كوسةوبط

كوسةوبط @kosobt

عضوة جديدة

تجربتى فى تعليم الأطفال اللغة العربية والدين بمدرسة السبت

المواضيع المميزة

السلام عليكم جميعا:
أنا مصرية مغتربة حديثا بالولايات المتحدة يا دوووب بقالى 7 شهور فقط تقريبا ... أنا لم أعمل بالتدريس من قبل فأنا مهندسة كمبيوتر أعمل فى مجال قواعد البيانات... بصراحة هدفى الرئيسى من وراء هذا الموضوع هو التكويش ولم أكثر ما يمكن من الحسنات لو قدر للموضوع إنه يكمل
منذ حوالى شهرين كلمتنى صديقتى مديرة مدرسة السبت بالجامع هنا وقالت لى مش لاقيين حد يدرس والولاد هيضيعوا كده ووقعت فى عرضى وإضطريت إنى أقبل تحت ضغط منها لأنى بصراحة عصبية جدا على أولادى والغربة زادتنى عصبية وخفت أتعصب على الولاد فى الجامع ,اروح على البوليس ما إنتو عارفين هنا فى أمريكا محدش يقدر يزعق ولا يضرب عيل... :)
المهم توكلت على الله وسألته أن يعيننى وإبتدينا من أول سبت فى شهر سبتمبر
فى البداية أحب أوضح لكم إنى بأدرس الولاد فى المستوى الأول للغة العربية يعنى يا دوب الحروف وكام كلمة على كل حرف وبالنسبة للقرآن بأدى المستوى التانى يعنى الولاد اللى حافظين الفاتحة والصمد والناس والفلق وكام سورة صغيرة وبادى المستوى الأول برضه فى الدراسات الإسلامية وهى عبارة عن أخلاق ونعلمهم الوضوء والصلاة أعمار الأولاد فى العربى من 6 سنوات إلى 9 سنوات تقريبا وفى الدين من 7 سنوات إلى 12 سنة
أنا عاوزة أحط الملفات اللى أنا بأعملها للولاد والأفكار يمكن حد يستفيد منها ويدعى لى ويمكن تكون فيه واحدة منكم عندها فكرة أستفيد أنا منها وأدعى لها فى هذا الشهر الكريم ويمكن تكون صدقة جارية لينا كلنا...
المشكلة اللى بتواجهنى حاليا هى الملل فالأطفال أغلبهم جايين غصب عنهم ومش عاوزين ييجو وبيزهقوا ومش عارفة أعمل لهم إيه ... نفسى أحببهم فى اللغة والقرآن ... مش عارفة لسه
طيب أنا هأكتفى بهذا القدر الآن وأرجو أن الموضوع ميكونش مكرر أنا عملت بحث فى المنتدى وملقيتش حاجة شبهه.... لو عاوزيننى أكمل قولو لى لو الموضوع يهمكم لكن لو مش مهم قولو لى برضه :) علشان أبعت للمشرفات يحذفوه
وجزاكم الله خيرا..... ورمضان كريم
104
17K

يلزم عليك تسجيل الدخول أولًا لكتابة تعليق.

تسجيل دخول

رغد الحياة
رغد الحياة
السلام عليكم

موضوع جدا رائع وراح يستفيد منه المعلمات والامهات باذن الله
ياليت تطلعي على هالرابط راح يفيدك كتير
وبتقدري تلاقي ردي عليكي في مسألة ملل الأطفال :)
http://archive.hawaaworld.com/showthread.php?t=259532

بالتفويق ياقلبي
مشيمشة
مشيمشة
اهلين اختي كوسة وبط

الله ايعينك علي المسؤلية ويوفقك ان شاء الله , او موضوعك رائع جدا
او ياريتك تستمري , تقولينا على فكرتك , من شأن اندير حل لاطفالنا
ان مثلك ام قاعدة في البيت , او اتمنى اعرف اي طريقة استفيد منها
لتعليم اطفالي العربي , او احنا ما عندنا مدرسة عربية بالمدينة يلي موجودين فيها
ننتظرك واستمري بموضوعك يالغالية او صدقيني كثير امهات رح يستفيدوا منك
مثل حالاتي , او الله ايوفقك ان شاء الله :)
om mena
om mena
موضوع رئع يا ريت تكملي احنا متابعينك وان شاء الله الكل يستفيد انا بنتي 4 سنوات وبدات معاها تعلم الحروف العربيه وكمان قصار الصور بس اقولك حاجه تضحك لما بعلمها الحروف في حروف بتعجبها وحروف مش بتعجبها يعني تحب حرف ب لانه سهل لكن مش بتحب حرف ا علشان الهمزه
ام احلى اسره
ام احلى اسره
موضوع رئع يا ريت تكملي احنا متابعينك وان شاء الله الكل يستفيد انا بنتي 4 سنوات وبدات معاها تعلم الحروف العربيه وكمان قصار الصور بس اقولك حاجه تضحك لما بعلمها الحروف في حروف بتعجبها وحروف مش بتعجبها يعني تحب حرف ب لانه سهل لكن مش بتحب حرف ا علشان الهمزه
موضوع رئع يا ريت تكملي احنا متابعينك وان شاء الله الكل يستفيد انا بنتي 4 سنوات وبدات معاها تعلم...
موضوعك رااااااااااااائع يالغاليه.
ان شاء الله اكون اول المستفدين منه..لان اولادي يكرهون دراسه العربي..
جزاك الله خير...
أين العدل
أين العدل
اختي موضوع جيد بس المشكله انه المدرسات العربيات عصبيات كثير ومعلمه في اتوا دخلت الصف وهي تنافخ وقالت للاولاد نفسي امسك عصاه واظل اضرب فيكم المهم ابن صاحبيتي قال لامه اذا ضربتني رح احكي لمدير مدرستنا وامه خافت على المدرسه وقالتلها المهم عزيزتي ان تحببوهم باللغه وعلموهم شوي شوي ومنكم نستفيد وفقك الله