تجربتي المؤلمه ..من النحف الشديد الى السمنة

السﻻم عليكم
شخباركم بنات .. عساكم طيبين يارب

بداية بسرد لكم قصتي بالتفصيل الممل ومعاناتي وكيف كنت وكيف صرت
ولان كثير بنات نفسي انا بقولكم اللي صار معي
والعاقل من اتعظ بغيره .. ونصيحة ببلاش
واتمنى انكم تدعون لي بالذرية الصالحة


نبدا ..
طبعا انا بنت كنت نحيييفه بمعنى الكلمة نحف نحف وزني يمكن 36 وقتها عمري 17
وكان كلشي فيني حلو بس الضعف مخرب شكلي وكنت متعقده بدرجة فضيعه دايم ابكي وﻻ خليت اي مستشفى وﻻ دكتور تغذية وﻻ خلطات وﻻ عنبريه وﻻ حليب وﻻ سمن ولا اي شي ابي امتن باي طريقة مايهمني اهم شي امتن كنت لما ألبس فستان او شي يقولون لي مو حلو امتني وانا تزيد فيني العقدة وارجع ابكي وبطلت اعراس وحفﻻت .. وعذبت اهلي عذاب وماقصروا بشي دايم اللي ابيه يسوونه من زود ماكنت صدعة
المهم مره بكيت وقلت يارب ابي حل
وطحت على حبوب اسمها 'ميسجور' وانها غير ضاره و يوصفونها اطباء ومن هالكﻻم
طيااااااارة رحت اخذها وكنت شبه فاقده امل من زود الخيبات
وشربتها ورحت الجامعة اول سنة كانت لي
وتميت اشتري سندويش وبعدي يوعانة واشتري ثانية وهم ابي اكل ... قلت فديت روحج يالمسجور وينج من زمان
المهم تميت عليها شهر
وصار وزني 40 ... وكل من شافني قال طلع لج خديدات احلى اسمني
عاد ماصدقت وتميت يوميا اشتري ساندويش بالليل والكوﻻ كراتين بالثﻻجة و سويس رول اللي يجي جاهز ويقلونه .. وكنت دايم اروح الجمعية واشتري يمكن ب 500 اكل وشبس و بيبسي وهالسوالف وكوكاو
المهم كان معنا عرس
وكنت حزتها 50 .. وانا طبيعة جسمي عظامي صغيررره مو عريضه ف بسرعه امتلي شحم ويبان علي

وكنت مستعده لعرس خالتي
فستان ناعم وصابغه اسود حتى المكياج كان حلو علي
وكل اللي اعرفهم ماعرفوني قالو ماشالله واايد حلويتي وجيه
وبعد اسبوع تم يجوني خطاطيين كل مره واحد الى ان وافقت وتم خطبتي الحمدلله
عاد انا تغيرت بالكمين كيلو وقلت بزيد عسب اطلع احلى وكنت ازيد وفعلا طلعت غيرررررر الخدود تحلي وصار وجهي دائري
المهم تزوجت ... كنت ازيد وازيد وانا مااحس وصرت دبه للاسف قارب وزني 70 وانا مو عريضه مافيني عظام وايد
كان خدود وزنود وفخوذ وكرش طلع شكلي غلط
وكانت الدورة تغيب بالايام وانا مو هامني
وكنت اقول يمكن حمل وافحص وماشي حمل
مرت الايام وريلي يبي طفل .. الناس تسأل شفيها ماحملت وانا مووو هامني شي خخخخخخ
مرت سنة عقب بديت انتبه لنفسي ليه ماحملت للحين؟؟
رحت المستشفى
قالولي لازم فحص دم وفحص سونار
طبعا انصدمت الطبيبه شووووو سويتي بنفسج؟؟؟
معج تكيس شدددددددديدددددد ودهووون متكدسه بشكل فضيع على المبيض
بليززززز ﻻتحملين المبيض تبعج يخوف من زود التكيساااات
يابنت انحفي لووو تموتين يووووووع انحففففي اهم شي تنحفين


انا خليت هالكﻻم بقلبي وساءت نفسيتي وخصوصا كل اللي متزوجين معاي معهم طفل والحين حوامل الله يتمم عليهم
وانا قاعده ادفع الثمن غاااااااااااااااااااالي

الحين الحمدلله نزلت 8 كيلو من وزني وبدت شوي دورتي تتعدل والله يرزقني بالذرية الصالحة المعافاه يارب

هذي تجربتي للبنات اللي متعقدين من النحف ويبون يمتنون باي طريقة ومو مهم معهم كيف

ﻻتنسوني من صالح دعائكم