يعطيكي العافيه موضوع متكامل

كيميائيه وعليكم السلام رياضتك وايد حلوة بس لاتحسبين ربع ساعه عالدرج لا احسبي 10 مرات طالع ونازل يعني 20 مره فهمتي قصدي وزماشاء الله وزنك موب كثير يبيلك (7) كيلو بالبدايه نتخلص منهم على اسبوعين يكون صار وزنك (56) اذا وصلتي حق هالوزن دلعي نفسك حول الاسبوع ونفس الكلام لو سمنتي كيلو لاتزعلين ولا عبالك عندنا وقت نطيره
نجي للمرحله الثانيه نفس الشي على اسبوعين يكون صار الوزن (50) اذا وصلتي هالوزن ريجي اسبوع
واخيرا اخر اسبوع نخلص من ال3 كيلو يكون الوزن بين (47)) او(48) يعني محتاجه 5اسابيع واسبوعين كاملين مفتوحين هذي 7 اسابيع ونحط اسبوع زياده حق الايام الثانيه يعني بشهرين مع البريك طبعا بس اذا عندك زواج اجل قللي من الاسبوع المفتوح وخليه من (3) (4) ايام

ماشاء الله عليك ياقلبي
مررره كلامك حلو ومعلوماتك مفيده
وان شاء الله ننحف من غير شر

حبيبتي لازورد ان كان قصدك انك تاكلين رز ومعاه قطعه دجاج وسلطه ( أو) مكرونه بالتونه مع لحم او ربيان وسلطه اي نعم هذا القصد اصلا
للكن الممنوع انك تكونين مسويه صينيه خضار ومسويه مكرونه مثلن تاخذين من ذه ومن ذه
او تكونين مصلحه رز ومعاها مكرونه وتروحين تاخذين من ذه ومن ذه لا مايجوووز كذا ابدن

حبيبتي مزن شوفي انا اصلا كاتبه انه اللي يعتمد الرياضه اسلوب حياه له انه بشكل دائم الخميس والجمعه يرتاح ويمارسها 3 ايام بلاسبوع او 5 عشان ماتطفشين فالقليل الدائم ولا الكثير المنقطع لكن اذا انت مسويه رجيم بهدف انه عندك وزن تبين تتخلصين منه طول مانت بالنظام الغذائي لازم رياضه حرام تجوعين وتعبين عمرك عالفاضي
بالنسبه انك تسوين رياضه وتخربين بلاكل هالطريقه حلوة حق اللي يبون يحافظون عالوزن
وبالنسبه لي مثل ماقلتلك ايام النظام كنت اسويها ويوم البريك اريح نفسي ويوم اوصل للوزن اللي ابيه ان شاء الله ناويه اني اسوي التمارين يوم بعد يوم لاني عند اراده الحمدلله اذا شفت نتيجه طيبه وان شفت انه ابتدى الجسم يبني عضل لالالالا هنا بعلن حاله طوارئ وبخليها مرتين او3 بلاسبوع ماداني يصير جسمي مثل المصارعات خخخخخخخخخخخخ اتمنى انكم فهمتوني