمر ..وغيره من التغيرات البسيطة

ماراح تتخيلون شكثر راح تفيدكم هالخطوة ..

راح توفرون من الكالوري بشكل كبير

عشان أبدا صح ...



لازم اقسم وجباتي واقيس جم كالوري ..

لازم مااطوف وجبة الفطور .. اللي هي مهمة جدا ..
خل اعطيكم معلومة ..


تدرون ان الجسم عشان يحرق
لازم انه ياكل خلال ساعتين من موعد الاستيقاظ؟؟؟؟؟؟؟


ها شرايكم؟