خاصة ان هذه المواقع توفر عليك الوقت و الجهد و ايضا تجدين بهذا الخيار بضاعه متنوعه و متجدده اول بااول حسب اتجاهات الموضة
لكن يكون دائما الخوف من الحصول على موقع آمن و سرعة شحن للطلب و تغليف ممتاز للشحنه ..
حتكلم لكم عن تجربتي بالطلب من موقع shop bop
اتوقع كثير منكم يعرف شوب بوب لكن للي مايعرفه فهو موقع تابع لأمازون و تتوفر
فيه قطع لمصممين عالميين ( الهاي اند ) أصليه ,
و من الاشياء المميزه في هذا الموقع الخيارات الكثيره بتوفير خيارات متنوعه من
البراندز بااسعار مرتفعه وايضاً بتوفير براندز متوسطة السعر,
وايضاً الشحن الاكسبرس المجاني و دايركت على السعودية .
رابط الموقع هنا
تجربتـــــــــي :
كانت تجربتي معاهم ممتازه وباين هالشي من تجربتي المره الثانيه
طلبيتي وصلت خلال 4 ايام وهم كانو حاطين لي من يومين لاربعة ايام
وهالشي جدا ممتاز منهم خدمة سريعه
كانت طلبيتي يوم الاثنين ووصلت يوم الخميس الصبح لDHL
وكان فيه بفرع دي اتش ال خدمة توصيل وهالشي يختلف من فرع لفرع
وكتير جاتني اسئلة عن طريقة الطلب و هل فيه دفع عند الاستلام او لا ؟!
للاسف مافي دفع عند الاستلام لازم يكون عندك فيزا
.................
نجي لطريقة الطلب :
- تسجلين في الموقع .
- بعد ماتتسوقين بالموقع وتختارين القطع وتضيفينها لسلتك ( سلة المشتريات ) تدخلين عليها وتتأكدين من مشترياتك وتضغطي على زر Check out .
- بعدها تلقائياً راح ينتقل على صفحة فيها تفاصيل مشترياتك + عنوانك + طريقة الشحن .. طبعا تختارين اضافة عنوان تكتبين عنوانك و مو مهم كل التفاصيل وبعدها تضغطين على زر Continue .
- و في نفس هذي الصفحة تكتبي تفاصيل طريقة الدفع فيزتك او اي شي ثاني وتحطين البيانات اللي يطلبها منك لو فرضنا اخترتي فيزا تكتبين اسمك اللي على الفيزا و الرقم و تاريخ الانتهاء وبعدها تضغطي على Continue .
و بكذا تكونيين تسوقتي و تمت عملية طلبك من الموقع بنجاح ...
نجي لمشترياتي هذي المره :
.............................. ..............
شوز ابيض من ماركة كونفرس CONVERSE
من زمان كنت حابه اشتري هذا الشوز و دايم ماالقى مقاسي هنا
فققررت اطلب اون لاين لكن نصيحة يابنات خذي اصغر من مقاسك بدرجة
انا اعتمدت على كلامهم و على الريفيوز بالموقع و اخذت اصغر بنص بس لكن للاسف طلع واسع علي شوي
رابط الشوز بالموقع
.............................. ..................
ثاني شغله اخذتها صندل صيفي اذا تذكرون في الانستقرام قلت لكم عن صنادل الصيف
اللي دارجة هذي الفتره و خاصة اللي فيها البوم بوم ( الاقمشة بشكل كوره )
طلبتها لاني حابتها كثير مع فساتين الصيف وراح تشوفون ان شاءالله صور لها مع كم فستان صيفي
اخذته من ماركة sam edelman
.............................. ................
و اخيراً قررت اخذ Card Holder
هذا اخذته من توري بورش و اللي عجبني فيه انو فيه من قدام درجين و من الخلف درجين و برضو بالنص اقدر احط فيه فلوسي .. وهذا اللي حمسني انه بيشيل اغلب بطايقي و يخليني استغنى عن المحفظه خاصة في الشنط الصغيره
وهذا رابطه في الموقع
............................
واخر شي كتاب خاص بالفاشن ...
رابط الكتاب
.............................
وبس هذي كانت مشترياتي و تجربتي
وحبيت اشارككم فيها
لاتحرموني من تعليقاتكم الجميله ...
تابعوا المزيد على مدونتي
almahalechic.blogspot.com