:)
:26:

حبيبتي حواء: بالنسبه لاوبرا او غيرها انصحكم انه لاتقارنون نفسكم باي حد كل وحده جسمها يختلف عن الثانيه ومن ناحيه ثانيه جسمها ضخم لانها للحين تعاني من الوزن الزائد ولا انت شايفه انه جسمها مثالي؟؟
بالنسبه للوزن اللي يرجع عادتا بسرعه انا اخاف تفهمون كلامي غلط بس عشان كذا انا احب النظام اللي يكون في تخفيف اجسن من اللي يفرض عليكي اشياء انت اصلا ماتاكلينها ولين خلص الرجيم بنرد حق اكلنا الطبيعي وماراح ننتبه انه الكميه قليله ولا كثيره
اما التخفيف لما تشوفي بصحنك 7 ملاعق رز بس وتخلصين رجيم وتجين تبين تردين مثل اول وتملين الصحن تحسين انه لالالالالالالالالا شنو هاي الكميه ذي اضعاف اضعاف اللي قبل وبتخافين وتحسين انك تلقائيا تبين ترجعين اكل من اللي في الصحن انا والله ذه اللي صار معاي قمت اشوف الفرق بصحني واعرف وش كثر اكل زياده عن حاجتي
بالنسبه للرياضه لاياعمري لاتخافين ولا على بالك انا من قبل كله اقول اهم شي عندي الرقم لكن تدرين انسي الرقم بس موب الحين اذا وصلتي القياس المعين او تحسين انه شكل جسمك حلو انت ليش تتخلين انه جسمك بيصير مثل المصارعات ولا الرياضيات اللي نشوفهم بالتلفزيون شفتي المدربه اللي بالروابط هذي جسمها معضل تحسينه بشع؟؟؟؟
واراهنك انها توقف عالميزان تلاقي وزنها يعطي 60 ولا بالخمسينات بس تحسبينها تتعقد لا لانها عارفه انه ذه وزن العضل ولا هي جسمها مصقول ماشاء الله
اتمنى اني اكون وضحتلك بشكل صحيح

صباح الورد ياطباشير اقصد تباشير سوري احوليت عندك اول شي (13) كيلو من كل بد لازن ترمينهم برا تخيلي اعتقد بيتغير قياسك صحيح
ومسويه اسبوعين رجيم ونحفتي 4 كيلو وهالشي طبيعي فديتك الاجسام تختلف وبالنسبه للشحمتين على قوله زوجي فديته مخدات نفس اللي عندي خخخخخخخ وبالنسبه لل(7) كيلو ب(6) اسابيع حرام قليل مره بالنسبه للرجيم موب شين حلو بس تقدرين توفرين اغراض الرجيم كل يوم يعني ماتجوعين ماتتعبين
عالعموم بنات انا موب ضد الرجيم ابدا ولو قلت مايجيب نتيجه اصير كذابه لكن المشكله فيني انا اني احب الاكل والرجيم يقلك لمده شهر طيب يوم اشتهي شي احس انه الاسهل اني اخرب واكل اللي في خاطري وارد من جديد ابتدي وساعات كنت امسك نفسي واكمل اقوم الصبح وجع مافي توست مافي بيض طبعا ماني لحالي فالبيت اخواني كانو ياكلون ويخلص ومادري عنه اتم بالجوع ومحتاسه ومحتاره يعني هالشي كان متعبني صدق يعني قصه الرجيم معاناه شخصيه وقلتلكم الميزه من نظام التخفيف انه يعودك تشوفين حجم الاكل الصحي
بالنسبه للدوخه والشحوب حتى النظام ذه ممكن يسببه خاصه الدوخه وخاصه اللي وزنهم ثقيل يعني (90-100) وساعات اللي بال(80) لاهنه يابنات الجسم متعود على كميه كبيره وفجأه راح ينخفض مستوى السكر بالدم فتجي دوخه بس هالشي طبيعي وازين عودي جسمك على هالكميات تقدرين تاخذين حديد ومكمل غذائي يبيعونه فالصيدليه بالفواكه رهيب والله انا وزوجي واهله كلنا ناخذه من غير سبب بعد ممتاز اذ كنت توك طالعه من رجيم جديد ريحي نفسك وان كنت تشوفين نفسك بسرررررررررررعه تسمنين شيكي عالغده وبالنسبه حق الدهون اللي في البطن اذا عندك جهاز او سوي التمارين فالبيت والله بشهر ياعمري بتشوفين نتيجه تسرك مره وكل شي بتطالعين بطنك
وفي تنبيه حق البنات: اذذ عندك منطقه سمينه لاتمين تمسكين الجلد وتشدينه على البره لانه طبيعه البشره قابله لتتمدد وغير كذا ممكن انك تحفزين السليكون والكرتزون اللي بالجسم من غير ماتنتبهين وتزيدين المشكله انا ساعات مثلا لين جا حد يمزح معاي ويمسك المخدات اللي عندي اهاوشه معنها موب كبيره مره بس اقلهم لاتسوون كذا تراها بتزيد وان شاء الله اكون افدتك ياعمري

ميس زين ذكرتيني بالرجيم القاسي: شوفو يابنات تبون رجيم قاسي سوو بكيفكم لكن اوعدكم الاسبوع اللي بعده تسمنون الضعف واذا ماكان اللي بعده اللي بعده لانه الجسم يعد انه بحاله طوارئ ويوم توقفين الرجيم اي شي بتاكلينه الجسم بيتمسك فيه وبيخزنه لانه راح يخاف من حاله التجويع ذي مره ثانيه التخفيف موب مثل الرجيم القاسي ابداااااااااااا مافي مقارنه وممكن يسببب هبوط مفاجئ لانه السكر اللي بالدم بينزل نزله قويه تعرضون نفسكم للخطر وللسمنه اما هالرجيم اقلكم يسووونه اللي عندها مناسبه مفاجأه بعد اسبوع من الفنانات مثلا وتكون عارفه انه الاسبوع اللي بعديه بتسمن بس ذولاك عندهم دكاتره يحطون ويشلون لهم بس انتوا من عندكم يزين ويترب لكم دوا وخرابيط
بالنسبه حق رجيمك حلو ماعليه كلام واذا مافطرتي ايه خليه للعشا بس لاتتعودينها عشان جسمك لايتعود عالقليل والاسبوع اللي بعديه يتعبنا اكثر اذا كان وزنك من النوع اللي صعب اتوقعلك من (1-1.5) كيلو ان كان من الصعب مثل ماتقولين وحاولي ترفعين وقت الرياضه لنص ساعه يتراوالي جسمك متعود على ربع ساعه واصلن ماتكفي الربع ذي حق اللي وزنهم بال(100-90)
وبالنسبه حق فصيله الدم والله ماعندي اي فكره عنها بس مادري احس انه القصه قصه دهون واكل موب صحي او كثير او غده كسوله بس مادري والله مابي اقول شي ماعرفه

فديت نورهانا والله وايد لزيزة تسلمين لي