:heart:السلام عليكم بنات ماراح اطول بعطيكم المفيد:26:
تعالي هنا تبي تنحفي اتوكلي على الله وابدأي واسألي الله العون
بدأت بنظامي واللي من راسي لان ما احب التقيد واستمريت لمدة تقريبا سنه
مع مشي نص ربع او ساعه او اكتر حسب طاقتي اهم شي امشي واتحرك لان ملوله
والان بقولكم ايش كنت اكل طبعا لحد ما اشبع لا للجوع ابدا بنظامي عشان استمر نظام حياة مريح وكنت استمتع والله وكنت اوقف احيانا فترة مفتوحه اقصى حد 3 اسابيع وارجع لحد ما اشحن طاقه وارجع تاني كنت اسايس نفسي زي الطفل عشان اكمل وارضى واستمتع بالنظام بدون ضجر
المسموح هو
الفواكه والخضار والبيض المسلوق والجبن المنزوع الدسم واللبن المنزوع والقليل الدسم
وعيش حب بالنخالة ربع رغيف في الوجبه وعصير برتقال بدون سكر تبع المراعي واشرب شاي عدني بحليب منزوع وشاي احمر بنعناع واخضر
وقهوة تركي وكابتشينو واحلي بسكر رجيم واحط حليب قليل الدسم واكل برضو توته بعد ما اغسلها ولحوم مشويه واشرب مويه كتييييير
كل ماجعت اكلت اي شي من اللي فوق واكا البيت كنت اكل منه ملعقه او 2 لو رز ولو ايدام اكل برع رغيف حب والباقي اكمله من الاكل اللي فوق لحد ما اشبع وكنت كل ما حسيت بالجوع بين الوجبات اسوي شي حار اشربه
يا عدني او كابوتشينو وبعدها لو جيعانه اكل من المسموح ولو بنص الليل والله يابنات اهم شي الاستمرار كنت انزل
بشهر 10 وبشهر 7 وبشهر 5 اقل شي 5 وبعد سنه حققت النجااااااااااااااح:icon19:
ونزلت من 105 الى 65 قولو ماشاء الله تبارك الله:wink:
وربي يابنات كل شي فيني اتغير وكل من شافني يحسبني بنوته لسه ما اتزوجت
وماا اروح زواح اوتجمع الا انخطب وينصدمو لمن يعرفو اني متزوجه ومخلفه
حتى زوجي يقولي سرت في الروضه :tongue3:ههههه مقاساتي للبناطيل من 46 الى 30 و28 والبس اسمول وميديام
بصراحه كل شي حولي اصبح له طعم
انا عارفه كلامي مو مرتب بس من حبي لكم قلت لازم اقولكم ع تجربتي واشد من همتكم
وادعولي انزل ل60 كيلو وانا الان ماشيه ع نفس النظام والله ينحف كل مسلمه تبغى تنحف
احبكم :smile::heart: